1 Pita 5:3 - Ata New Testament

³ Xe nga'itingengi noxi'a tamitemaou Mosinge ane mupilixunu no avonge ka ngapa­muxane'i so nga'uli laxune'i vitanisi mamu. Nga'uli noxi'a tasipisipi aloxo pikisa laixe so ane'i imaisinge kaio imulingengi no anu.

1 Pita 5:3 ပူးပေါင်းရင်းမြစ်များ

Tioni 13:15

Xo mi e e'oxonu noxinge 'o la anu so pikisa mo so ngingi kalumo ngamulinu ilixo axonesi.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

1 Kolini 11:11

Anene manina ia no anu xoluxolunenge noxou Tatananenge la loxo tasemamo xe tamulumo uasi. Ane'i ixolu so ivalaxa'a ngato'o.

1 Kolini 3:5

Xo ngaxavutala laixe. Apolosi ne ena'ei? Xe eni Polu ena'ei 'o? Nexi noxou tamitema so xaixai vitanisi. Xo voxo se'i loxo Tata­nanenge mulosilo vote'i la elanu vaikalaou noxinge. Xe voxo se'i la anu Apolosi axone kalumo. Noxou texaxai axone laso maixene ngingi ngelopala.

1 Kolini 3:9

Xo nexi noxi'a Mosinge tava'isuxu xaixai noxou. Xe xaixu Mosinge loxo taxaxai no anu ne a ngingisi. Xe no anu vile kalumo, la ngingi tasou Mosinge.

2 Kolini 1:24

Nexi tamasaxau lexe ta'uli laxungengi no anu lopala noxinge mamu. Anu masaxa noxixe lexe taxaxaisinge so ta'avutinoxu osa noxingesi. Xo nexi telavu lexe no anu lopala noxinge, la a ngatulu pumungenge no anu mukalu.

2 Kolini 4:5

La nexi 'o talavusou taa'aloxu ilixomexi uasi, nexi tavotovoto lexe Kalaisiti Iesua anu Tatananenge. Mo nexi tamolo tanexiu masaxa noxou Iesua so taxolu loxo tasilevi noxinge.

Pilipai 3:17

Ioxe tavivilo, ngingi mukalusi ngamulinu ilixoleli. Xe ane'i ane mimaisou muamua'i noxixe loxo pikisa ka mimulinexi no anu, la ngautitii'a so ngano'u lavulavu noxi'a.

Pilipai 4:9

Laso ane, mi ma'ia epela'ingexu xe ngekasou laixe mo mi ma'ia ngelomusilo elemolu mo ngemai­silo e'oxonu, la ngamulimulinu axone utotomusi. La anu Mosinge e mosou xoluxolu lalavulusi a uxolu noxinge ne.

1 Tesalonaika 1:7

Ngeuanenexe laso maixene no anu xoluxolungenge la ngexali loxo pikisa laixe so talopala ne Masetonia xe Akaia polovinisi iuanengenge kalumo.

2 Tesalonaika 3:9

Loxo nexi tamasaxau la nexi laiti so tano'u su'uli noxinge no anu vasimexe. Ia uasi, tano'u uasi xo temasaxau taxali pikisa laixe no ienge so ngamulinu ilixo noxixe.

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.