2 Kolini 4:4 - Ata New Testament

⁴ Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

2 Kolini 4:4 ပူးပေါင်းရင်းမြစ်များ

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Tioni 1:18

Itema vile usaxisou Mosinge no iou lavo'onu uasi. Ia Mosinge Olu vilesisi e anu molu Mosinge ne, anu uxolu noxou Momu pa'umolu, la anusisi a mupe­la'ingexu Mosinge.

Tioni 12:31

Anu voxo a muxali 'oe so Mosinge upilixinu vaikala so mamulusou susu noxi'a tatemanu lialia. Mo kalumo anu a voxo so anu ukusaou ane ane mu'uli laxunu lialia 'oe.

Tioni 12:35

La Iesua muvikalane'i lexe, “Lamana a uxoxolu no taingengi ia voxosou maxuvenila uae. Laso loxo lamana ne uxolu noxingesio la ngamuamua'i ngavaxasi mo so isivoxo usu'asinge uasi. Loxo itema ena'ei umuamua'i no isivoxo la ulavu lexe anu a ulalai ne'ei ne uasi.

Tioni 12:40

“Mosinge mutomunu ie'i mo mu'oxonu opone'i pakia'u. Mo so isaxisaxi no anu ie'ila uasi mo mi vile upalasi no opone'ila uasi. Xo loxo mulemolu, 'Ane'i ixiunu opone'i ine'e noxilo so apaipoune'i to uasi.'”

Tioni 12:45

Xe itema ane usaxisilo 'o, la anu a musaxisou anu ane mupalusilo ane.

Tioni 14:30

Eni alemolu vaikala piena noxinge la uasi xo anu ane u'uli laxunu lialia anu a unene'e 'oe. Anu xaviou so u'oxonu mi vile noxilo to uasi.

Tioni 15:24

Eni ene'e mo e'oxonu xaixai xavinu ane evilela umomomo so u'oxonu uasi. Loxo e'oxo axone no taine'i uasi la susu noxi'a upala'a uae. Ia aloxo 'o la ane'i a mimaisilo mukalu, sika imatapialeli xe a imatapianu Mamilo kalumo.

Tioni 16:11

Xe ulamananixa'a no anu vaikalasou mamulo so susu xo anu ane u'uli laxunu lialia la uxolu no laxu vaikalasou mamulo ne mu­kalu.

Tioni 8:12

La Iesua muvikalane'i tamotu ne aloxo 'ola, “Eni 'o lamana so lialia a. Ena'ei ane umulileli la mua­mua'ixu no anu isivoxo la uasi, anu lamana so mauli uxolu noxousi.”

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 26:23

Ane'i mivikala lexe itema ane Mosinge musosovosou lexe Kalaisiti la utavulenu tu'umaxu. Xe ili'i la anu u'uli tei noxi'a tamitema ane itulu no anu soli. Mo anu upala'anixu lamana noxi'a tamite­maou xe noxi'a tamitema noale'ale kalumo.”

1 Kolini 10:20

Vaikalaxeli laxu aloxo 'o. Loxo tamitema so isivoxo ilaixu mimi so loxo ilosou momosi'a kalavoi la ane'i ilosou Mosinge uasi ane. Loxo manina la ane'i ilosi'a ta'angelo tamasua ane. Laso opoleli lexe nga'oxo axone uasi xo loxo 'o io ngapita noxi'a ta'angelo tamasua.

2 Kolini 2:11

E'oxo axone mo so vote'i noxou Uluaou so uua'ulinenge uasisi. Xo nenge ienge selevenuou lolo noxou uasi, anu upalasi noxinge ane.

2 Kolini 2:12

Ioxe, no voxo loxo ene'e ne Toloasi so alanu vaikala laixesou Kalaisiti la Tatananenge mukisinu aitengasilo so exaxai ne.

2 Kolini 3:11

Xo loxo anu ane so tasiauxu ne iaxu, la anu upalasi lexe anu ano'o so uxolu avile la iaxu u'uli'uli avile.

2 Kolini 3:14

La Ta'isilaeli opone'i pakia'u xo utotomu i'itisou vaikala so konitalaki teinu ne ia anu loxo lavalava se ne a ulili mo utanuxu ie'i vaimomo 'osio. Xo vote'i vilesisi so uxexe a noxou Kalaisitisi.

2 Kolini 3:18

Xe loxo nenge la mi vile so utanuxu alaienge uasi laso loxo tamitema isaxisinge la iaxu Tatananengesi upalasi noxi'a. Mo Tatananenge anu Ulenu ne mupilixinu iaxu noxinge so uxiuxiunenge taxali aloxo anu u'isalilisi.

2 Kolini 4:6

Xo tatei la Mosinge muvikala lexe, “Lamana uka no isivoxo.” Laso lamanaxu muta­losou oponexi kaio tesaxisou Kalaisiti iou la iaxu Mosinge mulamana noxixe.

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.

Epesusi 2:2

Mo no voxo anene la opongengi mututuluou ili'ilixo masumasua so lialia 'osi. La ngemulinu masaxa noxou tatila noxi'a tami so xavi masua ane ixixao teitexi no latanu lialia. Tatila noxi'a ne, anu angelo masua ane uxaxai no opone'i tamitema so xilili.

Epesusi 6:12

Xo oto ano'o no anu vasimenge so taoto noxi'a tamitema uasi. Nenge taoto noxi'a tatiatila noxi'a ta'angelo tamasua mo ane'i ane xavine'i musuku. Ane'i tami masua ne ixolu teitexi mo ipamuxane'i tamitema no anu xoluxolu so isi'isivoxo vaimomo 'o.

Pilipai 2:6

Muxolu la temanu xoluxoluxu iou vilesisi noxou Mosingesi. Ia anu usaxisou tanixu so mumomomo noxou Mosinge ne lexe anu mi so ukamakulunu uasi.

Kolosi 1:15

Ioxe, nenge tamomomo so tamaisou Mosinge uasi, ia Olu ne anu iou vilesisi loxo Mosinge laso anu vote'i so talavusou. Anu laposalaxu u'uli'uli no anu mimi mukalusi e Mosinge mukoinu 'o.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

1 Timoti 1:11

La ta'itinu Mosinge ualasou xo vaikalaou ne laixe mo iaxu. Anu molu mulosilo vaikala laixe ne so alanu.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Ipilu 6:4

Xo tamitema mose'i ne Mosinge mulamananixa'a xe mi laixe ane molu no tualasou Mosinge mixa­mulinu mo Ulenu Laixe muxa­xaisi'a kalumo.

2 Pita 1:19

Mi e tesaxi­sou ne muvalaxu vaikalai'a tapo­lopeti e uxolu no anu Mosinge vaikalaou laso maixene lopala noxixe no anu pakia'u e pakia'u avilesi. Vaikala ne anu loxo lalamo so uka no anu tanixu isivoxo xo mo Kalaisiti uxali uieisou opongengi aloxo taoto so maxasesela uiei no loxotolo. Laso anu laixe so ngingi kalumo xavutalamengi ututuluou vaikala anenesi.

1 Tioni 2:11

Io itema e umatapianu ane umoxo'u lexe vimou la uxolu mo umuamua'i no anu isivoxosi mole ulavusou vote'i so ulai axova uasi xo isivoxo mukapinu iou.

1 Tioni 2:8

Ia voto e akaukavunu 'o, anu alavua kalumo xo temanu manina uxolu noxou Kalaisiti mo a uxaxali no anu xoluxolungenge kalumo. Uxaxali axone xo isivoxo a ukakalu xe lamana maninasou a uieiei 'oe.

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.