1 Pita 1:3 - Ata New Testament

³ Nenge'a ta'itinu ualasou Mosinge e Mosou xe Momu Tatananenge Iesua Kalaisiti xo anu mu'alauna­singe misevile aloxo 'o. Anu mutulusou Iesua Kalaisiti no anu soli la no anu vote'i anene muxa­lixu mauli alavua noxinge. Laso maixene nenge'a talopalanu taxomaiou mauli ane tasiauxula uasi.

1 Pita 1:3 ပူးပေါင်းရင်းမြစ်များ

Tioni 1:13

Ane'i mixali Mosinge ta'olu ia anu mi so vasimenge tamitema o xavutali'a tamitema o masaxa noxou itema vile uasi. Mosinge molu muxalixi'a so ane'i ta'olusi.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Lomu 15:13

Laso masaxa noxilo noxinge lexe ngingi ngalopala noxou Mosingesi. Ngalopala noxou laso anu uxalixu osa'ila mo xoluxolu lalavulusi. Mo Ulenu Laixe ulosinge xavi so loxo ngaxomaiou voxo olele la lopala noxinge utilasi.

Lomu 4:25

Xo mi anenesi, laso Mosinge mupilixinu Iesua no anu soli, so ulotonu susu noxinge. Xe mutu­lusou no anu soli so umoxo'inge tamalemalenga no iou.

Lomu 5:10

Tei la nenge tauluaou Mosinge mo la'ia noxou muxolu noxinge. Ia Olu musoli no taninenge laso la'ia no tainenge nenge'a Mosinge a mu­kalu ne. Xe Olu mumaulila, laso nenge texalisou pamauli loloni no anu mauli noxou.

Lomu 8:11

Laso aloxo 'o. Vasimenge ne anu usoli ane. Ia loxo Mosinge mupamaulinu Iesua Kalaisiti no anu soli la axone kalumo Ulenu Mosinge upamau­linu vasimenge ili'i. Anu u'oxo axone xo anu a uxolu noxinge.

Lomu 8:24

Xo anu mupamaulinenge mukalu laso nenge taxomaiou mimi ane uxali ili'i. Nenge taxo­maiou mi ane tesaxisou no ienge mukalu uasi. Anu laixe, xo loxo mi ane tasaxisou no ienge la taxo­maiou axova? Xo muxali mukalu to.

1 Kolini 13:13

Laso xoluxolungenge aloxo 'o. Ngalopalanu Mosinge mo ngaxo­maiou ngalopalanu voxosou olele mo ngasexelaxa'a tamitema. Mi tatalu ne uxolu no anu mauli noxinge, ia mi ane u'uli'uli avile ane so tasexelaxa'a tamitema.

1 Kolini 15:20

Ia uasi, axone uasi. Xo Kalaisiti mutulu mo mumaulila ne, mo ili'i la nenge axone kalumo. Laso anu aili'isinge xo anu tei manina noxinge no anu ane so tasoli xe tamaulila.

2 Kolini 1:3

Ta'itinu ualasou Mosinge anu Mosou xe Momu Tatananenge Iesua Kalaisiti. Mo anu Maminge e tava'u alauna xe anu Mosinge e tava'u mamatola mukalusi.

Xalesia 6:16

La noxi'a ane'i ane opone'i ututuluou vote'i nesi so imulinu, la ixalisou xoluxolu lalavulusi ilou iaiama xo ane'i so laili Isilaeli noxou Mosinge u'isalili ane.

Epesusi 1:17

Alinga noxou Mosinge anu Mosinge nenge'a Tatananenge Iesua Kalaisiti. Anu Maminge e mosou iaxu. Amasaxau lexe Ulenu ulosinge lavulavu mo upela'inge so ngalavu laixe noxou Mosinge.

Epesusi 1:3

Ioxe, nenge ta'itinu ualasou Mosinge e anu Momu Tatananenge Iesua Kalaisiti. Xo mi ma'ia so xoluxoluxu ulenenge no tualasou la anu mulosinge mukalu. Anu mulosinge axone xo taxolu noxou Kalaisiti.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Epesusi 2:4

Ioxe, xoluxolu noxinge axone, ia iaiama noxou Mosinge mulolutu e mulolutu. Xo anu musexela­nengesi mo sexela noxou singe mupala'a aloxo 'o.

Epesusi 3:20

Ai manina misevile, xaixai noxou no anu xoluxolu noxinge ne xavinusi. Xo nenge tamasaxau mo talingau mimi ane talavusousi. Ia mi ane loxo u'itimenge la takuluke no anu xo uua'ulixu masaxa noxinge avile.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

1 Tesalonaika 4:13

Ioxe tavivixe, loxo noxi'a tanoxinge ane misoisoli la ngaxovulaulau noxi'a uasi. Xo ane'i tamitema loxo ixomaiou voxo olele uasi la tama noxi'a uxoxolu uxoxolu u'okisi. Ia ngingi la nga'oxo axone uasi.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

1 Timoti 1:14

Tatananenge ukolinu ilixo noxilo ne uasi mo iaiama noxou noxilo mulolutu e mulolutu. Xo Kalaisiti Iesua ne anusisi tava'u lopala mo sexela la anu mu'avu­tinoxu no opoleli.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Ipilu 3:6

Ia noxou Kalaisiti la anu Mosinge Olu mo loxo Mosinge mutulusou so u'uli laxunu tasou la anu mu'oxonu lailaixe manina. Tasou ma'ia ne? A nenge ta'ei loxo oponenge utulu pakia'u no anu mi e ananenge ulemolu lexe talopa­lanu. Xe mi ane ta'oxo lexe talo­palanu taxomaiou la oponenge pumuxu no anusi.

Tiemisi 1:18

Anu molu muma­saxausi, laso no anu vote'i e so vaikala temanu anu manina la muxalixinge. Muxalixinge axone mo so nenge taxolu laili ane u'uli'uli no taine'i tamimi mukalusi e mukoine'i.

1 Pita 1:13

Laso ngaxolu xavutalamengi ulalaxi aloxo itema ulalaxi so umuamua'i, xe ngalaxa'inu opo­ngengi laixe so uxovulaulau uasi. La ngatulu pumungenge avile so ngalopalanu ngaxomaiou iaiama ane ngaxalisou no voxo loxo Iesua Kalaisiti upala'a.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

1 Pita 1:23

Xo Mosinge muxalixinge tamitema ta'alavua la mauli noxinge ne so utalo uasi xo tava'u no anu vaikalaou e mauli no anu mo kaluxu uasisi.

1 Pita 2:2

Xo ngelavu, takeakea ilavusou itata­masou susuxa'a so iiexu. Xe ngingi la ngatatamasou vaikalaou Mosinge malemalenga axonesi xo loxo nga'ani no anu la ngingi ngaleme xo laso xoluxolu noxinge ulomotele no anu pamaulisinge ne.

1 Pita 3:15

La nga'itinu Kalaisiti no opongengisi lexe anusi Tatana­ngengi. Mo ngaxolu ngalalaxi utotomu so loxo tamitema imaiti­tiiengixu mi ane tangengi ulopa­lanu uxomaiou la nga'oxonu latolosou.

1 Pita 3:21

La anu axone kalumo ilixo so kelele anu latilovosou pamauli e muxa­lisinge. Anu mi so uxexenu mi masua no anu vasimenge uasi. Anu vavalima noxou Mosinge lexe nenge taxolu tanenge malemalenga no iou, la tava'u xo anu mutulusou Iesua Kalaisiti no anu soli.

1 Pita 3:5

Tatei la tasema ane mipilixinu mauli noxi'a noxou Mosinge ka milopalanu mixomaiou nene'axu vavalima noxou la mi'oxo axonesi. Ane'i mivilasine'i no anu ilixo e so milu'ene'i noxi'a tamului'a.

1 Tioni 2:29

Xo loxo ngelavu, anu ilixou Kalaisiti mulapu lolonisi. Laso mi ano'o ngalavusou kalumo, ta'ei ane so i'oxonu ilixo mulapu la ane'i mixali Mosinge ta'olu noxou Kalaisiti ane.

1 Tioni 3:3

La tamitema mukalusi ta'ei ilopalanu ixomaiou Kalaisiti la ikalipalane'i no anu susu xo imasaxau xoluxolu malemalenga aloxo anusi.

1 Tioni 3:9

Manina lexe itema uxali Mosinge olu la anu so uxolu no anu ilixo so susu uasi. Mauli noxou Mosinge u'isalili uxolu noxou itema ne laso uxoxolu no anu susu uasi xo anu Mosinge olumo.

1 Tioni 4:7

O tamaula, nenge'a tasexela­nenge ngato'osi xo Mosinge anu tava'u sexela. Laso loxo itema usexela la anu upalasi lexe anu Mosinge olu mo anu ulavusou Mosinge laixe ane.

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.

1 Tioni 5:18

Mo loxo telavu, tamitema mukalusi ta'ei ixolu Mosinge ta'olu la ilavusou ixolu no anu susu uasi. Xo Mosinge Olu u'oxo latolosi'a tamitemaou la mosou susu olele ulaisi'a uasi.

1 Tioni 5:4

Tamitema mukalusi ta'ei mixali Mosinge ta'olu la iua'ulixu xavi no anu lialia. Xo nenge telopala lexe Iesua anu Mosinge Olu la no anu vote'i anenesi teua'ulixu xavi no anu lialia.