1 Kolini 8:9 - Ata New Testament

⁹ Anene manina, ngingi ngalavu lexe mi vile loxo ani'ani usaki­ngengi uasi. Ia ngalaxa'i laixe xo masi nga'oxonu tavivinge e mamalaxa'asio itulaki i'una no anu susu.

1 Kolini 8:9 ပူးပေါင်းရင်းမြစ်များ

Matiu 18:10

Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Lomu 15:1

Ioxe, nenge se'i ne pakia'inge no anu lopala. Ia ane'i tavivinge se'i ne pakia'a malaxo uasi. Laso nenge ane pakia'inge la taxavutalanengesi uasi. Anu laixe so tanengexa'a mo tasu'uline'i tavivinge ane mamala­xa'asio.

1 Kolini 10:24

Laso oponenge utulu so nenge menge taxalisou xoluxolu laixesi uasi. Taxavutalane'i tamenexinge no anu xoluxolu noxi'a.

1 Kolini 10:28

Ia loxo itema vile upela'ine mo so nalavu lexe tamitema milaixu misoposi noxou momosi'a kalavoi tei, la naxolusi. Na'ani uasi xo masi itema ne tanulili lexe anene susu o uasi.

1 Kolini 10:29

A'apixene axone xo tava'u no anu taneni uasi. A'api­xene xo noxou itema olele, xo masi tanu uxovulaulau mo utavulenu tu'u­maxu no anu ani'ani noxine. Avikala axone laso masi opo­ngengi uvikala lexe, “Loxova, eni atilovo laixe mo mi vile usakileli uasi. Ia loxo a'apixo no anu mimi xo tava'u noxou menexilosi, la anu loxo tanu mamulaxu olele upamuxalelisi.

1 Kolini 10:32

Mo aloxo 'o kalumo. Tange­ngingenge ngato'o. Ngingi Taiuta xe Takiliki xe tatemanu pita noxou Mosinge mukalusi ne, nga'oxonu ilixo ane so uxalixu tu'umaxu no opongengi ngato'o uasi.

1 Kolini 8:10

Xo aloxo 'o. Nini ane lavulavumeni no anu mimi tele­molu 'o loxo nalai no tasou mosi'a kalavoi vile. Nalai naxolu na'ani xe vivine ane mamaluxusio usaxi­sine la masi axova? Anu tanu so utilovo laixe uao ia anu umaisine axone laso anu ukalavoi lexe tanu pakia'u so u'ani no anu mi ne kalumo.

1 Kolini 8:12

Laso loxo nasu­sunoxu vivine axone mo nalapunu no anu tu'umaxu so tanu mamalaxu ne, la anu loxo nasusu­noxu Kalaisiti molu.

1 Kolini 9:22

Xe loxo tamitema tane'i mamalaxu so itilovo laixe uasi la eni xoluxoluxo no taine'i axone kalumo. A'oxo axone so alapune'i mo asu'uline'i no anu vaikalaou Kalaisiti kalumo. Laso ane. Loxo axolu no taine'i tami­tema kaini axova la xoluxo­luxo loxo ane'isi. Xo eni akakamulinu vote'i so alapune'i tamitema latala so ane'i ine'e ixalisou pamauli.

2 Kolini 11:21

Ia nexi xavinexi so ta'oxongengi kaini axone uasi, laso anu masi mi so amailamulinu, ne? Ia loxo evile xavinu so uvikala lamana no anu ilixou la eni kalumo xavileli so apala'anixu noxilo ane. O vaikalaxeli muxali vuluvulusi moe.

2 Kolini 11:29

Xo loxo Mosinge olu vile pelesou la eni kalumo axamulinu mo xavi noxilo ukalu no anu. Xe loxo evile ulapunu Mosinge olu vile no anu susu la eni opoleli tu'umaxuou mi ne avile.

2 Kolini 6:3

Ioxe, nexi ta'oxonu mi vile so tamitema itulaki no anu uasi xo tamasaxau lexe vaikala masuaou xaixai noxixe 'o uxali uasi.

Xalesia 5:13

Laso tavivilo, Mosinge molu mu'avalinge so nga'una no anu xoluxolu lalavulusi. Ia mamu so opongengi lexe, “Ai nenge taxolu lalavulusi no anu lo a, laso masaxa aneva no anu vasimenge 'o la tamulinusi.” Nga'oxo axone uasi, nga'oxo aloxo 'o. Ngaxolu no anu sexalasi so ngaxali tamitema so xaixai noxinge ngato'o.

Kolosi 2:8

La ngalaxa'i laixe xo loxo 'o io evile masi ukalavusungengi no anu lavulavu noxi'a takeleva mo vaivaikala ane temanu uasi. Tamitema ane xo ne ilomuxu vaikalaou Kalaisiti uasi. Ane'i ilavusou imulinu ilixo noxi'a tatiatila tatei xe pakia'a no anu mimi tavatava'u so upamuxanu xoluxolu so lialiasi.

1 Pita 2:16

Xo no anu xoluxo­lungenge la no anu lalavulusi ia mamu so xavutalamengi lexe, “Ai, vaimomo 'o taxolu lalavulusi a, laso susu ma'ia la ta'oxonusi.” Axone uasi, xoluxolungenge no anu lalavulusi ia so ngingi menge ngapilixingengi ngaxali tasileviou Mosinge.

2 Pita 2:19

Ilapune'i no anu polomisi aloxo 'o, “Loxo ngamulinexi la ngaxolu lalavulusi ane, xo mi ma'ia ngama­saxau la nga'oxonusi.” Ivikala axone ia ane'i me'a ixolu tasileviou ili'ilixo e uxalixu mamulosi'a. Xo mi ma'ia upalupalusinge la anu tilasinge mo nenge a tasileviousi.

Mupala'a 2:14

Ia mimi se'i a'osasingexu uasi aloxo 'o. No taingengi ne tami­tema se'i imulinu ili'ilixou Valamu. Xo tatei la anu mupa­muxanu Valaki so mu'unanu tanu noxi'a Ta'isilaeli la mi'ou misoposi ane tamitema milo­­sou mosi'a kalavoi mo milailai noxi'a tasema vitanisi.