1 Pita 2:4 - Ata New Testament

⁴ Ngingi ngane'ene'e noxou Tata­nanenge xo anu loxo lavo'o ane umamauli. Lavo'o umamauli ne tamitema mimatapianu ia Mosinge muilounu mo musaxisou lexe lailaixe manina.

1 Pita 2:4 ပူးပေါင်းရင်းမြစ်များ

Matiu 11:28

Laso ngingi tamitema ane ngatotosa no anu mimi tu'umaxu ngatavalenu ne, ngingi mukalusi ngane'e noxilo xo eni alosinge ma'ila a.

Matiu 12:18

“Ngamalei, ano'o itema so xaixai noxilo e eni melo eilounu. Eni asexelaxu misevile mo taleli u'osasou manina. Eni apilixinu Uleleli noxou mo so anu ulanu vaikala so ilixo ulapu noxi'a tamitema noale'ale.

Matiu 21:42

Xe Iesua muvikalane'i lexe, “Mosinge vaikalaou pa'usou vile ngingi masi nga'itisou uao. Xo uvikala lexe, 'Ane'i tamitema so itulusou tani mimatapianu lavo'o vile. Ia lavo'o nesi Tatananenge muilounu so muxali lavo'o so tani kisou. Tatananenge molu muxalixu mi ne xe tesaxisou la takuluke xo lailaixe misevile.'

Tioni 14:19

Eni axolu 'o voxo ataxu sesi kaio tatemanu lialia isaxisilola uae. Ia ngingisi a so ngasaxisilo. Xo eni so amauli laso maixene ngingi a so ngamauli kalumo.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Tioni 5:26

Xo Maminge anu tava'u mauli xe mulosou Olu tanixu anenesi so anu kalumo uxolu tava'u mauli.

Tioni 5:40

ia ngingi opongengi u'osa to uasi so ngane'e ngaxalisou mauli noxilo.

Tioni 6:37

Tamotu ta'ei mukalusi Mamilo upilixine'i noxilo la ane'i ine'e noxilosi ane. Xe loxo ine'e noxiloe la vote'i uasi e uasisi so akusai'ala.

Tioni 6:57

Maminge anu tava'u mauli a mupalusilo ene'e mo amamauli 'o xo a noxousi. La anu axonesi noxou itema aneva u'ani'ani noxilo xo anu kalumo umamauli la tava'u a noxilosi.

Lomu 5:10

Tei la nenge tauluaou Mosinge mo la'ia noxou muxolu noxinge. Ia Olu musoli no taninenge laso la'ia no tainenge nenge'a Mosinge a mu­kalu ne. Xe Olu mumaulila, laso nenge texalisou pamauli loloni no anu mauli noxou.

1 Kolini 3:11

Xo aloxo 'o. Iesua Kalaisitisi anu tava'u tasou Mosinge ne. La mamu so itema vile utovonu so utulusou tani ne no anu tava'u vilemo.

Kolosi 3:4

La mauli noxinge maninasou a noxou Kalaisitisi. Laso no voxo so upala'a avile la ngingi kalumo, xo ngingi ngoli'a Kalaisiti ngapala'a no anu xolu­xoluxu iaxu.

1 Pita 1:19

Anu mulotonenge no anu mi lailaixe e uua'ulixu lamoli mukalusi, mi e sialuxu Kalaisitisi. Kalaisiti ne anu loxo sipisipi ilie ane vasimolu xale­xalevinu o nuni vile no anu uasi.

1 Pita 1:7

Mi axone uxali so utilovosou lopala noxinge. No anu lavo'o koli la ivaxanu no navu so ikilolou lexe manina axova, xo navu u'elaxu mosomoso no anu uxexesi. Ia koli anu mi so uxolu avile to uasi, lopala noxinge anu mi lailaixe muua'ulixu koli. La Mosinge utilovosou lopala noxinge axone kalumo mo so anu ane maninasou no anusi uxolu. Uxolu avile umomomo no anu voxo so Iesua Kalaisiti upala'a laso anu uvika­lasou lopala noxinge laixe mo u'itinu ualasingexu.

1 Pita 2:7

Laso noxinge ane ngelopalanu ne la ngelavusou lexe anu lavo'o lailaixe misevile. Ia noxi'a ane'i ane ilopala uasi la muxali aloxo Mosinge vaikalaou ulemolu lexe, “Lavo'o ane taka­penita mima­tapianu lexe mi so usu'asi, la vaimomo 'o muxali lavo'o lailaixe so utetelisou tani kisou pakia'u.”

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

2 Pita 1:4

Anu ane, anene vote'isou so muxalixu nene'axu vavalima noxou xo muitimenge mimi lailaixe ane oponenge uleleilaxu. Mu'itimenge mimi lailaixe ne mo so no anu vote'i anene la nge'una ngepita no anu xoluxoluxu Mosinge u'isalili. Nge'una no anu xo mu'umengengi no anu masama­saxa masua e ulavusou upalusi'a tatemanu lialia no anu mamulosi.