1 Kolini 13:4 - Ata New Testament

⁴ Ia loxo itema usexelaxa'a tami­tema la u'oxonu aloxo 'o. Oponu lexa noxi'asi mo oponu ututulu so umamatolane'i mo loxo ixalisou mi ma'ia laixe la anu uisuxa'a no anu uasi. Xe anu umomomo so u'itinu ualasou uasi mo utoxu uasi.

1 Kolini 13:4 ပူးပေါင်းရင်းမြစ်များ

Matiu 27:18

Pailaiti muvikala axone xo anu mulavu lexe mi'italonu Iesua no avolu axone xo mi'isuxusi.

Ta'aposeli 7:9

Ane'i ta'ilusunenge mi'isuxu vimo'a Iosepu xo mimaisou lexe mami'a musexelaxu misevile. Mi'isuxu laso ane'i mi'italonu no avo'a tamitema so lailoto se'i. Tamitema ne milaixu ne Isipi la itema vile mulotonu so anu muxali sileviou. Ia Mosinge muxolu noxou Iosepu.

Lomu 1:29

Ili'ilixo masua iouiou ne aloxo 'o. Ane'i iisuisu xe ive'ave'a tami­tema isoisoli xe i'oto'oto xe ixalixu tu'utu'umaxu xe ikalavoi xe ito'o­to'ome'a no anu vaikala xe imunu­munxa'a ngato'o.

Lomu 13:13

Ngingi masi ngamuamua'i ulovo loxo tamitema ane imua­mua'i no anu lamanasi, ngapakisi loxo ane'i so isivoxo uasi. Loxo ngaxolaxola mo ngasipaki uasi. Xe ngingi nga'oxonu vasimenge vuluvulusi mo ilixo nuni'u uasi. Xe nga'avutinoxu tu'umaxu mo ngaisu'isu uasi.

1 Kolini 3:3

Xo aloxo 'o. No anu xoluxolungenge la ngingi vasime­ngesi upamuxangengisio. Xo isu'isu ilou tu'utu'umaxu a uxolu no taingengi to ne, laso talavu lexe ma'ia upamuxangengi ne? Anu vasimengesi ane. Xe no anu muamua'ingenge ne la loxo tamitema so lialia 'osi.

1 Kolini 4:18

Ane'i mose'i no taingengi i'oxo pai. Masi i'oxo lexe ane'e noxinge uasi.

1 Kolini 4:6

Ioxe tavivilo. Eni etovola'i sevile noxixe noxou Apolosi aloxo ne so apela'inge. Xo ngingi ne ngakali­totongengi mo nga'itingengi noxixe aloxo 'o. Se'i i'oxo lexe ane'i tanoxilo xe se'i lexe tanoxou. Mukalu la ngaxililiengi ngato'o. Eni amasaxau lexe ngingi ngalo­muxu Mosinge vaikalaou mule­molu lexe ilixo anene laixe uasi.

1 Kolini 5:2

Mo axova so ngingi nga'i­tingengi lexe ngingi tamitema talaixe ne? Anu laixe loxo opongengi tu'umaxuou mo ngatatamasou mi ne. Mo kalumo, la ngakusaou itema e mu'oxonu ilixo ne so uxolu no taingengi uasi.

1 Kolini 8:1

Eni vaikala sevile no anu mi e so misoposi ane tamitema milosou lexe noxou momosi'a kalavoi. Ioxe, loxo ngingi ngalemolu, nenge mukalusi lavulavu. Ia loxo lavulavu vitanisi, la tamitema me'a i'itine'i no anu. Ia loxo lavulavu noxinge uila ilou sexela la nenge tane­ngexa'a tamenexinge so tavalaxa'a.

2 Kolini 12:20

Xo opoleli uuali lexe no voxo loxo ane'e noxingela, la masi amaisou ilixomengi ulovou masaxa noxilo uasi. Xe ngingi kalumo masi ngamaisou ilixoleli ulovou masaxa noxinge uasi. La loxo 'o io ane'e amaisou ili'ilixo aloxo 'o uxolu no taingengi. Ilixo so tamitema ipelesou anaxa'a xe iisuisu xe xalo u'ela no anu la'ia xe opone'i sixulai'a xe ipupui xe itunana xe itoxa'a xe ixalixu tu'umaxu vitavitanisi.

2 Kolini 6:6

Xe ilixomexi la no anu malemalenga mo lavulavusi. Mo tapalea so la'ianexe uasi, ta'oxonu alauna noxi'a tamitemasi. Ulenu Laixesi upamu­xanexi laso tasexelaxa'a no oponexi manina, takalavoi no anu uasi.

Xalesia 5:26

La nenge ta'itinenge mo takusukusu'inge mo taisuisunenge ngato'o mamu.

Epesusi 4:2

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

Epesusi 4:32

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

Pilipai 1:15

Xo manina, se'i iisuxo mo opone'i tu'umaxuilo so ivotovo­tosou Kalaisiti. Ia leviani la masaxa no opone'i mulovo laixesi so ilanu vaikala ne.

Kolosi 1:11

Mo talinga kalumo lexe no anu xavi noxou lailaixe muto­xoxa'a la u'oxonu pakia'inge so loxo mi ma'ia uxali la ngatulu pumungenge mo opongengi uai se'isisi no anu. Xe nga'osa'osa so ngavikala laixe noxou Maminge. Xo anu molu muxalixinge laixe umomomo so ngaxalisou lavile­lusou mimiou. Mimiou ne musovosou lexe noxinge tamite­maou mu'isalili ane so taxolu no anu lamanaxusi.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

1 Tesalonaika 5:14

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

1 Timoti 6:4

Tamitema ane xo ne ane'i itoxa'a mo xavutalai'a ulamana no anu mi vile uasi. Opone'i ututulu no anu talitali'i mo vaikala kitukitu, ia so ino'u lavulavu no anu uasi. Ilemolemolu xo i'osasou tu'umaxu mo oto no anu vaikalasi. I'oxo axone laso anu uxalixu isuisu mo la'ia mo vaikala masumasua mo xavutala masuai'a no opone'i ngato'o.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

2 Timoti 3:10

Ia nini la nemulileli no anu vote'isou epela'axu Mosinge vaikalaou noxi'a tamitema xe no anu ili'ilixoleli xe no anu mi ane taleli u'oxoxu so a'oxonu. Mo neutitiieli no anu lopala ilou sexela noxilo xe no anu vote'i so opoleli pakia'uou xaixai mo loxo tu'umaxu uxali la atavulenusi.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

Taitusi 3:3

Xo nenge tei la texolu texovulaulau mo talomuxu Mosinge vaikalaou uasi. Texovulaulau xo Uluaou mu'oxo lolonenge mo masamasaxa no anu vasimenge mu'avutinoxu osa vita­nisi no oponenge. Texolu opo­nenge sixula mo teisuisu mo tematapianenge ngato'o.

Tiemisi 4:5

Xo lavukuou Mosinge uvikala aloxo 'o, “Mosinge oponu pakia'u manina lexe ulenenge vilevilesi ane mumulaxu nonano noxinge la ulolomu noxousi, uiaveiaveou mimi se'ila uasi.” Ia axova, nge'oxo lexe vaikala ne mi vitanisi?

1 Pita 2:1

Ioxe, laso mi ma'ia mukilikalu xe kalakalavoi xe ilixo so ngalemolu mi vile ia ngamulinu uasi xe isuisu xe vote'i so ngato'ome'a tame­nexinge no tumali'a, anene muka­lusi ngaxe­xenu uta'olu va'axusi.

1 Pita 3:8

Ioxe, telexu vaikalaxeli aloxo 'o. Ngingi mukalusi ngaxolu opo­ngengi vilesisi mo tangengingenge xe ngasexelangenge ngato'o xo ngingi tavivinge no anu lopalasi ane. Xe nga'oxonu alaunasi'a tamitema mukalusi mo ngalu'e­ngengi noxinge ngato'o.

1 Pita 4:8

Xe mi ane mutiatila, a so xavingengi no anu sexelasinge ngato'o. Xo loxo tamitema isusunixinge ulolutu ia ngasexelaxa'asi, la anu umomomo so usu'asou mi ma'ia mi'oxonu mole usolixu avile.

2 Pita 1:7

Xe ngapitanu no anu ano'ola. Nga'oxonu alau­nasi'a tavivinge talopala mo ngasexelangenge ngato'osi.

1 Tioni 4:11

Ioxe tamaula, Mosinge musexe­lanenge axone laso nenge tase­xelanenge ngato'o.