2 Kolini 13:9 - Ata New Testament

⁹ La nexi ta'osa loxo nexi taxolu pelesixesi ia ngingi ngaxolu pakia'ingesi. Xe nexi tapili­xingengi noxou Mosinge utotomu so xoluxolu noxinge uxali laixe loloni.

2 Kolini 13:9 ပူးပေါင်းရင်းမြစ်များ

Lomu 15:2

Nenge vilevilesi xavine­ngei'a tavivinge so tavalaxa'a no anu lopala noxi'a.

1 Kolini 1:10

Tavivilo, eni atama pakia'u noxinge no anu ualasou Tatana­nenge Iesua Kalaisiti lexe ngingi mukalusi ngaxolu opongengi vilesisi. Ngingi ngakalipalangengi no taingengi ngato'o uasi. Ngaxolu xavutalamengi vilesisi mo nga­tilovo vilesisi.

1 Kolini 2:3

Xe nenge'a texolu la pelesilosi xe e'ume mo e'olo'olo to.

1 Kolini 4:10

No ie'i ne ngingi ngexali loxo tami­tema so lavulavu no anu vaikalasou Kalaisiti ia nexi 'o la loxo taxo­vulaulausi. Ngingi loxo xavingengi ia nexi pelesixesi. Ngingi loxo tamitema ane uala tatila ia nexi la tamitema itaxanexi uasi.

2 Kolini 11:30

Loxo eni so a'itinu mimi se'i alavusou a'oxonu, la a'itinu mimi ane umaxa'ilo lexe pelesilo no anu.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

2 Kolini 13:4

Xo tatei loxo mililixu no ovu valautu so usoli la anu pelesousi. Ia vaimomo 'o anu a uxolu umauli xo no anu xavi tatila noxou Mosingesi. Xe nexi pelesixe kalumo a loxo anu tei ne ia xo taxolu noxou vaimomo 'o laso xaviou Mosinge upala'a no anu xaixai noxixe no taingengi.

2 Kolini 4:12

Laso soli a uxaxali noxixe mo so mauli a uxaxali noxinge ne.

2 Kolini 7:1

Laso tavivilo, vavalima noxou Mosinge anene a uxolu noxinge mukalu 'oe. Laso nenge takalipa­lanenge no anu mimi ane so u'oxonu vasimenge ilou ulenenge nuni'u. Xe taxolu tamama'u noxou Mosinge kaio xavinenge so taxa­lixu xoluxolunenge ulapu loloni.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

1 Tesalonaika 3:10

La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu.

2 Timoti 3:17

Laso axone, la itema so xaixai noxou Mosinge la umomomo no anu xo mimi so xaixai laixe mukalusi a muai no avolu mukalu ne.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

Ipilu 6:1

Ioxe, laso votovoto tavatava'u so Itema Mosinge musosovosou la ta'oso'oso no anusi uasi. Tasu'anu talanengeou mo xavinenge so tasukusuku talai no anu mimi ane so u'oxonu lopala noxinge uleme. Xo tei la telamana mo tepilixinu xaixai ane mauli no anu uasi mo so telopala noxou Mosingesi. Anene tava'u lopala na'a nenge ia mamu so talivulivuou utotomu.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.