1 Kolini 1:7 - Ata New Testament

⁷ Ngingi ngasoti no anu mi vile laixe so Ulenu ulosinge uasi. Laso vaimomo 'o ngingi ngaxolu opongengi u'olo'olou voxo so Tatananenge Iesua Kalaisiti upala'a.

1 Kolini 1:7 ပူးပေါင်းရင်းမြစ်များ

Matiu 25:1

Ioxe, Iesua musolonu vaikalaou lexe, “No anu voxo olele so Mosinge molu u'uli laxune'i tami­temaou no tualasou la latilovosou aloxo 'o. Tavuanga 10 milai no vote'i so ialaxu itema vile mutaula'i alavua. La mino'u lalamo xo masi olovoxoie'i.

Luku 12:36

Ngaxolu aloxo tauokuvoi ixolu iloxu tilasi'a so ulivu une'e no anu lavilelu so taula'i. Ixolu ilo laixe mo so loxo uxali xe upolopolo no aitenga la alaxu vilesisi ikisinu noxousi.

Luku 17:30

Laso ane, anu uxali iou vilesisi no voxo loxo Itema ane molu noxou Mosinge upala'a.

Lomu 8:19

Mo aloxo 'o. Mimi ane Mosinge mukokoinu ne loxo uxoxomaiou mo utatamasou voxo anene kalumo. Uxoxomaiou voxo ane Mosinge musosovosou so xoluxolu laixe noxi'a ta'olu upala'a.

Lomu 8:23

La mimi anenesi utavulenu navunavu uasi. Nenge kalumo taiele no oponenge xo taxomaiou mo talopalanu voxo ane Mosinge upala'anixu xoluxolu laixe noxinge ta'olu. Xe no voxo anene la Mosinge uxiunu vasimenge ta'olu uxali alavua mukalusi. Nenge talavu lexe mi ne uxali xo pa'usou tei no anu a muxali mukalu, ane Ulenu Laixe.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

2 Kolini 12:13

Xe no anu mimi ma'ia laixe e'oxonu no anu pitapita mukalusi la anu iou vilesisi axone noxingesi. E uasi, no anu mi vile alosinge uasi. Ane so alosinge tu'umaxu so ngasaxila'ilo no anu mimi so vasimelo uasi. O sole manina, masi ngalu'enu opo­ngengi no anu susu noxilo ne.

Xalesia 5:5

Ia nexi 'o tano'u xavi noxou Ulenu Laixe so talopalanu Mosingesi. Laso nexi taxolu se'isisi so talopalanu taxomaiou voxo so xoluxolunexe malemalenga upalasi avile.

Pilipai 3:20

Ia loxo nenge 'o, la nunisinge a tualasou Mosingesi. Laso anu ane molu ne une'e so upamaulinenge la oponenge ulei so taxomaiou. Anu e Tatananenge Iesua Kalaisiti.

Kolosi 3:4

La mauli noxinge maninasou a noxou Kalaisitisi. Laso no voxo so upala'a avile la ngingi kalumo, xo ngingi ngoli'a Kalaisiti ngapala'a no anu xolu­xoluxu iaxu.

1 Tesalonaika 1:10

Mo ngaxolu ngaxomaiou lailivu noxou Olu. Olu Iesua e musoli ka Mosinge mutulusou mupamaulinu mo a uxoxolu no tualasou. Ngaxo­maiou lailivu noxou xo anu so u'umenenge no anu la'ia noxou Mosinge e upala'a ili'io.

2 Tesalonaika 1:7

Xe ngingi ane ngatavulenu navunavu vaimomo 'o la anu uxexenu so papaxesinge nenge'a. Mi anene uxali no voxo loxo Tatananenge Iesua oli'a ta'angelou xavine'i ilu'e no tualasou so ipala'a no anu navu lamixu.

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Ipilu 9:28

Ioxe, noxou Kalaisiti la anu axone kalumo xo mupilixinu mauli noxou alaxu vilesisi so utavulenu susu noxi'a tamitema latala. Xe ili'i la anu upala'a alaxu tameisoula, ia so uxexenu susula uasi. Une'e so uno'a ane'i ane opone'i ututuluou lailivuxu.

1 Pita 1:13

Laso ngaxolu xavutalamengi ulalaxi aloxo itema ulalaxi so umuamua'i, xe ngalaxa'inu opo­ngengi laixe so uxovulaulau uasi. La ngatulu pumungenge avile so ngalopalanu ngaxomaiou iaiama ane ngaxalisou no voxo loxo Iesua Kalaisiti upala'a.

1 Pita 4:13

Ngingi a nge'una no anu navunavu e Kalaisiti mutavulenu laso loxo navunavu ne utila la osa noxinge kalumo utilasi. Mo so no voxosou Kalaisiti upala'a no iaxu avile la osa'ila noxinge ulolutusi.

1 Pita 5:4

Loxo ngaxaxai axone la no voxo so Kisi'a tamitema so isaxila'a tasipisipi upala'a, la ngingi ngano'u palaisi ane lailaixe u'uli'uli mo umomomo so tasiauxu uasi.

2 Pita 3:12

Laso ngaxolu axone so ngauti­tiou voxosou Mosinge mo opo­ngengi u'oxoxu so lexe upaleasi. Laso ane, no voxo ne loxotolo u'elasi xe mimi mukalusi no anu ialuxu mole usiali loxo lexasi ka tasiauxusi.

1 Tioni 3:2

Ani tamaula, nenge'a taxolu Mosinge ta'olu vaimomo 'o ia loxo no anu xoluxo­lunenge ili'i la upalasi uao. Ia mi 'o telavusou, no voxo loxo Kalaisiti upala'a la nenge taxali loxo anu, xo nenge tasaxisou no anu xoluxoluxu manina.

Iuti 1:21

Xe ngatulu pumungenge no anu sexela noxou Mosinge so ngaxomaiou voxo so Tatananenge Iesua Kalaisiti u'alaunasinge no anu mauli kaluxu uasi.