1 Kolini 8:4 - Ata New Testament

⁴ Ioxe, no anu ane so tamitema i'ou misoposi ane milosou tei lexe noxou momosi'a kalavoi, la avikalasou aloxo 'o. Nenge talavu lexe momosi'a kalavoi ne temanu uasi, manina to uasi. Mosinge vilesisi, vilela uasi.

1 Kolini 8:4 ပူးပေါင်းရင်းမြစ်များ

Maki 12:29

La Iesua mukolinu lexe, “Lavuloto ane mutia­tila e ane uvikala lexe, 'Ngingi Ta'isilaeli ngalomu, Mosinge anu Tatana­nenge ne anu Mosinge vilesisi ane.

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Ta'aposeli 15:20

Masi nenge takau­kavunu lapasi ulai noxi'a mo tavikalane'i so mimi aloxo 'o. Vile lexe anu laixe so i'ou la'ilali ane tamitema milaixu no anu momosi'a kalavoi uasi. Xe vile lexe ilailai noxi'a tasema vitanisi uasi. Xe vile lexe i'ou misoposi ane tamitema ikapilaxa'a uasi. Xe kaluxusou lexe i'ou tamisoposi sialuxa'a uasi.

Ta'aposeli 19:26

Ia ngingi masi ngamaisou mo ngalomusou vaikalaou itema e Polu ne. Anu a ulapune'i tamitema tavu'alo mo uxovulaulaunixi'a. Anu a u'oxonu ne Epesusi xe no tuatuala no Esia polovinisi mukalusi. Mo anu utotomu uvikala lexe momosinge taxalixu no avonge 'o, anu mosinge maninasou uasi.

1 Kolini 8:1

Eni vaikala sevile no anu mi e so misoposi ane tamitema milosou lexe noxou momosi'a kalavoi. Ioxe, loxo ngingi ngalemolu, nenge mukalusi lavulavu. Ia loxo lavulavu vitanisi, la tamitema me'a i'itine'i no anu. Ia loxo lavulavu noxinge uila ilou sexela la nenge tane­ngexa'a tamenexinge so tavalaxa'a.

1 Kolini 8:10

Xo aloxo 'o. Nini ane lavulavumeni no anu mimi tele­molu 'o loxo nalai no tasou mosi'a kalavoi vile. Nalai naxolu na'ani xe vivine ane mamaluxusio usaxi­sine la masi axova? Anu tanu so utilovo laixe uao ia anu umaisine axone laso anu ukalavoi lexe tanu pakia'u so u'ani no anu mi ne kalumo.

1 Kolini 8:11

Laso loxo nini, la nelavu lexe mi anene mi vitanisi. Ia axone la loxo lavulavu noxine mulapunu vivine mamalaxu ne no anu mamulo. Vivine ne Kalaisiti muso­lisou kalumo.

Xalesia 4:8

Ioxe, tatei la ngalavusou Mosinge uasi, mo ngexolu loxo tasilevii'a tami ane tamomosinge maninasou uasi.

Epesusi 4:6

Mo Mosinge anu Maminge vilesisi. Anu u'uli'uli noxi'a tamitemaou mo uxolu no taine'i mo uxalixu masaxa noxou no anu xoluxoluxa'a.

1 Timoti 1:17

Laso ta'itinu ualasou Mosinge xo anu vilesisi ane. Anu kingi na'a nenge mo uxolu no tanixu ne avile. Anu kaluxu uasi. Nenge tamitema tasaxisou no ienge uasi, ia taxolu ta'itinu ualasou no anu mauli noxinge ulai ulai utalo uasi. Vaikala ano'o maninasi.

1 Timoti 2:5

Xo manina, Mosinge vilesisi. Mo itema vilesisi so utulu mo ukalusou la'ia no tainenge nenge tamitema xe Mosinge. Itema vilesisi ne a Kalaisiti Iesuasi.

Iuti 1:25

Mosinge anu mosou pamauli­singe xo muxalixu a noxou Iesua Kalaisiti anu Tatananenge. Laso nenge ta'itinu ualasou xo anusi iaxu mo anu kingi u'uli'uli mo xaviou ilou ualasou uua'ulixu mimi muka­lusi. Tei no anu voxovoxo la anu uxoxolu, xe uxoxolu vaimomo, xe uxoxolu ili'i kaluxu uasi. Vaikala ano'o maninasi. Anu anesi.