1 Kolini 4:5 - Ata New Testament

⁵ Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

1 Kolini 4:5 ပူးပေါင်းရင်းမြစ်များ

Matiu 10:26

Mo muvikala aloxo 'ola, “Mamu so nga'ume'a tamitema ane ilo­singe tu'umaxu. Xo mimi ma'ia tamitema isilavunu la anu ulama­nasi, xe mimi ma'ia italumeu la anu upala'asi.

Matiu 24:30

Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Matiu 24:46

Laso loxo tila ulivu uxali xe umaisou uokuvoi ena'ei e mutulusou ne a uxaxai axonesio la uxali laixe manina noxou.

Matiu 25:21

La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxine la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'

Matiu 25:23

La tilasou muvikalanu lexe, 'O nini uokuvoi laixe, xaixai e epilixinu noxine la nexalixu nene'axu. Epilixinu mi se kitua noxinge la nesaxila'u laixe laso atulusine so nasaxila'u mimi tavu'alo. Laso nane'e mo nengei ta'osasi.'

Luku 6:37

Ioxe, Iesua musolonu aloxo 'ola, “Ngingi ngatilovosi'a tamene­xinge so ngato'oto'ome'axu susu noxi'a uasi, xo loxo 'o io tilovo no anu susu noxinge uto'omenge u'isalili axone. Xe loxo evile ususunixinge la opongengi uiasou susu noxou xo susu noxinge so uiasi axone kalumo.

Tioni 21:22

La Iesua mulivuxu lexe, “Loxo no anu masaxa noxilo itema ne uxolu avile uxali no anu lailivu noxilo la anu mi na'a nini uasi. Loxo nini, la namulilelisi.”

Tioni 21:23

Laso maixene vaikala mulailai noxi'a tavivinge no anu lopala lexe tisaipeli anene usoli uasisi. Ia vaikala e lexe usoli uasi ne Iesua ulemolu uasi ane. Muvikalasi lexe, “Loxo no anu masaxa noxilo itema ne uxolu avile uxali no anu lailivu noxilo la anu mi na'a nini uasi.”

Tioni 5:44

Ngingi nga'osa so nga'itinu ualasinge ngato'omo, ia no anu vote'i e so Mosinge anu vilesisi molu u'itinu ualasinge la ngaxavu­talanu uasisi. Laso ngingi ngalo­pala axovae?

Lomu 14:4

Ane'i tavivinge ne, ane'i tamitemamengi so ngatilo­vosi'a uasi. Ane'i tamitemaou Tatananengesi ane. Anu mi noxousi lexe ane'i itulu pakia'a o ilapau. Ia ilapau avile uasi, xo anu molu utetelisi'a so itulu pakia'a ane.

Lomu 2:1

Ioxe, tamitema i'oxonu susu iouiou axone. Laso ngingi se'i masi ngato'ome'a no anu mo ngavikala lexe, “Iauo, ane'i susu noxi'a u'oki'oki to!” Ia ngalomu, ngingi vaikala so ngalemolu uasi. Loxo ngato'ome'a axone, la anene ngingi ngato'omengesi ane. Xo susu noxi'a ma'ia ngalemolu ne, ngingi nga'oxonu kalumo.

Lomu 2:16

Laso Mosinge musosovosou Iesua Kalaisiti so utongone'i tamitema no voxo ili'i loxo anu musosovosou. No voxo anene la tamitema imomomo so italumeu mi vile noxou uasi. Xo anu opo­nenge upala'a noxou avile. Laso loxo eni alanu vaikala laixe noxou Mosinge, la avikala lamana so voxo anene kalumo.

Lomu 2:29

E uasi manina. Mi anene uxali no anu ulenenge. Mosinge usosovosinge no anu Ulenu Laixe. Xe tamitema ivikalasinge axova, la anu so vasimenengesi. Ia loxo Ulenu Laixe usosovosinge, la Mosinge molu uvikalasinge laixe.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

1 Kolini 1:7

Ngingi ngasoti no anu mi vile laixe so Ulenu ulosinge uasi. Laso vaimomo 'o ngingi ngaxolu opongengi u'olo'olou voxo so Tatananenge Iesua Kalaisiti upala'a.

1 Kolini 11:16

Ia loxo se'i ixiliou pelototo ano'o la ilavu laixe lexe anenesi ilixo noxinge. Xe no anu pitapita noxou Mosinge mukalusi la ilixo noxi'a axone kalumo.

1 Kolini 11:26

Laso ane. Loxo ngaxolu nga'ou pileti mo ngaie no anu kapu so uaini axone, la anu loxo ngalanu vaikala lamana so soli noxou Tatananenge. La ngaxolu nga'oxo axone xo mo umomomo no anu lailivu noxou.

1 Kolini 15:23

Nenge noxou Kalaisiti tamau­lila axone ia no anu vote'isou u'isalili. Aloxo 'o. Kalaisiti mu'uli noxinge xo mutulu mukalu. Xe ili'i no voxo loxo anu une'e la nenge tamulinu axone so tatulu kalumo.

1 Kolini 3:13

Itulusou ia ili'i xaixai noxi'a vilevilesi upala'a no voxo loxo Tatananenge utilovo­sou. Utilo­vosou aloxo 'o. No voxo anene la anu uvaxanu navu no anu xaixai noxinge vilevilesi mukalusi so loxo navu u'ou aneva. Mo so no vote'i so navu ne la utilovosou lexe xaixai noxinge aneva manina o kalavoi.

1 Kolini 3:14

Xe loxo itema vile utulusou tani no tava'u olele xe xaixai u'ela uasi, la Tatananenge ulosou lakolisou laixe.

1 Kolini 3:8

Ioxe, no anu xaixai noxou anu ane so utapu'u xe anu ane so unixi'u lexasou la anu iou vilesisi. Vile noxi'a utila noxou vile uasi. Ia Mosinge molu ulosi'a lakolisou umomomo no anu xaixai noxi'a vilevilesi.

2 Kolini 10:18

Laso itema ane molu u'itinu, la loxo manina anu ualasou uasisi. Ia loxo Tata­nanenge u'itinu itema, la anu ualasou ane.

2 Kolini 10:9

Ia mamu so anu usaxi lexe eni amitema so amolo umengenge no anu lapalapasixeli.

2 Kolini 4:2

Xe nexi telalaxinu oponexi lexe ili'ilixo ane tamitema i'oxonu ka italumeu xo imailamulinu ne, nexi talai no anu uasisi. Laso muamua'inexe no anu kalavoi uasi xe taxiuxiunu laxu Mosinge vaikalaou uasi. Nexi talavusou talanu vaikala maninasi mo so anu upalasi no tane'i tamitema lexe xaixai na'a nexi ulapu no iou Mosingesi.

2 Kolini 5:10

Xo ili'i la Kalaisiti utalupexa xe nenge vilevilesi tatulu no iou so utilovosou ilixomenge te'oxonu loxo texoxolu no anu vasimenge 'osio. Utilovosinge no anu ilixomenge ma'ia laixe xe masua so ulosinge lakolisou u'isalilisi.

1 Tesalonaika 5:2

Xo ngingi menge ngelavu laixe lexe voxo noxou Tatananenge olele ukulu­kene'i tamitema a loxo itema so pakali ukulukene'i tamitema no olovoxo.

Ipilu 4:13

Xo mi vile ane uxoxolu umomomo so utalumexu Mosinge uasi. No iou ne mimi mukalusi upalasisi, uai no tani keakeasi. Mo anu molu utilovosou ili'ilixo aneva ta'oxonu.

Tiemisi 4:11

Ioxe tavivilo, ngato'omenge no anu vaikala ngato'o mamu. Xo loxo itema uvikala masuaou vimou no anu lopala o loxo utilovosou so ukamulinu susu vile noxou, la vaikalaou uto'omolu losi ane. Xe loxo nini vile na'oxo axone mo vaikalameni uto'omolu lo la nini naxolu no laxu lo so namulinula uasi. Nini ne'itineni a loxo tiasi so natilovosou lexe anu laixe o masua.

Tiemisi 5:7

Laso tavivilo, ngaxolu se'isisi so ngatavulenu tu'umaxu xo mo uxali avile no anu lailivuxu Tatana­nenge. Loxo ngelavu, itema loxo utounu xai la uxolu xo xe taimusou la'iua vile xe tameisou ukalui, la xai uleme. Uleme la mosou uxolu se'isisi mo uxomaiou lialia so uxalixu nene'axu lailaixe.

Tiemisi 5:9

Tavivilo, ngakalakalapu noxinge ngato'o mamu xo loxo 'o io Mosinge utilovosou ilixomengi kalumo lexe masua. Ngalomu, anu ane so utilovosou mi ma'ia ta'oxonu a unene'e mo a no aitenga sesi.

1 Pita 1:7

Mi axone uxali so utilovosou lopala noxinge. No anu lavo'o koli la ivaxanu no navu so ikilolou lexe manina axova, xo navu u'elaxu mosomoso no anu uxexesi. Ia koli anu mi so uxolu avile to uasi, lopala noxinge anu mi lailaixe muua'ulixu koli. La Mosinge utilovosou lopala noxinge axone kalumo mo so anu ane maninasou no anusi uxolu. Uxolu avile umomomo no anu voxo so Iesua Kalaisiti upala'a laso anu uvika­lasou lopala noxinge laixe mo u'itinu ualasingexu.

1 Pita 5:4

Loxo ngaxaxai axone la no voxo so Kisi'a tamitema so isaxila'a tasipisipi upala'a, la ngingi ngano'u palaisi ane lailaixe u'uli'uli mo umomomo so tasiauxu uasi.

2 Pita 3:12

Laso ngaxolu axone so ngauti­tiou voxosou Mosinge mo opo­ngengi u'oxoxu so lexe upaleasi. Laso ane, no voxo ne loxotolo u'elasi xe mimi mukalusi no anu ialuxu mole usiali loxo lexasi ka tasiauxusi.

2 Pita 3:4

I'oxo lexe, “Anu muvavalima lexe ulivu une'e, ne? Ioxe, laso muxali mo a uxolu ne'ei? Xo lasililixa'a tamaminge misoisoli mukalusi ia mi vile uxiu to uasi. Mimi uxolu iou vilesisi loxo mukoi tatei mo mune'e avile axone vaimomo 'osi.”

Iuti 1:14

Ioxe, musko'u noxou Atamu xe mulu'e muxali no anu lasilili 7-sou la itema e Inoki muxali no anu. La anu mulanu vaikala so pela'a si'a tamitema tamasua anene. Xo muvikala lexe, “Eni emaisou Tata­nanenge oli'a ta'angelo talaixe tauseni tavu'alo mine'e.

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.