1 Kolini 4:9 - Ata New Testament

⁹ Ia uasi. Axamulinu lexe no taine'i tamitema mukalusi la Mosinge mumulanexi nexi ta'aposeli lexe xoluxolu noxixe masuasi. Aloxo 'o. No anu lakoti la isosovosi'a takalavusu se'i lumamo lexe isoli. La xoluxolu noxixe axonesi. Laso ta'angelo oli'a tamitema loxo ixoxolu iutitiou xoluxolu masua noxixe 'o.

1 Kolini 4:9 ပူးပေါင်းရင်းမြစ်များ

Ta'aposeli 19:29

Mi'oxo axone laso tatemanu tuala ne miiauka­kasou e lapilai uasisi. La tamitema se'i mikasi'a Xaiusi ilou Alisita­kusi. Ane'i ilou oli'a Poluena me'a ne Masetonia mine'e mala'o. Mikasi'a xe alaxu vilesisi milaixi'a no tanixu pita so tuala ne.

Ta'aposeli 19:31

Xe kalumo la ane'i tamenexu Polu se'i e no anu xamani so polo­vinisi mikalanu vaikala mune'e noxou. Milinga pakia'u lexe anu ulai no anu tanixu pita uasi.

Lomu 8:36

Loxo Mosinge Vaikala ulemolu, tu'utu'umaxu masi uxalisinge. Anu uvikala aloxo 'o, “Nexi taxolu tamitemameni laso voxovoxo utotomu tamitema imolo soli noxixe. Nexi loxo tasipisipi ane tamitema so ive'ave'a isoli.”

1 Kolini 15:19

Loxo nenge talopala noxou Kalaisiti so taxalisou xoluxolu laixe no anu lialia 'osi la anu mi vitanisi. Xo axone xe tasoli la taxalisou nene'axu laixe uasisi. Loxo lopala noxinge so lialia axo­nesi la laixe so tamitema tane'i­nenge xo tapunenge avile ane.

2 Kolini 11:23

Xe i'oxo lexe ane'i tamitema so xaixai noxou Kalaisiti, ne? O eni so avikala loxo alongulongu avile toe. No anu xaixai noxou Kalaisiti la aua'ulixa'a avile. Xo no anu sasaieli xe no anu lalaxu so ekalavusu la aua'ulixa'a ane'i ne avile. Ane'i taxilili mi'otu'otuleli alaxu mulolutusi mo voxo tavu'alo elai alai no anu soli.

2 Kolini 6:9

La nexi loxo tami vitanisi ia tamotu no tuatuala ilavusou ualasixe. Anu loxo soli uxaxalisixe utotomu ia ngamalei, nexi a taxolu tamaulisi. Mimi tavu'alo muxali so ulovoninexe ia ukalusixe avile uasi.

1 Tesalonaika 3:3

Xo loxo 'o io tu'utumaxu ane ngatavulenu ne masi u'oxonu opongengi usasalo. Ia mamu, xo ngingi menge ngelavu mukalu lexe mi axone uxalisinge nenge'a la anu ulovo no anu masaxa noxou Mosingesi ane.

Ipilu 1:14

Xo ta'angelou ne ane'i ta'ulenu ane so i'oxonu xaixai noxousi. Anu upalupalusi'a ilailai so isu'uline'i ane'i ane so ixalisou pamauli.

Ipilu 10:33

Xo voxo se'i mitulusinge vilevilesi no ie'i tamitema so ito'omenge mo ixililiienge. Xe voxo se'i la mipitangengi so mi'oxo ilixo axone noxinge latala.

Ipilu 11:36

Xe ane'i mose'i la taxilili mimolo sukusi'a mo mipua­puasi'a mo miloilokisi'a no anu seni mo mimuxala'a no lakalavusu.