1 Pita 2:9 - Ata New Testament

⁹ Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

1 Pita 2:9 ပူးပေါင်းရင်းမြစ်များ

Matiu 4:16

Ioxe, tatemanu xale lia ne ane'i a mixoxolu no isivoxosi sika mimaisou lamana tatila. Ane'i a mitalupexa no anu maimaixu soli sika lamana mutalosi'asi.”

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Luku 1:79

Uxali, laso lamanaxu uiesi'a ane'i ane ixolu no isivoxo mo no maimaixu soli. La anu molu upamuxanu tava'inge so tapolo no anu vote'i so xoluxolu lalavulusi.”

Tioni 17:19

Eni ekalipalaleli mo so emulinu masaxa noxine u'isalili. E'oxo axone xo opoleli mutului'a lexe no anu vote'i e so vaikala anu temanu manina nesi la ane'i kalumo ikalipala ixali tamitemameni mu'isalili.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 26:28

Ia Axilipa mukolinu lexe, “Loxova, naxavutala lexe alomu­sou vaikalameni ataxu se 'osi ka alopala mo axali itemaou Kalaisiti?”

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

1 Kolini 3:17

Mo ngingi tasou ne, anu molu mukalipalanu lexe tanoxou mu'i­salili. Laso loxo itema vile umamulonu tasou ne la Mosinge umamulonu itema ne kalumo.

Epesusi 1:14

Nenge'a tamitemaou la mulosinge Ulenu Laixe so sosovo lexe ili'i la taxalisou mimi lailaixe ane muvavalimasou. Laso nenge oponenge ututulu mo ta'itinu ualasousi xo manina, mi ne uxali ane.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

Epesusi 3:21

Avikala manina aloxo 'o. Laixe so nenge tatemanu pita noxou Kalaisiti Iesua ta'itinu ualasou Mosinge voxovoxo utotomu ulai utalo uasi.

Pilipai 3:14

Eni asoa so axali no anu lamaki so axalisou palaisi. Palaisi e ava noxou Mosinge mupolonu noxou Kalaisiti Iesua. Mua'avalilo so atelai axolu laixe noxou.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

1 Pita 1:2

Tateimo Mosinge anu Maminge mula­vusinge lumamo kaio musoso­vosinge so Ulenu ukalipalangengi lexe ngingi tano­xou u'isalili. Mo so axone la ngalomuxu vaikalaou Iesua Kalaisiti xe sialuxu e munixi la mu'uingengi so ngexali tamale­malenga no iou Mosinge. Eni amasaxau lexe ngingi ngaxa­mulinu iaiama ilou xoluxolu lala­vulusi noxou avile.

1 Pita 2:5

La ngingi kalumo aloxo lavolavo'o ane uma­mauli xe no anu xavi noxou Ulenu Laixe la Mosinge a ututulusou tasou noxinge ne. Mo no anu vote'i anene anu mukalipalangengi lexe ngingi laili pilisiti noxou u'isalili. Laso Ulenu upamuxangengi so ngane'enu mo ngapilixinu mimi lexe noxou Mosinge xe anu u'osasou xo noxou Iesua Kalaisitisi.

1 Pita 4:11

Laso loxo vile noxinge muno'u lavulavu laixe so ulanu vaikala la ulanu u'isalili no anu Mosinge vaikalaousi. Xe loxo vile xaixai noxou so usu'uli la u'oxonu no anu xavi e Mosinge upilixinu noxou. Mo so axone la tamitema imaisou xaixai noxinge ne la i'itinu Mosinge no anu ualasou Iesua Kalaisiti. Xo Iesua Kalaisitisi laixe so ualasou utila mo u'uli laxunu mimi mukalusi ulai ulai kaluxu uasisi. Vaikala ano'o maninasi.

Mupala'a 1:6

Xe anu kingi na'a nenge mo taxolu noxou, laso nenge tapilisiti noxou Mosinge anu Maminge. Ioxe manina, laso ta'itinu ualasou Iesua Kalaisiti teitexi manina so anu u'uli laxu­nenge ulai ulai kaluxu uasi.

Mupala'a 20:6

Ioxe, noxi'a tamitema ane mitulu tei olele ne ane'i ixalisou osa'ila. Ane'i tamalemalengasi mo soli tameisou xavinu so ulosi'a tu'umaxu uasi. La ane'i ne tapilisiti so i'oxonu xaixai noxou Mosinge xe noxou Kalaisiti. Mo ane'i ixolu iveisa'inu Kalaisiti no anu tanixu kingi umomomo no anu tau ie 1000.

Mupala'a 5:10

Mo nini nakingi noxi'a xe ixolu noxine laso ane'i tapilisiti noxou Mosinge ane. Xe ili'i la ane'i ixolu so i'uli laxune'i tatemanu lialia mukalusi.