2 Kolini 4:3 - Ata New Testament

³ Ia loxo laxu vaikala laixe talanu ne utalumexa'a se'i, la anu utalumexa'a ane'i ane so imamulosi.

2 Kolini 4:3 ပူးပေါင်းရင်းမြစ်များ

Matiu 11:25

Ioxe, no voxo ne la Iesua muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepa­la'anixu noxi'a tamitema pelesi'a a loxo takeakeasi 'o.

Lomu 2:16

Laso Mosinge musosovosou Iesua Kalaisiti so utongone'i tamitema no voxo ili'i loxo anu musosovosou. No voxo anene la tamitema imomomo so italumeu mi vile noxou uasi. Xo anu opo­nenge upala'a noxou avile. Laso loxo eni alanu vaikala laixe noxou Mosinge, la avikala lamana so voxo anene kalumo.

1 Kolini 1:18

Avikala aloxo 'o. Tamitema so imamulo loxo ilomusou vaikalasou soli noxou Iesua no ovu valautu, la i'oxo lexe anene vaikala xovulau­lausi. Ia nenge tamitema ane Mosinge a upa­maulinenge la talo­palanu lexe manina ane. Talopala axone laso maixene vaikala anene vote'isou xavi noxou so upamau­linenge.

1 Kolini 2:6

Manina, ia loxo taxolu no taine'i tamitema ane pakia'a no anu lopala la nexi talanu vaikala so lavulavu. Xo lavulavu anene mi so lialia 'o uasi. Mo anu loxo lavulavu noxi'a tatiatila so lialia uasi, xo ane'i ne tamitema e so imamulo.

2 Kolini 2:12

Ioxe, no voxo loxo ene'e ne Toloasi so alanu vaikala laixesou Kalaisiti la Tatananenge mukisinu aitengasilo so exaxai ne.

2 Kolini 3:14

La Ta'isilaeli opone'i pakia'u xo utotomu i'itisou vaikala so konitalaki teinu ne ia anu loxo lavalava se ne a ulili mo utanuxu ie'i vaimomo 'osio. Xo vote'i vilesisi so uxexe a noxou Kalaisitisi.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

1 Tesalonaika 1:5

Xo vaikala laixe tene'enu noxinge ne, vaikala vitanisi uasi. Telanu vaikala ne la no anu xavi, xo Ulenu Laixe mu'isalilinoxu. Mu'isali­linoxu laso mupalasi noxinge lexe maninasou ane. Xe xoluxolu noxixe no taingengi la mupala'a no iengi kalumo. Taxolu noxinge la tava'u vilela uasi, a so tasu'uli­ngengisi.

1 Timoti 1:11

La ta'itinu Mosinge ualasou xo vaikalaou ne laixe mo iaxu. Anu molu mulosilo vaikala laixe ne so alanu.