1 Kolini 4:8 - Ata New Testament

⁸ O axovae? Ngingi masi ngeno'u mimi lailaixe mo ngekalusou masaxa avile, ne? Ngingi ngaxolu no latanu mimi mukalu, ne? Ngingi ngexali loxo takingi manina, ia nexi to uasi, ne? O axone laixe manina, xo nenge nenge'a masi taxolu no tanixu kingi ane.

1 Kolini 4:8 ပူးပေါင်းရင်းမြစ်များ

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Luku 6:25

Masua noxinge ngingi ane nga'ani laixe vaimomo 'o xo ili'i la ngasolingenge ane. Masua noxinge ngingi ane ngakeke vaimomo 'o xo ili'i la ngatatama mo iengi lexaxu upeipei.

Ta'aposeli 26:29

La Polu muvikalanu lexe, “Loxo vaikala ataxu o veveni ne, anu mi vitanisi. Eni linga noxilo noxou Mosinge lexe ngingi latala ane ngalomusou vaikalaxeli 'o ngaxali loxo eni 'o. Ngaxali lamana loxo eni la laixe, ia seni isakileli no anu 'osi. Anenesi laixe so uxali noxinge uasi.”

Lomu 12:3

Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

1 Kolini 1:5

Xo ngaxolu noxou laso ngepalava no anu mimi noxou mukalusi. Xo anu Kalaisiti musu'ulingengi no anu lavulavusou mo no anu vaivaikalasou mukalusi.

1 Kolini 4:18

Ane'i mose'i no taingengi i'oxo pai. Masi i'oxo lexe ane'e noxinge uasi.

1 Kolini 5:6

Tavivilo, ngingi ngalavusou nga'itingengi to. Anene laixe uasi. A'oxo latilovo aloxo 'o. Loxo pileti la'oluxu, la isiti utuxu sesi u'oxonu usoxo. Xe susu axone kalumo. Loxo iengi si'isou susu sevile no taingengi la anu usuku usuku xo la usu'asinge mukalusi ane.

2 Kolini 11:1

Ioxe, eni amasaxau lexe nga'ita­loleli mo avikala vuluvulusi sevileo. Ne, umomomo axone?

2 Kolini 13:9

La nexi ta'osa loxo nexi taxolu pelesixesi ia ngingi ngaxolu pakia'ingesi. Xe nexi tapili­xingengi noxou Mosinge utotomu so xoluxolu noxinge uxali laixe loloni.

Xalesia 6:3

Xo loxo itema vile uxavutalanu lexe anu mi lailaixe ia loxo manina anu mi vitanisi, la anu molu mukakalavoinu moe!

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

Pilipai 2:12

Ai tamaula, utotomu ngingi ngalavusou ngalomuxu pelototo noxilo, laso ngalomuxu ano'ola. Anu laixe so ngalomuxo loxo axolu no taingengisi uasi, xo axolu nopaxa noxinge a ia ngalomuxu pelototo ano'o laixe manina. No anu pamauli e ngexalisou mukalu la ngamama'u mo opongengi u'olo'olou so ngamomosou avile.

Mupala'a 3:17

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

Mupala'a 5:10

Mo nini nakingi noxi'a xe ixolu noxine laso ane'i tapilisiti noxou Mosinge ane. Xe ili'i la ane'i ixolu so i'uli laxune'i tatemanu lialia mukalusi.