2 Kolini 2:7 - Ata New Testament

⁷ Xo nge'oxonu mukalui laso anu laixe so ngasu­kunula uasi. Ngingi masi opo­ngengi ulu'e so susu noxou mo ngamamatolanu xo loxo 'o io oponu tu'umaxu mo umaloxo'u itema ne avile.

2 Kolini 2:7 ပူးပေါင်းရင်းမြစ်များ

1 Kolini 15:54

Vasimenge so u'ui mo usoli 'o loxo uxiu mo uxali kaini ane so uxolu laixe avile ukalui, laso ane. Nene'axu vaika­laou Mosinge uxali xo uvikala lexe “Tatananenge muua'ulixu soli mo mukalusou avile.”

2 Kolini 2:8

Laso eni akatu noxinge lexe ngingi ngalai ngapala'anixu opongengi noxou lexe ngingi a ngasexelaxusio.

2 Kolini 5:4

Xo manina, nenge taxolu no anu tani alelaxu 'o la tatavulenu tu'umaxu mo taiele. Ia mi ane oponenge utatamasou ne a so tapilixinu mo taxolu vitanisi uasi. Tatama lexe ane alavua usu'asingesi mo so anu ane so soli 'o la uxiu uxali kaini so maulisi.

2 Kolini 7:10

Xo tu'umaxu no oponu itema loxo u'avuti no anu masaxa noxou Mosingesi la anene uxalixu xiu ane. Xe ili'i la itema ne u'osasou tu'umaxu anene xo muxalixu pamauli noxousi. Ia loxo itema oponu tu'umaxuou mimi so lialia 'osi la anene uxalixu nene'axu uasi, uxalixu solisi.

Epesusi 4:32

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

Pilipai 2:27

Xo manina mane la usoli, ia Mosinge mu'alaunasou mo mupamaulinu. Ia anusi uasi, Mosinge mu'alaunasilo no anene kalumo xo loxo 'o io tu'umaxusou upita no anu tu'u­maxu ane atavulenu 'o.

Kolosi 3:13

Loxo tamenexinge isusunixinge la ngata­vulenusi mo ngalu'enu opongengi noxi'asi. Ngaiasou susu noxinge ngato'o axone xo Tatananenge muiasou susu noxinge ne.

1 Tesalonaika 4:13

Ioxe tavivixe, loxo noxi'a tanoxinge ane misoisoli la ngaxovulaulau noxi'a uasi. Xo ane'i tamitema loxo ixomaiou voxo olele uasi la tama noxi'a uxoxolu uxoxolu u'okisi. Ia ngingi la nga'oxo axone uasi.

2 Tesalonaika 3:6

Ioxe tavivixe, no anu ualasou Tatananenge Iesua Kalaisiti tavikala pakia'u noxinge aloxo 'o. Loxo tavivinge se'i xoluxoluxa'a vuluvulusi mo ilomuxu vaikala ane tevulunu noxinge uasi la ngaka­lipalangengi sevile noxi'a.