2 Kolini 7:1 - Ata New Testament

¹ Laso tavivilo, vavalima noxou Mosinge anene a uxolu noxinge mukalu 'oe. Laso nenge takalipa­lanenge no anu mimi ane so u'oxonu vasimenge ilou ulenenge nuni'u. Xe taxolu tamama'u noxou Mosinge kaio xavinenge so taxa­lixu xoluxolunenge ulapu loloni.

2 Kolini 7:1 ပူးပေါင်းရင်းမြစ်များ

Matiu 12:33

Ioxe, Iesua mu'oxonu latilovo aloxo 'o, “Loxo ovu laixe la uxalixu nene'axu laixesi. Xe ovu ane masua la uxalixu nene'axu masuasi. Laso vote'i so tatongonu ovu lexe anu laixe o masua a no anu nene'axusi.

Matiu 5:48

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Matiu 5:8

Laixe noxi'a ane'i ane opone'i malemalenga xo ane'i imaisou Mosinge ane.

Ta'aposeli 9:31

Laso no voxo anene la tatemanu pitapita no xale lia ne Iutea xe ne Xalili xe ne Samalia mixolu se'isisi, itavulenu tu'umaxu vile uasi. Ane'i mixali pakia'a mo Ulenu Laixe mu'oxonu opone'i mu'osa. Mo tamitema tapiena mi'una noxi'a la oli'a mixolu so Tatananenge molu mu'uli laxune'i.

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

1 Kolini 6:20

Xo anu mulotongengi no anu lape mutia­tila e mutiatila musuku. Laso no anu vasimenge xe ulengengi ne la nga'oxonu mi ane so u'itinu ualasousi, xo anu noxoumo.

2 Kolini 1:20

Xo vavalima noxou Mosinge tavu'alo a uxolu laso noxou Kalaisiti la uvikala lexe, “Ani, eni axalixu nene'axu.” Laso maixene loxo talomusou vaikalaou Mosinge la ta'oxo lexe, “Ani, manina”, mo ta'itinu Mosinge ualasouxu.

Epesusi 2:3

Tei la nenge mukalusi te'oxonu axone. Mo temulinu masamasaxa no anu susu tava'u no vasimenge. Xe mi ma'ia masua texavutalanu la te'oxonusi. Xoluxolu noxinge axonesi, laso maixene nenge tamitema mukalusi texolu no laxu la'ia noxou Mosinge.

1 Tesalonaika 3:13

Mo axone la u'oxonu xoluxolu noxinge pumuxu mo malemalengasi. Laso voxosou lailivuxu Tatananenge Iesua oli'a tamitemaou mu'isalili la Mosinge anu Maminge utongongengi lexe mi vile masua noxinge uasi.

1 Tesalonaika 4:7

Mosinge mu'avalinge so tamulinu ili'ilixo nuni'u axone uasi. Mu'avalingexu xoluxolu malemalengasi.

1 Tesalonaika 5:23

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Ipilu 12:28

Xe nenge talavu lexe taxolu no anu voxo so Mosinge molu u'uli laxunenge tamitemaou la mi ne pumuxu so ukunikuni uasisi. Laso nenge tavikala laixesou mo talu'enenge xe tataxanu so ta'itinu ualasou xo mi ne u'osasou.

Ipilu 4:1

Ioxe, vavalima noxou Mosinge lexe ane'i ane ilopalasi i'unalai no anu tanixu ma'ila a ututulusio. Laso nenge tamama'u xo anu masi upala'a lexe se'i noxinge mane i'unalai la uasi, mitulu mitutulosi.

Ipilu 6:9

Tamaula, nexi telemolu vaikala ialuxu ano'o la masi muto'omenge. Ia nexi talopala lexe mi axone uxali noxinge uasi, xo no oponexi taxamulinu lexe nene'axu pamauli manina uxali no anu xoluxo­lungenge ne.

Tiemisi 4:8

Ngasuku alai noxou Mosinge xe anu usuku une'e alai noxinge ane. Ia ngingi tamitema so susu laso nga'uinu uxexesou avonge. Xe ngingi tamitema so vaikalamengi iou vilemo no anu ilixomengi, laso ngaxalixu opo­ngengi malemalengasi.

1 Pita 1:15

Xo Mosinge e mu'avalinge ne anu malemalengasi laso ngingi kalumo ngaxolu malemalenga no anu ilixomengi mukalusi.

1 Pita 1:17

Ioxe, Mosinge e ngalavusou ngakatunu lexe Maminge, anu utaxane'i tamitema no anu ualauala uasi, anu utilovosinge vilevilesi no anu mi ma'ia ta'oxonu. Laso no anu xoluxolungenge loxo taasila no lialia 'o la ngamuamua'i no anu mama'usi.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

1 Pita 2:11

O tavivilo ane asexelangenge, xoluxolungenge no lialia 'o aloxo taasila xe tamitema ane nunisi'a uasi. Laso eni apelototosinge lexe ngingi ngaxolu va'axu no anu mimi ane vasimenge ulapunenge no anu xo mimi axone u'otoxu tanenge.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

1 Tioni 1:9

Ia loxo tapala'anixu susu noxinge noxou Mosinge la anu u'oxonu ilixo mulapu aloxo talo­palanuxu. Anu oponu ulu'e no anu mi ne so utulu la uasi, kaio u'uinenge no anu nusou susu ne mukalusi.

1 Tioni 3:3

La tamitema mukalusi ta'ei ilopalanu ixomaiou Kalaisiti la ikalipalane'i no anu susu xo imasaxau xoluxolu malemalenga aloxo anusi.