2 Kolini 8:3 - Ata New Testament

³ La avikala lamana lexe ane'i vilevilesi mipi­lixinu lamoli ta'eimo ane'i me'a mixamulinu lexe imomomo no anu. Ia italo axone uasi, mipitanu se'i no latanula, mole me'a mikalusi'a avile.

2 Kolini 8:3 ပူးပေါင်းရင်းမြစ်များ

Maki 14:8

Manina, ane vote'i so ilutunu ueli no vasimelo no voxo so i'asixo uasi. Ia ane mi'oxonu lumamo aloxo 'o, la anu laixe kalumo.

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Lomu 10:2

Eni alavusi'a mo avikala lamana lexe ane'i xavine'i so imulinu masaxa noxou Mosinge. Xavine'i, ia imomomo uasi xo ilamana no anu oponu uasi.

1 Kolini 16:2

Aloxo 'o. No anu voxo tei utotomu la ngingi vilevilesi ngaxexenu lamoli sevile no anu ane ngaxalisou. Loxo ngaxalisou tatila la ngaxexenu tatila, xe loxo kitua se la ngaxexenu sevilesi. Ngaxexenu la ngamulaxu va'axu mo so loxo eni ane'e la nga'au'au no anula uasi, xo ngepitanu mukalu.

1 Kolini 9:17

Loxo eni melo a'oxonu no anu masaxa na'a xeli la masi ngalosilo lapesou. Ia uasi, eni melo ailounu xaixai ano'o uasi. Tatananenge molu mupilixinu noxilo so alanu vaikalasou laixe 'o.

Xalesia 4:15

Ai, no voxo ne ngingi nge'osasilo mise­vile. Ia osa anene munavae? Eni avikala manina lexe no voxo ne ngingi masi ngaxexenu iengi lavo'onu ka ngalosilo loxo anu umomomo so usu'ulileli.

Pilipai 2:13

Xo anu ane so uxaxai nonano noxinge, a Mosingesi. Anu a uxaxai so u'avutinoxu osa no opongengi so ngamulinu masaxa noxou u'isalili ka ulosinge xavi so nga'oxonu.

Kolosi 4:13

Xe eni avikala lamana noxinge lexe anu sasaiou so su'ulisinge ngoli'a tamitemaou Mosinge no anu pita no taoni ne Laotisea xe ne Ielapolisi.

1 Tesalonaika 2:8

Nexi tesexelangengi misevile laso ta'osa so te'itingenge vaikala laixe noxou Mosinge. Ia vaikalasi uasi, mauli noxixe te'itingengi kalumo xo oponexi u'osasinge lapilai uasisi.

Vilemoni 1:14

Ia e'oxo lexe mamu so a'oxonu mi vile ane oponeni vilesisi no anu tei uasi. Xo amasaxau lexe asouneni no anu su'uli vile uasi, anu laixe so na'alaunasilo no anu masaxa na'a ninisi.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.