Salmow 31:20 - An Sowter 1997 2023

²⁰ Yn goskes dha fas ty a's kudh rag towlow den : ty a's kudh yn skovva, pell dhiworth strif tavosow.

An Bibel Kernewek 20234 (Kernewek Kemmyn)

²⁰ Yn goskes dha fas ty a's kudh rag towlow den; ty a's kudh yn skovva, pell dhiworth strif tavosow.

Salmow 31:20 ပူးပေါင်းရင်းမြစ်များ

Salmow 27:5

Rag ev a'm kel yn y skovva yn dydh anken : yn goskes y dylda ev a'm kudh, ev a'm gorra war-vann war garrek.

Salmow 32:7

Rakhemma y hwra pubonan yw glan pysi warnas jy, yn prys may hyllir dha gavoes : devri yn liv an dowrow meur, ny dhons ogas dhodho.

Salmow 140:5

An re woethus re gudhas maglenn er ow fynn, ha gans kerdyn ystynn roes : i re worras antylli ragov ryb an fordh.

Salmow 140:3

I re lymmas aga thaves avel sarf : yma venim nadres yn-dann aga diwweus.

Salmow 40:4

Gwynnvys an gour re worras y fydhyans y'n Arloedh : ha na wra vri a'n re woethus na'n re a dreyl dhe falsuri.

Salmow 10:2

An tebelwas yn y woeth a helgh an boghosek : bedhens i kechys gans an towlow a wrussons.

Salmow 36:11

Na dhes troes an den goethus er ow fynn : na'm herdhyes vy dhe-ves leuv an debeles.

Salmow 124:5

Ena y tremensa dres agan enev : an dowrow tonnek.

Salmow 86:14

A Dhuw, an re woethus re sevis er ow fynn : ha kuntellesow an dus fell re hwilas ow enev, ha ny'th worrsons a-dheragdha.

Salmow 2:12

Ymmewgh dhe'n Mab, ma na vo serrys ha na yllowgh dhe goll y'n fordh : rag y sorr a flamm yn skon; gwynnvys an re a hwila skovva ynno ev.

Salmow 36:6

Dha ewnder yw kepar ha menydhyow Duw : dha vreusow yw kepar ha'n downder meur.

Salmow 36:8

I a vydh lenwys yn feur a helder dha ji : ha ty a wra dhedha eva dhiworth avon dha blesours.

Salmow 57:11

Bydh ughelhes, A Dhuw, a-ugh an nevow : bedhes dha wolewder dres oll an nor.

Salmow 103:8

An Arloedh yw truedhek ha grassyes : lent ow serri ha meur y dregeredh.

Salmow 103:11

Rag mar ughel dell usi an ebron a-ugh an nor : mar vras yw y dregeredh orth an re a berth own anodho.

Salmow 119:124

Gwra dhe'th was herwydh dha dregeredh : ha dysk dhymm dha ordenansow.