2 Kolini 5:9 - Ata New Testament

⁹ Ia mi vile uasi, xo loxo taxolu no nunisinge olele o taxolu va'axu aloxo 'o la oponenge u'oxoxu masaxa noxou Tatananenge so tamulinusi.

2 Kolini 5:9 ပူးပေါင်းရင်းမြစ်များ

Tioni 6:27

Mamu so ngaxaxai so ngaxa­lisou la'ilali ane ukalu paleasi. Ngaxaxai so ngaxalisou la'ilali ane uxoxolu avile umomomo no anu mauli kaluxu uasi. La'ilali anene ngaxalisou noxou Itema ane molu noxou Mosinge, anu e Mosinge anu Maminge musosovosou lexe u'osasou.”

Ta'aposeli 10:35

Anu u'apixa'a se'i uasi. Xo noxi'a tamitema so tuala iouiou ne anu u'osasi'a ane'i ta'ei imama'u noxou mo i'oxonu ilixo ane u'isalili no anu masaxa noxou.

Lomu 14:18

Loxo ngingi ngamulinu ilixo axone mo nga'oxonu xaixai noxou Kalaisiti la Mosinge u'osasou. Mo tamitema imaisou ilixo noxinge axone lexe laixe.

Lomu 14:8

Xo loxo tamamauli, la tamauli so taxalixu nene'axu masaxa noxou Tatananengesi. Xe loxo tasoli, la tasoli so mi ne kalumo. Laso ane, loxo tamauli o tasoli la nenge taxolu no avolu Tatananengesi.

Lomu 15:20

Xo no anu xaixai noxilo la opoleli mututulu lexe alemolu vaikala laixe noxou Mosinge noxi'a tamitema anesi ilavusou ualasou Kalaisiti uasi. Xo a'oxonu latilovo aloxo 'o. Eni amasaxau asivitanoxu tani ane posiposi mutulu mukalu uasi. Eni amasaxau asoko'u tani no tava'u manina.

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

2 Kolini 5:6

Laso taxavutalanu mi ne so u'oxonu pakia'inge utotomu. Xo telavu, nenge taxolu no anu tani e vasimenge 'o la tatalupexa avile noxou Tatananenge uao.

2 Kolini 5:8

Ia loxo elemolu, oponenge utulu pakia'usi mo masaxa noxinge lexe taxolu no anu tani e vasimenge 'o uasi. Tamasaxau xoluxolu so ta'unalai tatalupexa no nunisinge noxou Tatananenge avile.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Kolosi 1:29

Laso maixene asoa mo sasaieliou xaixai ne, xe xavisou ano'u noxou Kalaisitisi xo anenesi uauavutunixilo 'o.

1 Tesalonaika 4:1

Ioxe tavivixe, mo aloxo 'ola. Nexi tepela'ingexu vote'i so mua­mua'ingenge ane ulovou masaxa noxou Mosinge. Mo a ngamulinu ne. Ia nexi tatama so tapelototo­singe no anu ualasou Tatana­nenge Iesua lexe xavingengiou avile.

1 Tesalonaika 4:11

Mo loxo tepelototosinge mala'o lexe opo­ngengi ututulu so ngaxolu se'isisi mo ngingi menge nga'oxonu xaixai noxinge no avongesi.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

Ipilu 12:28

Xe nenge talavu lexe taxolu no anu voxo so Mosinge molu u'uli laxunenge tamitemaou la mi ne pumuxu so ukunikuni uasisi. Laso nenge tavikala laixesou mo talu'enenge xe tataxanu so ta'itinu ualasou xo mi ne u'osasou.

Ipilu 4:11

Laso laixe so oponenge u'oxoxu tanixu ma'ila so ta'unalai. Xo loxo 'o io se'i noxinge imulinu ilixone'i ane'i tatei so ilomu uasi. Xe axone la i'unalai uasi ane, ilapau ilivusi.

2 Pita 3:14

Tavivilo ane asexelangenge, ngingi a ngaxomaiou voxo ne laso ngaxolu tangengi malemalenga mo tu'umaxu vile no taingengi uasi. Mo so axone loxo Tatananenge uxali la umaisou susu vile noxinge uasi.