2 Kolini 4:2 - Ata New Testament

² Xe nexi telalaxinu oponexi lexe ili'ilixo ane tamitema i'oxonu ka italumeu xo imailamulinu ne, nexi talai no anu uasisi. Laso muamua'inexe no anu kalavoi uasi xe taxiuxiunu laxu Mosinge vaikalaou uasi. Nexi talavusou talanu vaikala maninasi mo so anu upalasi no tane'i tamitema lexe xaixai na'a nexi ulapu no iou Mosingesi.

2 Kolini 4:2 ပူးပေါင်းရင်းမြစ်များ

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Lomu 6:21

Susu muka­singe laso maixene ngamamaila no anu ilixo noxinge ne. Xo manina, ili'ilixo anene nene'axu axova? Mimi anene uxalixu soli noxi'a tamitemasi.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

2 Kolini 11:3

Ia eni auali xo axavutalanu vote'i so sineke mu'oxo loloxe Ivi no anu kalakalavoi noxou. Xo mamu so mi vile ulapunu xavutalamengi axone kaio ngaxe­xesou xoluxolu malema­lenga so opongengi u'oxo­xu Kalaisitisi.

2 Kolini 11:6

Xo eni la asikulu so vaikalaxeli ula loxo lexa no ie'i tamitema uasi. Ia mi vile uasi, xo no anu lavulavu la akamulinu uasi. Ngingi menge ngalavusou lavulavu noxixe ne xo temaxa'u no anu ilixomexi muka­lusi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

2 Kolini 5:11

Ioxe, nexi tamama'u noxou Tatananenge axone laso maixene nexi xavinexi so ta'avutinoxu mama'u noxi'a leviani kalumo. La oponexi mo ilixomexi upalasi noxou Mosinge. Xe eni amasaxau lexe upalasi no tangengi kalumo lexe mi ma'ia ta'oxonu la mulapusi.

2 Kolini 6:8

Xe noxi'a leviani la itaxanexi ia leviani la ilu'enu ualasixe. Ane'i leviani ivikala masua no tumalixe ia leviani ia'alonexe laixe. Ane'i leviani i'oxo lexe nexi takakalavoi ia leviani ivalaxu vaikalamexi lexe maninasi.

2 Kolini 7:14

Tei la e'itinu ualasinge noxou Taitusi so ea'aloxu ilixomengi lexe laixesi. La amai­lamulinu vaikalaxeli ne uasi xo mi ma'ia telemolu noxou la molu mumaisou lexe maninasi. Vaikala ma'ia nexi telemolu noxinge la maninasi mo anu mupalasi lexe vaikala ane telemolu noxou la anu axonesi.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

Epesusi 5:12

Ia ili'ilixo noxi'a ane itatalumeu ne ngalemolemolu u'isalili uasi, xo anu mi so maila.