2 Kolini 11:3 - Ata New Testament

³ Ia eni auali xo axavutalanu vote'i so sineke mu'oxo loloxe Ivi no anu kalakalavoi noxou. Xo mamu so mi vile ulapunu xavutalamengi axone kaio ngaxe­xesou xoluxolu malema­lenga so opongengi u'oxo­xu Kalaisitisi.

2 Kolini 11:3 ပူးပေါင်းရင်းမြစ်များ

Matiu 24:24

Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musoso­vosi'a lexe tanoxou.

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

Lomu 12:8

Loxo itema vile so u'oxo pakia'a Mosinge ta'olu la u'oxonusi. Xe loxo itema vile so u'alauna la u'oxonu manina, utukala uasi. Xe loxo itema vile so u'uli laxune'i tamenexu la anu oponu utulu no anu mi nesi. Xe loxo itema so tanuxa'a tamenexu ane itavulenu tu'umaxu la anu u'osasou so u'oxonusi.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

2 Kolini 11:20

Xo loxo itema vile ulapungengi so ngaxali tasileviou o u'inge no anu mimi o uua'ulingenge no anu kalakalavoi o molu u'itinu o usava­savalinge no anu vaikalaou la ngingi ngalavusou nga'italongengi so u'oxongengi no anu masaxa noxousi.

2 Kolini 11:29

Xo loxo Mosinge olu vile pelesou la eni kalumo axamulinu mo xavi noxilo ukalu no anu. Xe loxo evile ulapunu Mosinge olu vile no anu susu la eni opoleli tu'umaxuou mi ne avile.

2 Kolini 2:17

La nexi loxo tamitema leviani uasi xo ane'i la ilailai so imaketi no anu Mosinge vaika­laousi. Ia nexi 'o takalavoisou uasi xo texalisou xaixai ano'o noxou Mosinge mu'isalili. Laso taxolu noxou Kalaisiti so talanu vaikalaou no iou Mosingesi.

2 Kolini 4:2

Xe nexi telalaxinu oponexi lexe ili'ilixo ane tamitema i'oxonu ka italumeu xo imailamulinu ne, nexi talai no anu uasisi. Laso muamua'inexe no anu kalavoi uasi xe taxiuxiunu laxu Mosinge vaikalaou uasi. Nexi talavusou talanu vaikala maninasi mo so anu upalasi no tane'i tamitema lexe xaixai na'a nexi ulapu no iou Mosingesi.

Xalesia 1:6

Ai, eni akuluke manina noxinge. Xo no anu iaiama noxou Kalaisiti la Mosinge mu'avalinge ka ngexali tamitemaou. Ia ngingi to ne ngepalea so nga'ume'umesou mo ngalomuxu vaikala vilemo ane upolo va'axu no anu vaikala laixe.

Xalesia 2:4

Ia se'i ane ikalavoi lexe ane'i tavivinge kalumo mipakisi mi'una noxixe so milakokongonexe no anu xoluxolu lalavusi texalisou noxou Kalaisiti Iesua. Xo opone'i lexe ikalavusu­nenge no anu lo so taxali loxo tasilevila.

Xalesia 3:1

O ngingi Taxalesia ne ngaxovu­laulau ane. Nexi temaxa'u Iesua Kalaisiti noxinge mo anu loxo ngemaisou mulili no ovu valautu no iengi. Axova, evile masi mu'oxo lolongenge so xavutala­mengi mupaulu, ne?

Xalesia 4:11

Iauo, eni opoleli kalauainge xo loxo 'o io sasaieli no taingengi tatei ne mulapau vitanisi.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

Epesusi 4:22

Masi mipelototosinge so xoluxolu noxinge tei lexe ngamulinu uasi. Xo anu susu tava'u no vasimenge anu loxo lavalava e usu'asinge. Usu'asinge mo uxalixu masamasaxa masua ane u'oxo lolongenge. Laso utotomu ngasi­sinu uxexe.

Epesusi 6:24

Ngingi ne ngasexelaxu Tatana­nenge Iesua Kalaisiti mo sexala noxinge umomomo so tasiaxu vitanisi uasi. Laso maixene ngaxa­mulinu iaiama noxou Mosingesi. Anu anesi.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

Kolosi 2:4

Eni alemolu vaikala aloxo 'o xo mamu so itema vile une'e ulemolu vaikala ane tamaxu lailaixe ia so u'oxo lolongenge no anusi.

Kolosi 2:8

La ngalaxa'i laixe xo loxo 'o io evile masi ukalavusungengi no anu lavulavu noxi'a takeleva mo vaivaikala ane temanu uasi. Tamitema ane xo ne ilomuxu vaikalaou Kalaisiti uasi. Ane'i ilavusou imulinu ilixo noxi'a tatiatila tatei xe pakia'a no anu mimi tavatava'u so upamuxanu xoluxolu so lialiasi.

1 Tesalonaika 3:5

Laso epalusou Timoti mune'e noxinge xo exolu exolu xo mole talelilili noxinge. Epalusou so ukiloloinge no anu lopala noxinge lexe axova. Xo e'oxe axova, masi tovotovoto noxou Uluaou mu'oki la xaixai noxixe no taingengi mulapau vitanisi.

1 Timoti 1:3

Ioxe, mala'o loxo eni so alutu ne Epesusi so ane'e ne Masetonia polovinisi la epelototosine, mo a alemolu 'ola. Naxoxolu ne Epesu­sisio mo so napelototosi'a tami­tema se'i ne mo na'apixa'a lexe mamu so imulaxu xavutala se'i iouiou no latanu votovoto.

1 Timoti 2:14

Mo Uluaou u'oxo loloxu Atamu uasi, mu'oxo loloxe sema xe milomuxu, la misusu.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

Taitusi 1:10

Xo no taingengi ne tamitema so xilili tavu'alo ixolu ne. Ane'i tami­tema ne ilemolu vaikala vuluvulusi so ixovulaulaunixi'a tamitema. Ane'i tavu'alo ne no anu laili noxi'a Taiuta e opone'i ututulu no anu sosovo so vasimenge.

Ipilu 13:9

Laso loxo ngalomusou votovoto iouiou alavua la ngapilixingengi so ulapungengi mamu. Anu laixe so oponenge utuluou iaiamasi xo anusi u'oxonu pakia'inge. Xo ane'i se'i la i'au'au no anu vaivaikalasou la'ilali ia ixalisou su'uli no anu lavuloto axone uasi.

2 Pita 3:17

Ioxe tavivilo ane asexela­ngenge, ngingi a ngalavusou mimi ne lumamo, laso ngalaxa'ingengi laixe. Xo loxo 'o io kalavoi noxi'a tamitema so xilili ulapungengi mole ngatulu pumungenge no anu lopala noxinge la ua'.

2 Pita 3:3

Ia mi vile mutiatila so ngalamana no anu aloxo 'o. No anu kaluxusou voxovoxo tamitema so imolo suku ixali mo imulinu masaxa masua no opone'isi. Ane'i imolo suku aloxo 'o.

1 Tioni 2:18

Ta'alixeli, nenge'a taxoxolu no anu taimusou kaluxusou voxoe'a. Tatei ngingi ngelomusou vaikala lexe Xililiou Kalaisiti uxali sila ane'i taxililiou Kalaisiti tavu'alo a mixali mukalu 'oe. Laso anene upela'inge lexe taxolu no anu taimusou kaluxusou voxo ne.

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

Mupala'a 12:15

La sineke anu loxo mu'exinu lexa toxoxu so usiali mo umuline sema so upuatinixie imamulo avile.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Mupala'a 20:2

La musavunoxu mi loxo sineke tatila e sineke ane muxolu tateimo. Anu mosou tovotovo e Uluaou to! Musavunoxu ka muloi­lokisou no anu seni so uxolu axone umomomo no anu tau ie 1000.