2 Kolini 7:4 - Ata New Testament

⁴ La elavu manina lexe avikala noxinge aloxo 'o la ngingi ngalomuxu, laso atatalumeu mi vile no opoleli uasi. Eni a'osa so aa'alongenge noxi'a leviani. Manina, nexi tatavulenu tu'utu'u­maxu ia loxo axavutala­ngengi la opoleli uai se'isisi mo osa'ilasinge misevile.

2 Kolini 7:4 ပူးပေါင်းရင်းမြစ်များ

Ta'aposeli 5:41

Ane'i mila la mivikalane'i ngato'o lexe, “Ai, aloxo 'o laixe xo Mosinge muilonenge so tatavulenu tu'umaxu mo maila no anu ualasou Iesua.”

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

1 Kolini 1:4

Eni alavusou axavutalangengi mo avikala laixe noxou Mosinge utotomu. Avikala laixe so iaiama mulosinge no anu vote'i e noxou Kalaisiti Iesua.

2 Kolini 1:4

Xo loxo tu'utu'umaxu uxalisixe la anu ulavusou umamatolanexi. Laso tamitema ta'ei kalumo itavulenu tu'umaxu la mamatola ane teno'u noxou Mosinge ne la tavulunu noxi'a.

2 Kolini 10:8

Tava'u so Tatananenge mulosixe xavi a so ta'oxo pakia'u lopala noxinge, anu so tamamulonu uasi. Laso loxo a'itinu ualasixe sevile no anu xaixai mulosixe 'o, la eni atavulenu maila no anu uasisi.

2 Kolini 11:21

Ia nexi xavinexi so ta'oxongengi kaini axone uasi, laso anu masi mi so amailamulinu, ne? Ia loxo evile xavinu so uvikala lamana no anu ilixou la eni kalumo xavileli so apala'anixu noxilo ane. O vaikalaxeli muxali vuluvulusi moe.

2 Kolini 2:14

Ia alemolu laixe noxou Mosinge xo anu upamuxanexi aloxo 'o. Kalaisiti muua'uli no anu oto ka anu u'uli laxunexi 'o. Xe nexi taxixao taa'aloxu laso lavu­lavusou anu loxo mi tuma'u lailaixe ane sivo utavulenu uxalixu no tuatuala mukalusi.

2 Kolini 3:12

La mi e talopalanu taxomaiou a iaxu anenesi, laso maixene tamama'u uasi, talanu vaikala no anu xavisi.

2 Kolini 7:14

Tei la e'itinu ualasinge noxou Taitusi so ea'aloxu ilixomengi lexe laixesi. La amai­lamulinu vaikalaxeli ne uasi xo mi ma'ia telemolu noxou la molu mumaisou lexe maninasi. Vaikala ma'ia nexi telemolu noxinge la maninasi mo anu mupalasi lexe vaikala ane telemolu noxou la anu axonesi.

2 Kolini 8:24

Laso loxo ixolu no taingengi ne la ngapala'anixu sexela noxinge noxi'a. Mo so loxo ilivu no anu pitapita la ipalasinoxu sexela noxinge lexe temanu mo ivalaxu vaikalamexi so tea'alo­ngenge laixe.

Pilipai 1:14

Xe tavu'alo noxi'a tavivinge milavu lexe axolu akalavusu 'o la anene mu'oxo pakia'u lopala noxi'a noxou Tata­nanenge. Laso i'ume uasi, xavine'i so ilalanu vaikalaou Mosingesi.

Pilipai 1:20

Mo mi ane alopalanu xe opoleli u'oxoxu aloxo 'o. A'oxonu mi vile so atavulenu maila no anu uasi. Mo loxo amauli o asoli la amama'u uasi. Mi ma'ia a'oxonu no anu vasimelo vaimomo 'o mo ili'i avile la so a'itinu ualasou Kalaisiti no anusi.

Pilipai 1:26

Laso loxo ane'e axali noxingela la opongengi u'osasilo misevile mo nga'itinu ualasou Kalaisiti Iesuasi.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

1 Tesalonaika 2:19

Xo mi ane oponexi ututuluou so ta'osasou no iou Tatananenge Iesua no voxo loxo ulivu a ngingisi. No voxo ne nene'axu xaixai noxixe lailaixe so tamaxa'u noxou a ngingi to ne.

1 Tesalonaika 2:2

La ngelavu lexe texolu ne Pilipai mala'o mine taxali noxinge uao la ane'i milosixe tu'umaxu mo tetavulenu navunavusou. Tetavu­lenu navusou ia texali noxinge la Mosixe mu'oxo pakia'ixe mo ta'ume uasi. Xilili mu'oki ia pumunexe so telanu vaikala laixe noxou Mosinge.

2 Tesalonaika 1:4

Mo kalumo loxo nexi taxixao no anu pitapita noxou Mosinge no tuatuala la talavusou taa'alongenge so ta'itinu ili'ilixo noxinge. Taa'al­ongenge lexe ngatavulenu navuna­vusou tu'u­tu'umaxu ia ngasasalo uasi, ngetetelisou lopala noxinge pumuxusi.

Vilemoni 1:7

Ani vivilo Vile­moni, nini nalavusou nasexelaxa'a tamitemaou Mosinge mu'isalili mo na'oxonu pakia'u opone'i. Elomu axone laso muxalixu osa'ila noxilo mo mumamatolanu opoleli.

Tiemisi 1:2

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi.