1 Kolini 4:1 - Ata New Testament

¹ Ioxe, ngingi masi ngaxavuta­lanexi no anu vote'i aloxo 'o. Nexi tamitema so xaixai noxou Kalaisiti. Anu mupilixinu vaikalasou pileni noxou Mosinge ane mutalume tatei noxixe so tavu'ulinu.

1 Kolini 4:1 ပူးပေါင်းရင်းမြစ်များ

Matiu 13:11

La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.

Matiu 24:45

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a tatemanu tasou mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Maki 4:11

La anu muvikalane'i aloxo 'o, “Vaikala so voxo ane Mosinge molu u'uli laxune'i tamitemaou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia ane'i ane opone'i uxolu va'axu noxou la eni avikalane'i no anu latilovosi.

Luku 1:2

A'alo ne mino'u noxi'a tamitema ane me'a mixolu misaxi­sou mimi ne no ie'i no tava'u manina. Misaxisou xe mixali tamitema so ixaxaisou vaikala ne laso mia'aloxu mune'e noxixe 'o.

Luku 12:42

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Luku 8:10

La anu muvikalane'i aloxo 'o, “Vaikala so voxo ane Mosinge molu u'uli laxune'i tamitemaou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a leviani la eni avikalane'i no anu latilovosi. A'oxo axone so umulinu vaikalou polopeti mukaukavunu tatei lexe, 'Ane'i utotomu isaxisou mi vile laixe ia itongonu to uasi. Xe ane'i utotomu ilomusou kalumo ia ilamana no anu to uasi.”

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

1 Kolini 2:7

Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

1 Kolini 3:5

Xo ngaxavutala laixe. Apolosi ne ena'ei? Xe eni Polu ena'ei 'o? Nexi noxou tamitema so xaixai vitanisi. Xo voxo se'i loxo Tata­nanenge mulosilo vote'i la elanu vaikalaou noxinge. Xe voxo se'i la anu Apolosi axone kalumo. Noxou texaxai axone laso maixene ngingi ngelopala.

1 Kolini 4:13

Mo loxo ito'omexe no anu vaikala ialuxu la nexi takolinu no anu lelemesou. No ie'i tamitema no lialia 'o la nexi texali loxo mosomososi. Texali loxo lapipia ane isialonusi. Mi ne musoko'u tatei mo a uxoxolu vaimomo 'o.

1 Kolini 4:2

Xe Tatana­nenge mulopalanexi so tavu'ulinu vaikalaou axone laso anu mi mutiatila so ta'oxonu no anu masaxa noxou. Mamu so ta'oxo papanu.

2 Kolini 11:23

Xe i'oxo lexe ane'i tamitema so xaixai noxou Kalaisiti, ne? O eni so avikala loxo alongulongu avile toe. No anu xaixai noxou Kalaisiti la aua'ulixa'a avile. Xo no anu sasaieli xe no anu lalaxu so ekalavusu la aua'ulixa'a ane'i ne avile. Ane'i taxilili mi'otu'otuleli alaxu mulolutusi mo voxo tavu'alo elai alai no anu soli.

2 Kolini 12:6

Loxo a'itinu mimi lailaixe e'oxonu la vaikalaxeli ne vuluvulusi no anu uasi, xo mi ma'ia so alemolu ne la maninasi. Ia amasaxau lexe tamitema i'osasilo no anu vaika­laxeli so alemolu ilixoleli laixe ne uasi. Eni amasaxau lexe i'osasiloxu ilixoleli ane me'a imaisou no ie'i xe vaikalaxeli ane ilomusou no sangali'asi.

2 Kolini 4:5

La nexi 'o talavusou taa'aloxu ilixomexi uasi, nexi tavotovoto lexe Kalaisiti Iesua anu Tatananenge. Mo nexi tamolo tanexiu masaxa noxou Iesua so taxolu loxo tasilevi noxinge.

2 Kolini 6:4

Nexi tamitema so xaixai noxou Mosinge laso oponexi utulu lexe anu upalasi no ie'i tamitema lexe ilixomexi ulapusi. Xo loxo tu'utu'umaxu o navunavu o mimi so uvila'isixe uxali la tatulu pumunexesi.

Epesusi 1:9

Xo aloxo 'o. Tatei la anu umasaxa so u'oxonenge laixe. Mumasaxa axone laso anu mupa­lusou Kalaisiti mune'e noxinge. Anu mune'e laso masaxa laixe noxou singe ne a mupala'a ne.

Epesusi 6:19

Mo ngapilixileli noxou Mosinge kalumo so loxo alulusou vaikala laixe so Tatananenge e mutalume tatei, la upalasisi. Mo kalumo loxo alanu la a'ume uasi.

Kolosi 2:2

A'oxo axone mo so u'oxo pakia'u tangengi xe so sexala uteinoxu opongengi upita vilesisi. Eni amasaxau lexe ngapalava no anu lavulavu mo so mi vile u'oxonu opongengi uvaxa une'e uasi. Xe ngalavu manina no anu mi e Mosinge mutalumeu ka mupa­la'anixu 'o. Mi e anu Kalaisiti molu.

Kolosi 4:3

La ngapilixinexi noxou Mosinge kalumo mo so anu ukisinu vote'isixe la talanu vaikalasou Kalaisiti. Vaikala ne mutalume tatei la vaimomo 'o a mupala'a 'o. Ia leviani ixililiou laso maixene akalavususou 'o.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

1 Timoti 3:6

Loxo itema ane alavuaxu no anu lopala la utulu itema so saxila'u palea uasi. Xo masi u'itinu no anu la Mosinge ukusaou no anu xaixai noxou aloxo mukusaou Uluaou.

1 Timoti 3:9

Xe anu ukasou pakia'u vaikala mu'asi'asi so lopala na'a nenge mo tanu uai laixe lexe utetelisou susu vile no oponu uasi.

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

1 Pita 4:10

Mosinge mu'o­xonu laixe so mu'itimengi ngingi vilevilesi lavulavu no anu xaixai iouiou. Ngingi ngexalisou nene'axu iaiama noxou e ngiou­ngiou no anu misevile axone laso ngalaxa'inu laixe mo ngaxaxaisou so ngasu'ulingengi ngato'o.