1 Kolini 4:6 - Ata New Testament

⁶ Ioxe tavivilo. Eni etovola'i sevile noxixe noxou Apolosi aloxo ne so apela'inge. Xo ngingi ne ngakali­totongengi mo nga'itingengi noxixe aloxo 'o. Se'i i'oxo lexe ane'i tanoxilo xe se'i lexe tanoxou. Mukalu la ngaxililiengi ngato'o. Eni amasaxau lexe ngingi ngalo­muxu Mosinge vaikalaou mule­molu lexe ilixo anene laixe uasi.

1 Kolini 4:6 ပူးပေါင်းရင်းမြစ်များ

2 Kolini 11:4

Xo nexi tene'e noxinge tei mo telosinge vaikala laixe so Iesua la ngelomuxu mo ngexalisou Ulenu Laixe. Ia loxo itema vilela une'e noxinge mo u'oxo lexe, “Eni alosinge vaikala laixe alavua so Iesua mo apilixinu ulenu alavua noxinge,” la ngingi masi nga'osa mo ngalomuxusi ane.

2 Kolini 12:19

Ioxe, masi nge'itisou vaikala ano'o mukalusi la nge'oxo lexe nexi telemolu so ta'oxo latolosixe no iengi no anu vaikala ma'ia muto'omexe. Ia uasi, nexi a taxolu noxou Kalaisiti mo telemolu vaikala ano'o no iou Mosingesi. O tamaula, tava'u vaikalamexi 'o so u'oxonu pakia'u lopala noxingesi.

2 Kolini 12:6

Loxo a'itinu mimi lailaixe e'oxonu la vaikalaxeli ne vuluvulusi no anu uasi, xo mi ma'ia so alemolu ne la maninasi. Ia amasaxau lexe tamitema i'osasilo no anu vaika­laxeli so alemolu ilixoleli laixe ne uasi. Eni amasaxau lexe i'osasiloxu ilixoleli ane me'a imaisou no ie'i xe vaikalaxeli ane ilomusou no sangali'asi.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

1 Tesalonaika 1:5

Xo vaikala laixe tene'enu noxinge ne, vaikala vitanisi uasi. Telanu vaikala ne la no anu xavi, xo Ulenu Laixe mu'isalilinoxu. Mu'isali­linoxu laso mupalasi noxinge lexe maninasou ane. Xe xoluxolu noxixe no taingengi la mupala'a no iengi kalumo. Taxolu noxinge la tava'u vilela uasi, a so tasu'uli­ngengisi.

Lomu 12:3

Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

2 Kolini 10:7

Ngingi menge ngatilovo laixe no anu mimi e uxolu no iengi. Xo loxo itema ulavu manina no oponu lexe anu itemaou Kalaisiti la anu masi laixe so ulavu aloxo 'ola. Nexi kalumo tamitemaou Kalaisiti a loxo anu nesi.

2 Kolini 4:15

Evikala axone xo elavu lexe mimi ane uxaxalisixe 'o ne so su'ulisinge. Mo so axone la iaiama noxou Mosinge ane uxaxala noxi'a tamitema tavu'alo la u'avutinixi'a so vaikalasou laixe ilemolu ne ulolutu mo u'itinu Mosinge uala­sousi.

1 Kolini 8:1

Eni vaikala sevile no anu mi e so misoposi ane tamitema milosou lexe noxou momosi'a kalavoi. Ioxe, loxo ngingi ngalemolu, nenge mukalusi lavulavu. Ia loxo lavulavu vitanisi, la tamitema me'a i'itine'i no anu. Ia loxo lavulavu noxinge uila ilou sexela la nenge tane­ngexa'a tamenexinge so tavalaxa'a.

1 Kolini 5:6

Tavivilo, ngingi ngalavusou nga'itingengi to. Anene laixe uasi. A'oxo latilovo aloxo 'o. Loxo pileti la'oluxu, la isiti utuxu sesi u'oxonu usoxo. Xe susu axone kalumo. Loxo iengi si'isou susu sevile no taingengi la anu usuku usuku xo la usu'asinge mukalusi ane.

1 Kolini 3:19

Xo lavulavu laixe so lialia 'o ne anu loxo mi xovulaulau no iou Mosinge. Xo no anu vaikalou mulemolu mi ne aloxo 'o, “Takeleva itovonu so ipamuxane'i tamenexi'a no anu vaikalai'a e ivilasinu. Ia Mosinge molu uuauoixa'a no anu vaikalai'a ne.”

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

2 Kolini 10:15

Laso nexi ta'alasou lamaki noxixe so ta'itinexi no anu xaixai noxi'a leviani uasi. No anu masaxa noxixe la taxolu u'isalili no anu xaixai e Mosinge mulosixe mo so lopala noxinge uleme. Xe loxo uleme la anu mi nesi upala'anixu temanu xaixai noxixe lexe anu utitilasi.

2 Kolini 10:12

O nexi tamama'u so tatilo­vosixe noxi'a ane'i ane me'a i'itine'i ne. Xo loxo isaxisi'a tamenexi'a so itilo­vosi'a noxi'a ngato'o o imalei lexe ena'ei noxi'a laixe la ixo­vulaulau kenasi.

1 Kolini 13:4

Ia loxo itema usexelaxa'a tami­tema la u'oxonu aloxo 'o. Oponu lexa noxi'asi mo oponu ututulu so umamatolane'i mo loxo ixalisou mi ma'ia laixe la anu uisuxa'a no anu uasi. Xe anu umomomo so u'itinu ualasou uasi mo utoxu uasi.

1 Kolini 9:23

Opoleli ututulu so alanu vaikala laixe so Kalaisiti axone, mo so nenge nenge'a mukalusi taxalisou vaikala ne nene'axu lailaixe.

1 Kolini 5:2

Mo axova so ngingi nga'i­tingengi lexe ngingi tamitema talaixe ne? Anu laixe loxo opongengi tu'umaxuou mo ngatatamasou mi ne. Mo kalumo, la ngakusaou itema e mu'oxonu ilixo ne so uxolu no taingengi uasi.

1 Kolini 3:21

Laso ane. Ngingi masi nga'i­talonu ilixo so nga'itinu ualasi'a tamitema. Mosinge mupilixinu mimi mukalusi noxinge so su'uli no anu xoluxolu noxinge.

1 Kolini 1:31

Laso maixene no anu vaikalaou Mosinge uvikala lexe, “Uala vile­sisi so tamitema i'itinu. Uala ane noxou Mosingesi.”

1 Kolini 1:19

Xo no anu Mosinge vaikalaou muvikala aloxo 'o, “Lavulavui'a tamitema so lavulavu la axalixu lexe mi vitanisi. Xe xavutalai'a tamitema takeleva la a'italonu lexe mi vuluvulusi.”

1 Kolini 1:12

Vaikala so kusukusu ne aloxo 'o. Se'i noxinge ivikala lexe, “Eni amitemaou Polu.” Xe se'i lexe, “Eni amite­maou Apolosi.” Xe se'i lexe, “Eni amitemaou Pita.” Xe se'i lexe, “Eni amitemaou Kalaisiti.”

Ta'aposeli 18:24

Ioxe, no voxo anene la Iuta vile anu so tuala ne Alekisanita mulai ne Epesusi. Anu ualasou lexe Apolosi. Apolosi ne anu lavulavu noxou mutiatila no anu Mosinge vaikalaou mo anu itema so vaikala laixe.

Ta'aposeli 19:1

Ioxe, no voxo ane Apolosi muxolu ne Kolini la Polu mupolo no vote'i ane mu'unalai no la'ola'olu. Mupolo ne xo xe ili'i la muxali avile ne Epesusi la muxalisi'a talopala se'i ne.

2 Kolini 12:20

Xo opoleli uuali lexe no voxo loxo ane'e noxingela, la masi amaisou ilixomengi ulovou masaxa noxilo uasi. Xe ngingi kalumo masi ngamaisou ilixoleli ulovou masaxa noxinge uasi. La loxo 'o io ane'e amaisou ili'ilixo aloxo 'o uxolu no taingengi. Ilixo so tamitema ipelesou anaxa'a xe iisuisu xe xalo u'ela no anu la'ia xe opone'i sixulai'a xe ipupui xe itunana xe itoxa'a xe ixalixu tu'umaxu vitavitanisi.