1 Kolini 7:2 - Ata New Testament

² Ia ilixo nuni'u u'oki ne, laso laixe loxo tamitema itautaula'i. Laso axone la tamulu i'a tasema vilevilesi xe tasema i'a tamulu vilevilesi.

1 Kolini 7:2 ပူးပေါင်းရင်းမြစ်များ

Matiu 5:32

Ia avikala­ngengi aloxo 'o. Loxo itema semau ixola'u taula'i no anu ilixo nuni'u uasi ia anu ukusaiesi la anu upalusie no anu ilixo nuni'u ane. Xo loxo ane itaula'ixu itema vilela la anu taula'i maninasou uasi, ixolu noxou vitanisi. Xe itema utaula'ixe sema ane mulue mukusaie tei la anu utaula'ixe manina uasi, anu uxolu noxie vitanisi ane.

1 Kolini 6:18

Nga'umolu mo nga'umesou ilixo nuni'u ne avile. Xo susu mi ma'ia itema u'oxonu la anu loxo noale no vasimolusi. Ia loxo itema u'oxonu ilixo nuni'u olele la anu molu ususunoxu vasimolu ane.

1 Kolini 7:1

Ioxe, eni akolinu mimi e ngeta­li'isiloxu no anu lapasi mala'o. Loxo itema utaula'i uasi la anu mi vile uasi anu laixe.

1 Kolini 7:3

Itaula'i ukalu la anu mulu ne u'apisou mi laixe so taula'i noxie semau uasi. Xe sema la i'apisou mi laixe ne noxou mulue uasi kalumo.

1 Kolini 7:9

Ia loxo masaxa no anu vasime'a upalupalusi'asi la laixe so itaula'isi. Xo loxo 'o io tane'i u'elasi la itaula'isi.

Epesusi 5:28

Laso anu ane, a loxo Kalaisiti musexelaxu pita noxou la nini namulu nasexelaxe semameni kalumo. Nasaxila'e so xoluxoluxe laixe a loxo nini mene nasaxila'ine. Ngilou ne vilesisi ane, laso loxo nasexelaxe la anu iou vilesisi loxo nasexelaxenesi.

Epesusi 5:33

Laso telexu no anu vaikalaxeli aloxo 'o. Ngingi vilevilesi ne ngasexelaxa'a tasema­mengi a loxo ngasexelangenge ne. Xe ngingi tasema la ngataxane'i tamulumengi.

1 Tesalonaika 4:4

Ngingi vilevilesi ngalaxa'inu vasimenge laixe so ngapilixinu no anu ilixo malema­lenga ane laixe no iou Mosinge mo no ie'i tamitema.

1 Timoti 4:3

Xo tamitema ane xo ne ivikala lexe tatavunenge no anu taula'i mo no anu la'ilali iouiou. Ia la'ilali anene Mosinge mukoinu mo so nenge ta'ei talavusou mo talopalanu vaikala manina la tavikala laixe noxou ka ta'ousi.