2 Kolini 7:7 - Ata New Testament

⁷ Texalisou mamatola so muxali axone ia no anu vote'i vilela aloxo 'o. Anu mua'aloxu voxo so muxali noxinge lexe ngingi ngemama­tolanu. Xe mua'alongenge lexe opongengi ututulu so ngamaisilo mo ngingi tangengixo misevile mo ngetatamasou mi e ngepolo va'axu no anu. Mua'alongenge axone laso osa'ila noxilo mutiatila.

2 Kolini 7:7 ပူးပေါင်းရင်းမြစ်များ

Matiu 26:75

La Pita muxa­vutalanu vaikalaou Iesua e lexe, “Nini navikalane'i tamitema lexe nala­vu­silo uasi alaxu tatalusou xe ukalu la nalomusou koko'a u'ava.” Muxavutalanu la mulai noale mole tama noxou mutilasi.

Matiu 5:4

Laixe noxi'a ane'i ane itatama vaimomo 'o xo ili'i la ixalisou mamatola ane.

Luku 22:44

Xe mune'e la Iesua muxamulinu tu'umaxu mu'oki manina laso mukatu noxou Mosinge tatilala. La tu'umaxu ne mukasou mole sasaiou munixi mupei no lia la loxo sialu 'osi.

Ta'aposeli 11:23

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

Lomu 1:12

Ia mi ne, enisisi uasi. Nenge nenge'a ta'oxonu pakia'inge no anu lopala noxinge ngato'o.

1 Kolini 5:2

Mo axova so ngingi nga'i­tingengi lexe ngingi tamitema talaixe ne? Anu laixe loxo opongengi tu'umaxuou mo ngatatamasou mi ne. Mo kalumo, la ngakusaou itema e mu'oxonu ilixo ne so uxolu no taingengi uasi.

2 Kolini 1:4

Xo loxo tu'utu'umaxu uxalisixe la anu ulavusou umamatolanexi. Laso tamitema ta'ei kalumo itavulenu tu'umaxu la mamatola ane teno'u noxou Mosinge ne la tavulunu noxi'a.

2 Kolini 2:9

No anu lapasi e ekaukavunu mune'e noxinge mala'o ne so etovonu opongengisi, lexe ngalomu laixe no anu mimi mukalusi o uasi.

2 Kolini 5:2

La nenge taxolu mo taiele no anu tani ano'o xo oponenge utatamasou tasinge manina no tualasou Mosinge so usu'asinge.

2 Kolini 7:6

Ia Mosinge ulavusou umamato­lane'i tamitema ta'ei opone'i tu'umaxu. Laso anu mupalusou Taitusi mune'e noxixe, la no anu vote'i anene mumamatolanexi.

2 Kolini 7:8

Xo mala'o loxo ekalanu lapasi mune'e noxinge e muvau opongengi tu'umaxu, la opoleli mumulinu mo e'oxo lexe, Iu, laixe loxo ekalanu uasi.” Ia vaimomo 'o e'osa so ekalanu axone xo elomu lexe muvau opongengi tu'umaxu ia voxo se ataxusi.

2 Kolini 8:16

La eni avikala laixe noxou Mosinge xo mu'avutinoxu sexela­singe no oponu Taitusi a iou vilesisi loxo nexi 'o.

Pilipai 1:20

Mo mi ane alopalanu xe opoleli u'oxoxu aloxo 'o. A'oxonu mi vile so atavulenu maila no anu uasi. Mo loxo amauli o asoli la amama'u uasi. Mi ma'ia a'oxonu no anu vasimelo vaimomo 'o mo ili'i avile la so a'itinu ualasou Kalaisiti no anusi.

Kolosi 2:5

Xo manina, eni exolu nopaxa noxinge aloxo 'o ia taleli a uxolu noxinge ne. Laso eni a'osa so amaisou xaixai noxinge ulovosi mo lopala noxinge pakia'u noxou Kalaisiti.

1 Tesalonaika 3:6

Ioxe, tanexilili axone ia Timoti mulivu muxali 'o. La latailivuxu laixe xo mua'aloxu lopala mo sexela noxinge. Mo mua'alo lexe ngingi ngaxolu tangenginexe. Mo opongengi utatama so ngamaisixe a loxo oponexi utatamasinge ne.

1 Tesalonaika 3:8

Nexi telavu lexe pakia'inge noxou Tatananenge laso nexi taxolu tamaulisi.

Ipilu 2:1

Ioxe, Mosinge Olu u'uli'uli avile axone laso vaikala laixesou e telomusou mukalu la takamakulunu pakia'u. Talaxa'i laixe xo loxo 'o io masi tasasalo taxexesou.

Tiemisi 5:17

Xo polopeti tatei e Elaitia anu itema loxo nenge 'osi. Ia anu xavinu so mulinga noxou Mosinge lexe uali usilila uasi. La muxali axonesi xo muxolu tau ie tatalu mo so'io 6 la uali usili uasisi.

2 Tioni 1:4

Eni elomu lexe ta'iline mose'i muamua'ixa'a no anu vaikala anu temanu manina aloxo texalisou voto noxou Maminge lexe tamu­linu. Elomu axone la e'osa manina.

Iuti 1:3

Ioxe tamaula, eni opoleli mutu­tulu lexe akaukavu ulai noxinge so usu'ulinu xavutalamengi no anu pamauli ane nenge nenge'a texa­lisou mukalu. Ia examulinu lexe eni masi akaukavunu vaikalasou ngiou vile aloxo 'o kalumo. Amasaxau a'avutinixinge so ngasoa pakia'u mo ngautululunu lopala na'a nenge. Vaikala so lopala anene Mosinge mupilixinu loloni noxinge tamite­maou mu'isalili mo ili'i la uxiunu o usolonu no latanu la uasisi.