1 Kolini 15:3 - Ata New Testament

³ Ioxe, vaikala mutiatila manina ne mose'i mia'aloxeli tei mukalu laso eni epilixinu noxinge. Vaikala ne aloxo 'o. Kalasiti musoli so muka­lusou tina'unenge so susu aloxo Mosinge vaikalaou ulemolu.

1 Kolini 15:3 ပူးပေါင်းရင်းမြစ်များ

Matiu 26:24

Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'uma­xusou ane, laixe loxo nenu ivo'onu uasi.”

Matiu 26:28

Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo.

Luku 24:25

Ioxe, la Iesua muvikalane'i ilou lexe, “Ai, ngingi tamitema so ngano'u lavulavu palea uasi. Ngavovoxo misevile so ngalo­palanu vaikalai'a tapolopeti muka­lusi.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Ta'aposeli 17:2

Poluena mixali la anu mumulinu ilixo aloxo mu'oxonu no tuatuala. Anu mu'unalai no tasou lavuloto no anu Voxo so Ma'ila. Xe viki vilela, no anu Voxo so Ma'ila, la anu mu'una'unalai. Mu'oxo axone alaxu tatalu. Mo anu oli'a tamitema ne mivivikala, la anu mupala­palasinoxu laxulaxu Mosinge vaikalaou noxi'a.

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Ta'aposeli 8:32

Itema tila ne a u'itisou vaikala vile ane uxolu no anu lavukuou Mosinge aloxo 'o. “Anu mu'italonu mumuline'i loxo tasipisipi i'oxo loxo tamitema so ive'a. Xe anu mutomunu anaxu mo muxolu tasiau loxo tasipisipi ta'ili'a i'oxonu no voxo loxo tamitema ixotosou laxusi'a.

Lomu 3:25

Xo Mosinge musosovosou Iesua so usoli. Usoli no taninenge mo so Mosinge oponu ulu'e noxi'a ane'i ta'ei ilopala no anu sialuxusi. Ioxe, Mosinge mu'oxonu laixe noxi'a ane'i tatei xo ukolinu susu noxi'a avile uasi. Laso axova, anu iou si'isou mane? E uasi, a mukolinu noxou Iesua. Laso axone la tamaisou lexe ilixo noxou Mosinge ulapusi, xo susu ma'ia ne, la ukolinusi.

Lomu 4:25

Xo mi anenesi, laso Mosinge mupilixinu Iesua no anu soli, so ulotonu susu noxinge. Xe mutu­lusou no anu soli so umoxo'inge tamalemalenga no iou.

1 Kolini 11:2

La eni a'osasinge manina xo ngatetelisou vaika­laxeli mo mi ma'ia epilixinu noxinge la ngala­vusou ngamulaxu no anu xavutala­mengi.

1 Kolini 11:23

Ioxe, vaikala ane eno'u noxou Tatananenge a elemolu noxinge mukalu. Aloxo 'o. No olovoxo e Iutasi mupilixinu Tatananenge Iesua no avo'a ta'uluaou la tei oli'a tatisaipeli mixolu mi'ani. Mixolu mi'ani la anu muno'u pileti vile.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Xalesia 1:12

Eni ano'u noxou itema vile uasi mo tamitema ipela'iloxu uasi. Anu Iesua Kalaisiti molu mupala'anixu vaikala laixe ne noxilo.

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Epesusi 5:2

Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

Ipilu 5:1

Ioxe, vote'isou itema uxali pilisiti tatatila aloxo 'o. Mosinge uilounu no taine'i tamenexu ukalu laso utulusou. La xaixai noxou ne so usosovosi'a tamitema no anu mi ma'ia i'oxonu so ulai noxou Mosinge. A loxo tamitema ipilixinu mimi se'i so lexe ulai noxou Mosinge o ine'ene'i tamisoposi mo so pilisiti uvau so usu'asou susu noxi'a.

Ipilu 5:3

Anu kalumo itema pelesiousi axone laso uve'a tami­soposi so susu noxi'a tamitemasi uasi. Anu u'oxonu so susu noxoumo kalumo.

1 Pita 1:11

Xo Ulenu Kalaisiti muxolu nonano noxi'a so mupala'anixu mimi e so uxalisou Kalaisiti ili'i. No anu anaxa'a la mulemolu tu'utu'umaxu ane Kalaisiti mutavulenu xe mupala'anixu lexe ili'i la utavu­lenu uala u'uli'uli. Tapolopeti milemolu vaikala anene kaio mitatali'i lexe “O, anu itema ena'ei ne, mo uxali no voxo aneva?”

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

1 Tioni 2:2

Xo anusi a vote'isou tina'unenge so susu mukalu. Ia anu vote'isingesi uasi, anu vote'isi'a tatemanu lialia mukalusi so tina'uxa'a so susu ukalu.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.