1 Kolini 5:1 - Ata New Testament

¹ Ioxe, a'alo muxali noxilo lexe ilixo vile nuni'u a uxolu no taingengi ne. Mivikalaleli lexe itema vile muno'e momu semau mo uxoxolu noxie. Aloxova? Ilixo nuni'u ne tamitema so isivoxo itavunu ane, ia ngingi to uasi.

1 Kolini 5:1 ပူးပေါင်းရင်းမြစ်များ

Ta'aposeli 15:20

Masi nenge takau­kavunu lapasi ulai noxi'a mo tavikalane'i so mimi aloxo 'o. Vile lexe anu laixe so i'ou la'ilali ane tamitema milaixu no anu momosi'a kalavoi uasi. Xe vile lexe ilailai noxi'a tasema vitanisi uasi. Xe vile lexe i'ou misoposi ane tamitema ikapilaxa'a uasi. Xe kaluxusou lexe i'ou tamisoposi sialuxa'a uasi.

Ta'aposeli 15:29

Vile lexe laixe so nga'ou misoposi ane tamitema milaixu no anu mosi'a kalavoi uasi. Xe vile lexe nga'ou sialuxa'a tamisoposi uasi. Xe vile lexe nga'ou misoposi ane mikapilaxa'a uasi. Xe ngalailai noxi'a tasema vitanisi uasi. Aso noxinge. Vaikala noxixe se anesi mo mukalu.”

1 Kolini 1:11

Xo tavivilo no anu laili noxie Koloe mia'aloxeli lexe ngingi mose'i ngakusuku­suinge ngato'o.

1 Kolini 5:11

Ekaukavu mulai noxinge ne so evikalasi'a ane'i ane ngamoxo'a lexe tavivinge no anu lopala ia loxo opone'i ututuluou ilixo aloxo 'o. Opone'i ututulou ilixo nuni'u o isu'isu o so i'itinu momosi'a kalavoi o isu'asu'anu anaxa'a o utotomu isipaki o ipakali. Tamitema axone la mamu so ngoli'a ngapitapita o so ngaxolu nga'ani uasi.

1 Kolini 6:13

Xe ngingi se'i masi ngavikala aloxo 'o, “Loxo tasolinenge la ta'anisi, mo loxo vasimenge ulapunenge no anu mi olele la ta'oxonusi.” Kalavoi ane. Manina, Mosinge mu'oxonu ani'ani so oponenge mo oponenge so ani'ani. Ia loxo vasimenge, la anu so susu olele uasi, anu noxou Tatananengesi. Xe Tatananenge, la anu molu usaxila'u vasimenge. Ia ili'i la Mosinge umamulonu mimi so xoluxolu no anu vasimenge ne.

1 Kolini 6:18

Nga'umolu mo nga'umesou ilixo nuni'u ne avile. Xo susu mi ma'ia itema u'oxonu la anu loxo noale no vasimolusi. Ia loxo itema u'oxonu ilixo nuni'u olele la anu molu ususunoxu vasimolu ane.

1 Kolini 6:9

Xo ngalavu uasi? Ane'i tamitema ane nuni'a no iou Mosinge la ane'i ixolu uasi no voxo so anu molu u'uli laxune'i tamitemaou. Ngaka­lavoingengi uasi. Tamitema ne opone'i ututuluou ilixo aloxo 'o. Ane'i ane i'oxonu ilixo nuni'u xe i'itinu mosi'a kalavoi xe ixolaxola'u taula'i xe tamulu i'oxonu ilixo nuni'u ngato'o.

2 Kolini 12:21

Mo opoleli kalaua lexe ane'e noxinge la masi Mosinge upamailaleli no iengila. Xo tei la ane'i se'i ne mi'oxonu ilixo nuni'u xe mixola­xola'u taula'i xe mimomoxu masamasaxa no anu vasime'a. Laso loxo axali amaisi'a lexe ixiunu tumali'aou susu ne uasi la atavu­lenu maila mo atatamasi'a.

2 Kolini 2:5

Ioxe, anu ane loxo muxalixu tu'umaxu no taingengi la navuna­vusou uxalisilo uasi. Io', eni amasaxau alemolu vaikala pakia'u no anu mi ne malaxo uasi, ia avikala se lexe navunavusou mi ne a muxalisingesi ne.

2 Kolini 7:12

Laso ekaukavunu lapasi mulai noxinge ne la masi nga'oxo lexe tava'u so ulovonixu anu ane mususu o so umamatolanu anu ane mutavulenu navunavusou susu. Ia uasi, tava'u aloxo 'o. Ekaukavunu so upalasi noxinge no iou Mosinge lexe sexelasixe a noxinge ne misevile.

Xalesia 5:19

La anu upalasi lexe masama­saxa no anu vasimenge uxalixu nene'axu aloxo 'o. Tamitema ipilipilixinu vasime'a vitanisi no anu ilixo nuni'u mo ukilikalu.

Epesusi 5:3

Laso aloxo 'o. Mamu so ngaisu­ngenge mo ngalailai noxinge ngato'o vitanisi so nga'oxonu ili'i­lixo nuni'u. La ngingi tamitemaou Mosinge u'isalili, mamu so vaikalasou mimi axone uxolu no taingengi.

Kolosi 3:5

Laso ngavau masamasaxa no anu vasimenge so lialia usoli. Mimi loxo ilaixu vasime'a vitanisi xe ili'ilixo nuni'u xe opone'i u'ela xe opone'i usoliou susu xe isu'isu. Xo no anu isu'isu ne, oponenge ututuluou mi vile xo mole uxali loxo mosinge kalavoi.

1 Tesalonaika 4:7

Mosinge mu'avalinge so tamulinu ili'ilixo nuni'u axone uasi. Mu'avalingexu xoluxolu malemalengasi.

Mupala'a 2:21

Ako­line kolokolo uasi xo mo ixiunu opone so susu noxie. La uasi, imasaxau so ixiunu opone so ilixo nuni'u ne uasi.

Mupala'a 21:8

Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”