1 Pita 4:2 - Ata New Testament

² Laso no anu mauli noxinge no anu vasimenge ane a uxolusio la ngalomulomuxu masaxa no anu vasimenge mamu, ngamulinu masaxa noxou Mosingesi.

1 Pita 4:2 ပူးပေါင်းရင်းမြစ်များ

Matiu 12:50

Xo tamitema ta'ei ane imulinu masaxa noxou Mosinge, la ane'i tavivilo mo tanenilo ane.”

Matiu 20:4

La muvikalane'i lexe, 'Ngingi kalumo ngalai ngaxaxai no xaisou uaini xo eni alotongengi no anu vote'i u'isalilisi.' La ane'i milai.

Matiu 21:31

Ioxe, noxi'a ta'olu tamei ne, la ena'ei noxi'a mumulinu masaxa noxou momu?” La ane'i mikolinu lexe, “A, anu ane tei.” La Iesua muvikalane'i aloxo 'o, “Avikalangengi manina lexe tamitema so itaxusou taxisi oli'a tasema so vote'i masi i'una ixolu no voxo so Mosinge molu u'uli laxune'i tamitemaou, ia ngingila uasi.

Matiu 7:21

Tamitema tavu'alo manina ilavusou ivikala noxilo lexe, 'Tatananexi, Tatananexi,' Ia avikalangengi lexe no voxo so Mosinge molu u'uli laxune'i tamitemaou no tualasou la tavu'alo noxi'a ane mimoxo'ilo axone ixolu nonano to uasi. Xo ane'i ta'ei ane imulinu masaxa noxou Mamilo e uxolu no tualasou, la ane'isisi i'unalai ixolu no voxo ne.

Maki 3:35

Xo tamitema ta'ei ane imulinu masaxa noxou Mosinge, la ane'i tavivilo mo tanenilosi ane.”

Maki 7:21

Mi e muxolu lumamo noxou itema uxalixu nene'axu aloxo 'o. Mimi loxo xavutala masua xe ilixo nuni'u olele xe pakali xe tamitema ive'a tamenexi'a xe tataula'i ilailai vitanisi.

Tioni 1:13

Ane'i mixali Mosinge ta'olu ia anu mi so vasimenge tamitema o xavutali'a tamitema o masaxa noxou itema vile uasi. Mosinge molu muxalixi'a so ane'i ta'olusi.

Tioni 7:17

Loxo itema vile oponu u'osa so umulinu masaxa noxou Mosinge ne laso ane, utongonu votovoto noxilo 'o lexe anu mi noxou Mosinge o eni melo exalixusi.

Lomu 12:2

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

Lomu 14:7

Xo aloxo 'o. Noxinge tamitema, umomomo so taxavutala lexe mauli noxinge ne mi na'a nengemo uasi. Mo taxavutala lexe soli noxinge mi na'a nengemo uasi.

Lomu 6:11

Xe axone kalumo la ngingi opongengi ututulu lexe ngesoli mo ngekalipala no anu susu mukalu. Ia no anu mauli noxinge, la ngingi ngaxolu noxou Kalaisiti Iesua laso opongengi vilesisi noxou Mosinge.

Lomu 6:2

Uasi to! Nenge tesoli la tekalipala no anu susu mukalu. Laso nenge taxolu mo tasusu xo ma'ia?

Lomu 7:4

Laso tavivilo, ngingi axone kalumo. Ngingi ngepita no anu vasimolu Kalaisiti, mo no anu vote'i anene ngingi ngesoli mukalu. Ngesoli xe ngekalipala no anu lo, laso usakingengila uasi. Ngingi ngaxolu noxou Tatanangengi ala­vua, anu ane mutulu mu'ume no anu soli. Laso vaimomo 'o ngingi ngamomomo so ngaxalixu nene'a­xu laixe no anu xaixai noxou Mosinge.

2 Kolini 5:15

Anu musolisinge mukalusi mo so nenge ta'ei texalisou mauli la ta'apisou lexe mauli na'a nengemo uasi. Tapili­xinu so lexe anu noxou anu ane musoli ka mutulu no taninenge.

Epesusi 2:3

Tei la nenge mukalusi te'oxonu axone. Mo temulinu masamasaxa no anu susu tava'u no vasimenge. Xe mi ma'ia masua texavutalanu la te'oxonusi. Xoluxolu noxinge axonesi, laso maixene nenge tamitema mukalusi texolu no laxu la'ia noxou Mosinge.

Epesusi 4:17

Ioxe, eni apelototosinge pakia'u no anu ualasou Tatananenge aloxo 'o. Mamu so ngamuamua'i no anu xoluxolu noxi'a tamitema noale'ale e ilamana uasi. Xo xavutalai'a uxovulaulausi.

Epesusi 5:17

Mamu so nga'o­xonu ili'ilixo vuluvulusi. Ngalavu laixe no anu masaxa noxou Tatananenge so singe.

Epesusi 6:6

Nakalavoi so naxaxai laixe no voxo loxo tilasine uxolusi uasi. Xo axone la naxaxai no iou so u'osasinesi ane. Na'oxo axone uasi, naxavutalaneni lexe nini namitema so xaixai noxou Kalaisiti. Mo so axone la oponeni uleilaxu masaxa noxou Mosinge so na'oxonu.

Kolosi 1:9

Laso musoko'u no voxo loxo telomusou a'alosinge laixe ne la utotomu talingau su'ulisinge noxou Mosinge. Mo so ngalavu avile no anu masaxa noxou mo Ulenu Laixe ulosinge lavulavu u'asi'asi ilou tilovo laixe.

Kolosi 3:3

Xo ngingi ne ngesoli ane, laso mauli noxinge a uxolu utalume nonano noxou Kalaisiti mo a ngapita noxou Mosinge.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

1 Tesalonaika 5:18

Mo loxo mi ma'ia uxali la ngavikalasou laixe noxou Mosinge. Xo masaxa noxou noxinge tamite­maou Kalaisiti Iesua axone.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

Tiemisi 1:18

Anu molu muma­saxausi, laso no anu vote'i e so vaikala temanu anu manina la muxalixinge. Muxalixinge axone mo so nenge taxolu laili ane u'uli'uli no taine'i tamimi mukalusi e mukoine'i.

1 Pita 1:14

Tatei la ngalavu to uasi laso masamasaxa no anu vasimenge mupamuxangengisi. Ia vaimomo 'o la mamu so ngalivuou mimi ne so ukapikapingengila, ngaxolu loxo tamolomolo ane ilomunganiou vaikalaou mami'asi.

1 Pita 2:1

Ioxe, laso mi ma'ia mukilikalu xe kalakalavoi xe ilixo so ngalemolu mi vile ia ngamulinu uasi xe isuisu xe vote'i so ngato'ome'a tame­nexinge no tumali'a, anene muka­lusi ngaxe­xenu uta'olu va'axusi.

1 Tioni 2:17

La lialia ano'o ilou misomisou e ulapunenge no anu susu la anene so tasiauxusi. Ia itema ane umulinu masaxa noxou Mosinge la uxolu avile kaluxusou uasi.