2 Kolini 3:1 - Ata New Testament

¹ Laso axova, nexi telemolu vaikala anene so taxilisingengi mo so nga'osasixexu? O masi ta'oxonu loxo ane'i se'i? Talinga noxi'a tamitema so ikaukavunu lapasi mo ipala'anixu ilixomexi lexe anu laixe ka ikalanu ulai noxinge? Xe masi talingau lapasi axone noxinge so ngakaukavunu kalumo? Uasi to!

2 Kolini 3:1 ပူးပေါင်းရင်းမြစ်များ

Ta'aposeli 18:27

Ioxe, Apolosi mumasaxau ulai ne Akaia polovinisi la talopala opone'i vilesisi so ulaisi. La ane'i mikaukavunu lapasi mulai noxi'a talopala ne Akaia so ivikalane'i lexe i'unanu noxi'a. Ioxe, Apolosi mulutu xo la muxali ne Akaia noxi'a ane'i ane milopala no anu iaiama noxou Mosinge, la musu'uline'i misevile.

Lomu 16:1

Tavivilo. Eni avikalangengisie vivinge Vipi. Sema ne utotomu ixaxai so isu'uline'i tatemanu pita noxou Tatananenge ne Senikilia.

1 Kolini 10:33

Xo noxilo, la eni alavusou a'oxonu ilixo ane tamitema i'osasousi. A'oxonu mi vile so asu'ulilelimo uasi, a'oxonu mi anesi loxo uxalixu su'ulisi'a tavu'alo. Mo so ane'i latala ixalisou pamauli.

1 Kolini 16:3

Mo ngasoso­vosi'a se'i noxinge so loxo eni axali noxinge la apalusi'a isaxanu lapasi se'i xe su'uli noxinge ne so ulai noxi'a Taielusalemo.

1 Kolini 3:10

Ioxe, atilovo aloxo 'o. No anu iaiama noxou Mosinge la mulosilo lavulavu so aloxo kapenita laixe. La eni elovonixu tani tanixu ka eta'olunu lavolavo'o so tani tava'u. Ia vaimomo 'o la se'ila a ixaxai so isivitanoxu tani e esoko'u ne. Laso avikala aloxo 'o. Tamitema ta'ei ixaxai no tani e esoko'u tava'u ne, la ilaxa'i laixe.

1 Kolini 4:15

Manina, ngingi ngaxolu noxou Kalaisiti vaimomo 'o la ane'i tamitema tavu'alo tavu'alo imomomo so ipelototosinge no anu xoluxolungenge ne. Ia ane'i anene tamaminge no anu xolu­xolungenge noxou Kalaisiti Iesua uasi. Eni enisisi, xo eni melo ene'enu vaika­lasou laixe noxinge.

2 Kolini 10:12

O nexi tamama'u so tatilo­vosixe noxi'a ane'i ane me'a i'itine'i ne. Xo loxo isaxisi'a tamenexi'a so itilo­vosi'a noxi'a ngato'o o imalei lexe ena'ei noxi'a laixe la ixo­vulaulau kenasi.

2 Kolini 10:18

Laso itema ane molu u'itinu, la loxo manina anu ualasou uasisi. Ia loxo Tata­nanenge u'itinu itema, la anu ualasou ane.

2 Kolini 10:8

Tava'u so Tatananenge mulosixe xavi a so ta'oxo pakia'u lopala noxinge, anu so tamamulonu uasi. Laso loxo a'itinu ualasixe sevile no anu xaixai mulosixe 'o, la eni atavulenu maila no anu uasisi.

2 Kolini 12:11

Auo, ngamalei, ngingi menge ngesouleli so evikala vuluvulusi 'o. Loxo nge'oxo laixe la ngingi menge ngavalaxo so ngaa'aloxu ilixo noxilo lexe mulapusi. Xo manina, eni amitema vitanisi ia noxi'a ta'aposelimengi i'uli'uli ne ane'i iua'ulixo sevile no anu mi vile uasi.

2 Kolini 12:19

Ioxe, masi nge'itisou vaikala ano'o mukalusi la nge'oxo lexe nexi telemolu so ta'oxo latolosixe no iengi no anu vaikala ma'ia muto'omexe. Ia uasi, nexi a taxolu noxou Kalaisiti mo telemolu vaikala ano'o no iou Mosingesi. O tamaula, tava'u vaikalamexi 'o so u'oxonu pakia'u lopala noxingesi.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

2 Kolini 5:12

Xo axova, tavikala aloxo 'ola so taxilisingengi mo so nga'osasixe? Uasi to! Takauka­vunu vaikala aloxo 'o so nga'osa so ngaa'a­lonexe. Mo vote'i so ngakoline'i ane'i ane imasaxau so ualasi'a utila no ie'i tamitema, ia mi ane uxolu no opone'i la me'a itilovosou uasi.