1 Kolini 2:7 - Ata New Testament

⁷ Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

1 Kolini 2:7 ပူးပေါင်းရင်းမြစ်များ

Matiu 11:25

Ioxe, no voxo ne la Iesua muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepa­la'anixu noxi'a tamitema pelesi'a a loxo takeakeasi 'o.

Matiu 13:35

Laso anene muxalixu nene'axu vaika­laou polo­peti vile mulemolu tatei aloxo 'o, “Eni alanu vaika­laxeli no anu latilovosi. Mimi iouiou e mutalume tatei musoko'u no tava'u lialia xo mo muxali vaimomo 'o, ne eni alemolusi.”

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.

Lomu 8:29

Xo Mosinge mulavusinge tateimo. Mulavusinge laso musosovosinge so uxiuxiu­nenge so taxali loxo Olu. Mo so axone la Laposalanenge e Kalaisiti u'uli laxunenge nenge Mosinge ta'olu tapiena.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

1 Kolini 2:1

Ioxe tavivilo, mala'o loxo ene'e noxinge la elanu Mosinge vaika­laou. Elanu la avikala tila o alexa vitanisi loxo takeleva uasi.

Epesusi 1:4

Xo no voxo loxo Mosinge ukoinu mimi no lialia uao, la anu musosovosinge noxou Kalaisiti mukalu. Musosovosinge lexe nenge taxolu tamalemalenga mo talapusi no iou.

Epesusi 3:10

Xe pita noxou Tatananenge muxali laso no anu vote'i anene la anu lavulavu noxou Mosinge upala'a avile. Mo so tatiatila noxi'a ta'angelo xe tami so xavi laixe no tualasou Mosinge ikuluke mo ivikala lexe, “Ai ngamaisou, lavulavu noxou Mosinge misevile.”

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Ipilu 1:2

Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Ipilu 11:3

Mo xo no anu lopalasi laso talamana lexe lialia ilou loxotolo muxali no anu vaikalaou Mosingesi. Mo talavu lexe mimi ane tasaxisou no pa'upa'umenge la muxali no anu ane tasaxisou no ienge uasi.

1 Pita 1:11

Xo Ulenu Kalaisiti muxolu nonano noxi'a so mupala'anixu mimi e so uxalisou Kalaisiti ili'i. No anu anaxa'a la mulemolu tu'utu'umaxu ane Kalaisiti mutavulenu xe mupala'anixu lexe ili'i la utavu­lenu uala u'uli'uli. Tapolopeti milemolu vaikala anene kaio mitatali'i lexe “O, anu itema ena'ei ne, mo uxali no voxo aneva?”

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

2 Pita 1:3

No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

Mupala'a 13:8

La tatemanu lialia i'itinu ualasou mi vova ne. Ane'i e i'itinu ne, ane'i ualasi'a uxolu no anu lavuku so mauli noxou Sipisipi Ilie uasi. Anu ane mivau mo musoli tatei. Ualauala e no anu lavuku so mauli ne Mosinge mukaukavunu mi ne ukoinu lialia uao.