1 Pita 1:2 - Ata New Testament

² Tateimo Mosinge anu Maminge mula­vusinge lumamo kaio musoso­vosinge so Ulenu ukalipalangengi lexe ngingi tano­xou u'isalili. Mo so axone la ngalomuxu vaikalaou Iesua Kalaisiti xe sialuxu e munixi la mu'uingengi so ngexali tamale­malenga no iou Mosinge. Eni amasaxau lexe ngingi ngaxa­mulinu iaiama ilou xoluxolu lala­vulusi noxou avile.

1 Pita 1:2 ပူးပေါင်းရင်းမြစ်များ

Matiu 24:22

Xe loxo Tatana­nenge uxotonu voxosou tu'utu'u­maxu anene uasi la itema vile umauli uasi. Ia anu uxavutalane'i tamitema ane musososvosi'a luma­mo lexe tanoxou. Uxavutalane'i laso uxotonu voxo anene.

Matiu 24:24

Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musoso­vosi'a lexe tanoxou.

Matiu 24:31

Mo piuka utama tatila so upalusi'a ta'angelo­xeli ilailai. Ilailai no anu noti xe sauti xe uesiti xe isiti no loxotolo teletelexu. La ipitane'i tamitema ane Mosinge musosovosi'a lexe tanoxou.”

Maki 13:20

Xe loxo Tatananenge uxotonu voxosou tu'utu'umaxu anene uasi la itema vile umauli uasi. Ia anu uxavutalane'i tamitema ane muso­so­vosi'a lumamo lexe tanoxou. Uxavutalane'i laso uxotonu voxo anene.

Maki 13:22

Xo Takalai­siti kalavoi se'i mo tamitema so pela'a kalavoi se'i itulu no voxo anene. Itulu mo i'oxonu sosovo so xavi so itovonu so ilapune'i tamitema ane Mosinge mososo­vosi'a lexe tanoxou.

Maki 13:27

Mo no voxo anene anu upalusi'a ta'angelo talaixe ilailai. Ilailai no anu noti xe sauti xe uesiti xe isiti no anu lialia ilou loxotolo teletelexu. Mo ipitane'i tamitema ane Mosinge musoso­vosi'a lexe tanoxou.”

Luku 18:7

Loxo tamitema ane Mosinge musosovosi'a lexe tanoxou itatama noxou aso olovoxo utotomu so uutululune'i, la axova? Ulomuxa'a mo ukolinu tama noxi'a palea uasi?

Ta'aposeli 15:18

Xo eni elalaxinu opoleli so xaixai anene tei tei manina.'”

Ta'aposeli 2:23

Xe mune'e la Mosinge mu'italonu noxinge so uxali loxo anu mulalaxinu oponu mo mulavu lumamo. Laso ngingi ngepilixinu noxi'a tamitema tamasua so mililinu no ovu valautu so musoli.

Ta'aposeli 20:32

Ia vaimomo 'o apilixingengi no avolu Mosinge. Xo amasaxau so opongengi ututulu no anu vaika­lasou iaiama noxousi. Xo anenesi umomomo so u'oxo pakia'inge. Xe ili'i la Mosinge molu ulosinge mimi lailaixe. Anu ulosinge nenge ane musosovosinge lexe tamite­maou u'isalili.

Lomu 1:5

Laso tava'u so Mosinge mutulusixe ta'aposeliou ne, a no anu iaiama noxou Olusi. Mutu­lusixe so tapitane'i tamitema noale'ale no anu ualasou Iesua, mo so ilopala noxou mo imulinu vaikalaou.

Lomu 1:7

Laso lapasi ano'o ulai noxinge ngingi Talomu ane Mosinge muse­xelangenge mo mukalipalangengi lexe noxou mu'isalili. Masaxa noxilo lexe ngingi ngaxa­mulinu iaiama mo mamatola noxou Mosinge anu Maminge xe Tatana­nenge Iesua Kalaisiti.

Lomu 11:2

Ta'isilaeli ane'i tamitemaou Mosinge ane. Anu mulavusi'a tateimo, laso vaimomo 'o anu uxiunu tumalou noxi'a uasi. Xo ngalavusou vaikala pa'usou ane uxolu no lavukuou Mosinge e ua'aloxu Elaitia so oponu tu'umaxui'a Ta'isilaeli uasi? Xo anu mukalapusi'a mulai noxou Mosinge aloxo 'o,

Lomu 11:28

Laso nenge tavikalasi'a Ta'isi­laeli aloxo 'o. Ane'i mixiunu tumali'aou Vaikala laixe so Tata­nanenge Iesua. Xe no anu vote'i anene la ngingi noale'ale ngexa­lisou nene'axu laixe xo pamauli muxali noxinge. Ane'i mixililiou Vaikala anene ia Mosinge upili­xine'i avile uasi. Xo anu usexe­laxa'a noxi'a ta'ilusune'i e Apala'amuena.

Lomu 15:16

Muiaiama noxilo mo musosovosilo so eni amitemaou so alaixu vaikala laixe so Kalaisiti Iesua noxi'a tamitema noale'ale. La no anu xaixai noxilo ne la a'oxonu xaixai loxo tapilisiti mi'oxonu. Xo mi ane alaixu noxou Mosinge ne, ane'i tamitema noale'ale. Alanu vaikala laixe noxou Mosinge noxi'a xe loxo amaxa'a noxou Mosinge la u'osasi'a ane. U'osasi'a xo Ulenu Laixe ukalipalane'i lexe noxou mu'isalili.

Lomu 16:19

Apelototo­singe axone xo alavu lexe opongengi ututuluou vaikalaou Mosingesi. Mo vaikalasinge muia­veiave no tuatuala. Laso eni a'osa no anu xoluxolu noxinge anene. Ia amasaxa lexe ngalavu lamana no anu mi ma'ia laixe. Ia no anu mi ma'ia masua la uxolu no xavuta­lamengi uasi.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

Lomu 8:13

Xo tami­tema ane tava'u susu no vasime'a upamuxane'i la ixalisou solisi. Ia ngingi ane Ulenu Laixe uxolu noxinge la anu usu'ulingengi so ngatalotalosou susu no vasimenge. Ngingi anene la ngaxolu ngamauli.

Lomu 8:33

Anu Mosinge molu musoso­vosinge lexe nenge tanoxou. Laso ena'ei utulusinge no anu vaikala? E uasi, xo Mosinge molu mumo­xo'inge lexe nenge tamalemalenga ane.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

1 Kolini 6:11

Ai, tatei ngingi mose'i xoluxolungenge axone kalumo. Ia Mosinge molu mu'ulosinge mo mukalipalangengi lexe ngingi tamitemaou mu'isalili. Ulenu Mosinge muxaxaisinge mo ngingi a ngatavulenu ualasou Tata­nanenge Iesua. Laso maixene Mosinge umoxo'inge lexe ngingi tamalemalenga no iou.

2 Kolini 10:5

Mo nexi tamamulonu xavutala kalakalavoi xe mi ma'ia tamitema i'itinu so itanuxu lavula­vusou Mosinge no anu. Xo xavu­tala vuluvulusi noxi'a ne anu loxo ta'amiou Uluaou. Laso no anu mimi so oto noxou Mosinge la takakapisou xavutalai'a ne mo so uxiu uxali u'isalili no anu masaxa noxou Kalaisitisi.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

2 Tesalonaika 2:13

Ia noxinge tavivixe la laixe so tavikalasinge laixe noxou Mosinge utotomu. Xo Tata­nanenge muse­xelangenge mo Mosinge muso­sovosinge tei tei manina lexe ngaxalisou pamauli. Xo ngingi ngelomusou vaikala manina xe ngekasou lexe maninasi laso Ulenu mukali­palangengi lexe ngingi tanoxou Mosinge mu'i­salili.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

Taitusi 1:1

Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

Ipilu 10:22

Laso nenge talai alai mo oponenge lamana mo lopala noxinge pumuxu avile. Xo Kalaisiti mupeinu sialuxu noxinge so mu'uinu susu ane tanenge muto'omengexu mo mu'uinu vasi­menge no anu lexa malemalenga.

Ipilu 11:28

Mo xo no anu lopalasi laso anu mulomuxu voto so Mualasi'a. Laso mipeipeinu sialu mo so anu ane so umamulone'i laposalaxa'a Ta'isipi la uxalisi'a Ta'isilaeli uasi.

Ipilu 12:24

Mo ngexali noxou Iesua e itema so utulu nonixi so uvalaxu konitalaki alavua. Mo no sialuxu e mupeinu singe. Sialuxu ne muxalixu vaikala lailaixe manina no anu vaikala so sialu e Aveli mupeinu.

Ipilu 5:9

Ioxe, lavulavuou so umulinu masaxa noxou Momu mumomomo loloni axone, laso anu muxali tava'u pamauli noxi'a tamitema ta'ei imulinu masaxa noxou. Upa­mauline'i mo so ulosi'a mauli ane kaluxu uasi.

1 Pita 1:14

Tatei la ngalavu to uasi laso masamasaxa no anu vasimenge mupamuxangengisi. Ia vaimomo 'o la mamu so ngalivuou mimi ne so ukapikapingengila, ngaxolu loxo tamolomolo ane ilomunganiou vaikalaou mami'asi.

1 Pita 1:19

Anu mulotonenge no anu mi lailaixe e uua'ulixu lamoli mukalusi, mi e sialuxu Kalaisitisi. Kalaisiti ne anu loxo sipisipi ilie ane vasimolu xale­xalevinu o nuni vile no anu uasi.

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

2 Pita 1:2

Ngingi a ngala­vulavu noxi'a Mosinge ilou Iesua anu Tatananenge laso eni alinga lexe lavulavu ne u'oxonu iaiama ilou xoluxolu lalavulusi uleme mo ulolutu no anu mauli noxinge.

2 Tioni 1:1

Eni amitema so saxila'u a, akaukavunu lapasi ano'o ulai noxine nini nasema ne ngoli'a ta'iline.1 Mosinge muilouneni lexe nini nanoxou mu'isalili mo avika­laneni lexe asexelaxene misevile. Ia enisi uasi, noxi'a ane'i ane ilavusou vaikala anu temanu manina mukalusi isexelangenge kalumo.

2 Tioni 1:13

Ta'ilie vivine ane Mosinge muiloune lexe ane noxou la ivikala aso noxine ne. Anu anesi.

Iuti 1:2

Eni amasaxau lexe alauna xe xoluxolu lalavulusi xe sexela uleleme mo ulolotu no anu mauli noxinge.