1 Kolini 1:9 - Ata New Testament

⁹ Xo talavu lexe Mosinge uxiunu oponu uasi. Mo mi ne noxoumo, xo anu molu mu'avalinge so ta'una no anu xoluxolu noxou Olu Iesua Kalaisiti anu Tatananenge.

1 Kolini 1:9 ပူးပေါင်းရင်းမြစ်များ

Matiu 24:35

Mo ili'i la loxotolo ilou lialia tasiauxu ia vaikalaxelisi umomomo so tasiau­xu uasi.”

Tioni 17:21

Linga noxilo aloxo 'o. Amasaxau lexe tamitema ano'o mukalusi ipita vilesisi aloxo nini Mamilo naxolu vilesisi noxilo mo eni axolu vilesisi noxine. Xo axone la ane'i ipita vilesisi noxinge nengei mo so tatemanu lialia ilopala lexe nini mene nepalusilo ene'e 'o.

Lomu 11:17

Ovu ne anu ovu olivi ane evile usaxila'u. Usaxila'u xe umaisou lexe avo'avolu se'i uxa­loxalo la uxotosou uxexe. Uxoto­sou uxexe la uno'u ovu olivi samele avolu. Uno'u ukalu la utoxosou no tanixu ane muxotosou muxexe. Utoxosou ne la anu uxolu mo tava'u ovu ne ulosou leme laixe.

Lomu 8:28

Ioxe, Mosinge molu mu'ava­linge so taxali ta'olu no anu masaxa noxousi laso nenge tase­xelaxu. La talavu aloxo 'o. Mi ma'ia uxalisinge la Mosinge uxa­lixu nene'axu laixe no anu xoluxolu noxinge.

Lomu 8:30

Xe nenge ane musosovosinge tatei ne mu'ava­linge kalumo. Mu'avalinge mo mumoxo'inge lexe nenge tamale­malenga no iou. Mumo­xo'inge axone laso ili'i la nenge talailai noxou mo xoluxolu noxinge iaxusi no tualasou.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

1 Kolini 1:30

Xo Mosinge molu mumulangenge noxou Kalaisiti Iesua. Mo anu anusisi vote'isinge so texalisou lavulavusou Mosinge ane u'asi'asi. Mo noxou Kalaisitisi Mosinge muxalinenge tamalema­lenga mo ukalipalanenge lexe nenge tanoxou mu'isalili. Xo no anu xaixai noxou Kalaisitisi la anu mulotonenge mo mu'ume­nenge no anu mi e mukalavusunenge tei.

1 Kolini 10:13

Tovotovo ma'ia uxalisine la ninisisi uasi, anu uxalisi'a tami­tema latala ane. Ia Mosinge uxiunu oponu noxinge nenge ta'olu uasi. Anu tanunexene mo anu umo­momo so upilixineni so tototovo vile uua'ulixene uasi. Loxo tovotovo aneva uxalisine la anu molu u'oxonu vote'isine so nama­xalexu. Anu molu ulosine xavi mo so tovotovoto ne upalusine no anu susu uasi.

1 Kolini 10:16

Loxo nenge tasoso­vosou Kalaisiti sialuxu no anu lexa la tavikalasou laixe noxou Mosinge tei. Ukalu xe taiexu la nenge oponenge vilesisi mo nenge vilesisi no anu sialuxu Kalaisiti. Mo axone kalumo no anu pileti. Loxo tase'i­nenge mo ta'ou la anu upitanenge vilesisi xo nenge vilesisi no anu vasimolu Kalaisiti.

2 Kolini 1:18

Noxou Mosinge la uxalixu nene'axu vaikalaou mukalusi. La anu axonesi noxilo, xo mi ma'ia alemolu la vaikala lexe ani xe uasi ukei no anu uasisi.

Xalesia 1:15

Ia loxo atie ivo'oleli uao la Mosinge musosovosilo mukalu. Mo no anu iaiama noxousi la mu'avalilo xo exolu xo xe no voxo loxo Mosinge musosovosou laso ane.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

2 Tesalonaika 2:14

Xo anu umasaxainge lexe ngingi ngaxali mo ngaxolu no anu iaxu Tatananenge Iesua Kalaisiti. Laso maixene anu mu'avalinge no anu vaikala laixe ane ngelomusou noxixe.

2 Tesalonaika 3:3

Ia ilixou Tatananenge aloxo 'o. Loxo talopalanu la ulapau vitanisi uasi. Laso anu molu u'oxonu pakia'inge mo uutululungengi noxou Uluaou.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

2 Timoti 2:13

Ia loxo nenge tavavalima lexe tamulinu xe ili'i oponenge usasalo, la anu oponu uxiu uasi. Anu uxalixu nene'axu vavalima noxou xo anu umomomo so uxiunu oponuou vaikalaou uasisi.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Ipilu 10:23

Xe mi ane nenge tapala'anixu lexe talopalanu taxomaiou la tasasalo no anu uasi, takamakulunu pakia'u. Ia xo ma'i, xo anu ane muvavalimasou la utotomu uxalixu nene'axu vaikalaou ane.

Ipilu 11:11

Xo no anu lopalasi laso Sala miua'ulixu voxo so ipala ia milo­pala noxou Mosinge lexe uxalixu nene'axu vavalima noxou. Milo­pala laso maixene mune'e la anu mu'oxo vote'i so mivo'onu ilie.

Ipilu 2:17

Laso no anu su'ulisi'a tavimovimou ne la vote'i vilesisi, anu uxali u'isalili aloxo ane'i nesi. Mo so axone la anu muxali pilisiti tatila ane tanuxa'a mo muxalixu nene'axu xaixai e Mosinge mupilixinu noxou. Xaixai anene so ulotonu tina'u so susu noxi'a tamitema.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

Ipilu 6:18

Laso ane. Telavu lexe anu umomomo so ukalavoi uasi xo no anu mi tamei pumuxu manina ane telavusou lexe uxiu uasi. Mi e vavalima noxou xe ualasou e musakinu no anu. Xo nenge te'ume telai so taxolu tatalume noxou. Laso oponenge utulu pakia'u mo tateteli no anu mi ane talopalanu taxomaiou so taxalisou ili'i.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

1 Tioni 4:13

Vote'i axova so talavu lexe Mosinge uxolu utalupexa avile nonano noxinge xe nenge taxolu tatalupexa nonano noxou? A xo anu molu mulosinge Ulenu so uxolu noxinge 'o.

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.