1 Kolini 2:6 - Ata New Testament

⁶ Manina, ia loxo taxolu no taine'i tamitema ane pakia'a no anu lopala la nexi talanu vaikala so lavulavu. Xo lavulavu anene mi so lialia 'o uasi. Mo anu loxo lavulavu noxi'a tatiatila so lialia uasi, xo ane'i ne tamitema e so imamulo.

1 Kolini 2:6 ပူးပေါင်းရင်းမြစ်များ

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Matiu 19:21

La Iesua mukolinu lexe, “Loxo namasaxau lexe ilixomeni uxali laixe loloni la na'oxo aloxo 'o. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Matiu 5:48

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Luku 16:8

Ioxe, ili'i loxo tilasou mulavusou ilixo mukilikalu noxou vosivoiou e mu'oxonu ne la muvikalasou laixe aloxo 'o, 'Ai itema ne lavulavuou kena.'” Xe Iesua musolonu lexe, “Laso avikala­ngengi aloxo 'o. Tamitema so lialia 'o ne lavulavui'a no anu vote'i so ipamuxanu xoluxoluxa'a ulavusou uua'ulixu lavulavu noxi'a tami­tema so lamana.

1 Kolini 1:28

Xe musosovosi'a ane'i ane tamitema i'oxo lexe tami vitanisi o tamosomososi. Usosovosi'a ane'i ino'u uala uasi axone so umaxa'u lexe ualauala tatila ne anu mi vitanisi kalumo.

1 Kolini 12:8

Xo aloxo 'o. Se'i so ilanu vaikala so lavulavu ane u'asi'asi xe se'i so ipala'anixu laxu vaikala ne. Ia lavulavu ne molu noxou Ulenu Laixesi.

1 Kolini 14:20

Tavivilo, xavutalamengi loxo tamolomolo uasi xo ane'i itilovo laixe uasi. Ngaxolu loxo tamitema ane tane'i mukalu. Ia no anu ngiou no anu sususi, la laixe so xoluxo­lungenge loxo takeakeasi. Xo noxi'a la opone'i ututulu no anu susu mo so ukasi'a uasi.

1 Kolini 2:1

Ioxe tavivilo, mala'o loxo ene'e noxinge la elanu Mosinge vaika­laou. Elanu la avikala tila o alexa vitanisi loxo takeleva uasi.

1 Kolini 2:13

Mulo­singe mimi anene xe loxo nexi tapela'ingexu la talemolu no anu lavulavu noxinge tamitema uasi. Ulenu Laixe molu upalasinoxu no anu xavutalamexi laso loxo talemolu la u'isalili no anu vaika­laousi.

1 Kolini 2:8

Laso maixene lavu­lavu mu'asi'asi ne tatiatila so lialia 'o ilavusou uasi. Xo loxo ilavusou la ane'i ivau Tatananenge so Iaxu no anu ovu valautu uasi.

1 Kolini 3:1

Ioxe tavivilo, tatei eni vote'i uasi so apilixinu vaikala noxinge loxo a'oxonu noxi'a tamitema ane Ulenusi upamuxane'i. Eni evikala­ngengi a loxo tamitema ane vasime'asi upamuxane'i. Ngingi tanoxou Kalaisiti ia no anu xolu­xolu la ngingi loxo takeakeasio.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

2 Kolini 4:3

Ia loxo laxu vaikala laixe talanu ne utalumexa'a se'i, la anu utalumexa'a ane'i ane so imamulosi.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

Epesusi 2:2

Mo no voxo anene la opongengi mututuluou ili'ilixo masumasua so lialia 'osi. La ngemulinu masaxa noxou tatila noxi'a tami so xavi masua ane ixixao teitexi no latanu lialia. Tatila noxi'a ne, anu angelo masua ane uxaxai no opone'i tamitema so xilili.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

Ipilu 5:14

Ia loxo la'ilali pakia'u ne la anu si'a tamitema tane'i mukalu. Ane'i ilavusou vote'i so itilovosou mi ane laixe xe mi ane masua xo itovoto­vonu utotomu. Anu loxo ipilekitisi no anu.

Ipilu 6:1

Ioxe, laso votovoto tavatava'u so Itema Mosinge musosovosou la ta'oso'oso no anusi uasi. Tasu'anu talanengeou mo xavinenge so tasukusuku talai no anu mimi ane so u'oxonu lopala noxinge uleme. Xo tei la telamana mo tepilixinu xaixai ane mauli no anu uasi mo so telopala noxou Mosingesi. Anene tava'u lopala na'a nenge ia mamu so talivulivuou utotomu.

Tiemisi 3:15

Lavulavu ane xo ne anu lavulavu mu'asi'asi e ululu'e no tualasou Mosinge uasi. Anu mi so lialia xe anu mi so tava'u susu no vasimenge xe anu mi noxou Uluaoumo.

Tiemisi 3:2

No anu mi ma'ia ta'oxonu la nenge latala talavusou tapolo va'axu no anu ngioungiou mose'i. Ia loxo itema vile upolo va'axu sevile uasi no anu mi ma'ia ula no anaxu, la anu upalasi lexe xoluxoluxu ulomo­telesi. Xo loxo ulavusou vote'i so u'apixu vaikalaou no anu susu, la vasimolu pa'upa'usou mukalusi ne anu umomomo so upamuxanusi ane.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.