2 Kolini 4:7 - Ata New Testament

⁷ Ia mi lailaixe ne a uxolu noxixe aloxo mi e lamolisou mutiatila uai nonano no anu lasopeni pilika vitanisi. Mo so axone la tamitema ilavu lexe anu mi na'a neximo uasi, anene mi so xavi ane u'uli'uli noxou Mosingesi.

2 Kolini 4:7 ပူးပေါင်းရင်းမြစ်များ

Matiu 13:44

Xe muvikalala lexe, “Voxo so Mosinge molu u'uli laxune'i tamitemaou no tualasou la aloxo kesi so lamoli e mi'asixu so mitalumeu no xai vile. Xe itema vilela loxo uxalisou la utalumeula. Mukalu la anu u'osasou misevile mo ulai usalimunu mimiou mukalusi so lamolisou la ulotonu xai ne.”

Matiu 13:52

Laso anu muvika­lane'i lexe, “Tamitema so lavulavu no anu lo se'i mixalisou lavulavu no anu voxo so Mosinge molu u'uli laxune'i tamitemaou no tualasou. La ane'i ne loxo mosou tani tatila vile. Anu ulai no tasou iauvaxe noxou so uliulixu mimi lailiaxe e teiteinu xe alavua ula.”

Tioni 16:33

Eni elemolu vaivai­kala ano'o mo so noxilo la ngaxalisou xoluxolu lalavulusi. Xo no anu xoluxolungenge so lialia 'o la ngaxalisou tu'utu'umaxu, ia laixe so opongengi uxolu pumuxusi, xo xavi so lialia a eua'ulixu 'oe.”

1 Kolini 1:28

Xe musosovosi'a ane'i ane tamitema i'oxo lexe tami vitanisi o tamosomososi. Usosovosi'a ane'i ino'u uala uasi axone so umaxa'u lexe ualauala tatila ne anu mi vitanisi kalumo.

2 Kolini 10:10

Xo se'i i'oxo lexe, “O, lapala­pasiou Polu to ne mutu'umaxu mo xavinu. Ia loxo molu uxali la tamaisou lexe anu pelesousi mo vaikalaou papaxe vitanisi.”

2 Kolini 13:4

Xo tatei loxo mililixu no ovu valautu so usoli la anu pelesousi. Ia vaimomo 'o anu a uxolu umauli xo no anu xavi tatila noxou Mosingesi. Xe nexi pelesixe kalumo a loxo anu tei ne ia xo taxolu noxou vaimomo 'o laso xaviou Mosinge upala'a no anu xaixai noxixe no taingengi.

2 Kolini 4:1

Ioxe, Mosinge mu'alaunanexi la mupilixinu xaixai ano'o noxixe laso nexi talavusou tatatosa no anu uasi.

2 Kolini 5:1

Ioxe, laso nenge telavu lexe vasimenge anu loxo tani alelaxu so lialia 'osi. Taxoxolu no anu ia loxo ili'i ukisilala la nenge tani maninasou a uxoxolu. Tani anene uxali no anu tamitema avo'a uasi, Mosinge molu mulalaxinu so uxolu kaluxu uasi no tualasou.

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

Epesusi 2:5

No voxo texolu no anu susu mo texolu loxo tesolisio la Mosinge mupitanenge noxou Kalaisiti so nenge'a tamauli. Mi ne no anu iaiama noxousi.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

Kolosi 2:12

Xo ngingi ngekelele ngepita noxou Kalaisiti laso no voxo so mi'asixu la anu loxo ngingi kalumo ngeai ne. Xe ngelopala no anu xaixai noxou Mosinge so mutulusou Kalaisiti no anu soli laso anu loxo ngingi kalumo ngetulu ngemauli.

Kolosi 2:3

Xo vaikala mo lavulavu mu'asi'asi mukalusi uta'olu noxou Kalaisiti aloxo itema mimiou lailaixe mo lamoliou uai utalume no anu kesisou.

1 Tesalonaika 1:5

Xo vaikala laixe tene'enu noxinge ne, vaikala vitanisi uasi. Telanu vaikala ne la no anu xavi, xo Ulenu Laixe mu'isalilinoxu. Mu'isali­linoxu laso mupalasi noxinge lexe maninasou ane. Xe xoluxolu noxixe no taingengi la mupala'a no iengi kalumo. Taxolu noxinge la tava'u vilela uasi, a so tasu'uli­ngengisi.

1 Tesalonaika 4:4

Ngingi vilevilesi ngalaxa'inu vasimenge laixe so ngapilixinu no anu ilixo malema­lenga ane laixe no iou Mosinge mo no ie'i tamitema.

2 Timoti 2:20

Mo avikala aloxo 'ola. Loxo tani ane tiatila la lisi iouiou masi uta'olu ne. Se'i i'oxonu no anu koli xe siliva mo se'i no anu ovu xe pilika. Laso lisi ane lailaixe ne, anu so voxo mutiatilasi ia ane laixe malaxo uasi, la ino'u no anu voxo vitavitanisi 'osi.