Akar Mogomem 16:5 - Godɨn Akar Aghuim; Akar Dɨkɨrɨzir Gavgavir Igiam

⁵ Ezɨ kɨ orazi, enselɨn dɨpabar garim kamaghɨn mɨgei, “God, nɨ datɨrɨghɨn ikia, egha uaghan faragha ike. Nɨ bar guizbangɨra God. Nɨn araziba bar derazɨ arazir kuratam nɨn itir puvatɨ. Nɨ gumazamizibar arazir kuraba da tuisɨgha da ikarvagha ivezir kuram me ganɨngi, ezɨ nɨn arazir kam a guizɨn arazim.

Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ kɨ orazi, enselɨn dɨpabar garim kamaghɨn mɨgei: “God, nɨ datɨrɨghɨn ikia, egha uaghan faragha ike. Nɨ Godɨn Bar Zuezim. Nɨn araziba bar derazɨ arazir kuratam nɨn itir puvatɨ. Nɨ gumazamizibar arazir kuraba tuisɨgha da ikarvagha ivezir kuram me ganɨngi, ezɨ nɨn arazir kam a guizɨn arazim.

Akar Mogomem 16:5 ပူးပေါင်းရင်းမြစ်များ

Akar Mogomem 11:17

Egha mɨgei, “Ekiam, nɨ Godɨn bar gavgavim itim. Nɨ bar fomɨra ikia egha iza datɨrɨghɨn uaghan iti. Nɨ uan gavgavir ekiam inigha egha datɨrɨghɨn atrivimɨn iti. Kamagh amizɨ, e nɨ mɨnabi.

Akar Mogomem 1:8

Gavgaviba bar itir Godɨn Ekiam kamaghɨn mɨgei, “Kɨrara kɨ faraghavɨra ikia, egh bar gɨn ikɨva abuan ikɨvɨra ikiam.” Kar Godɨn kamnangra, datɨrɨghɨn ikia, fomɨra ikia, egh gɨn uamategh izam.

Akar Mogomem 1:4

Kɨ Jon, kɨ ia gumazamizir 7 plan siosɨn Esian Provinsɨn itiba, ia bagha akar kam osiri. Godɨn datɨrɨghɨn ikia, fomɨra ikia, egh gɨn uamategh izamim, Godɨn kamra navir amɨrɨzim ia danɨngɨva, egh ian apangkuv. Eghtɨ 7 plan duar aghuir Godɨn ingangarim gamua an atrivir dabirabimɨn guamɨn itiba, da uaghan ian apangkuvigh egh navir amɨrɨzim ia danɨng.

Akar Mogomem 4:8

Bizir 4 plan angamra itir kaba, me 6 plan avɨziba bar vaghvagha men iti. Ezɨ men mɨkarziba damazir avɨriba da ave, egha uaghan men avɨzibar apengan iti. Egha arueba ko dɨmagaribar kamaghɨn mɨgei, “Ekiam a God, a gavgavir bar ekiam iti, egha a bizir kuraba bar dar saghon ikia a bar zue. A bar zue, a bar zue. A fomɨra ikia, egha datɨrɨghɨn ikia, egh gɨn uamategh izam.” Me mɨgɨrɨgɨar kam gamua mamaghɨra ikia egha avughsaziba puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 2:5

Nɨ uan navimɨn suiragha gavgavigha egha uan navim gighasa nɨghnɨzir pu. Egha arazir kamɨn nɨ uabɨ ivezir ekiar kuram bar uabɨ garɨsi.

Akar Mogomem 16:7

Ezɨ kɨ orazi tiarir mam Godɨn ofa gamir danganimɨn aven otogha pamten diagha ghaze, “Ekiam, nɨ Godɨn bar gavgavim itim. Nɨ gumazamizibar araziba kotɨn bar guizbangɨra da tuisɨsi, ezɨ nɨn kotiam a bar guizbangɨra ghua egha bar dera.”

Akɨnafarir Pol Romɨn Nguibar Ekiamɨn Itir Sios Bagha Osirizim 3:5

Ezɨ manmaghɨn ami? E kamaghɨn mɨkɨm suam, en arazir kuraba ti Godɨn arazir aghuiba azenim garɨsi? O, e kamaghɨn mɨkɨm suam, God en arazir kuraba ikarvagha ivezir kuraba e ganɨga, kamaghɨn a ti arazir kuram gami? (Mɨgɨrɨgɨar kaba, nguazimɨn itir gumazibar mɨgɨrɨgɨabar mɨn zui.)

Akar Mogomem 19:2

God gumazamizibar araziba tuisɨzir arazim, a guizbangɨra ghua bar dera! Amizir gumaziba okɨa me ko akuim, a nguazimɨn gumazamizibagh amizɨ me arazir mɨzɨrɨziba a ko dagh ami, ezɨ God a isa kot gatɨgha ghaze, an aremegham. Amizir kam Godɨn ingangarir gumazibav soghezɨ me ariaghɨre, ezɨ God an osɨmtɨzir kam ikarvagha osɨmtɨzir ekiam a ganɨngi.”

Akar Mogomem 16:4

Ezɨ namba 3 ensel uan itarim faner dɨpaba ko dɨpar atuibagh inge. Ezɨ dɨpar kaba bar moghɨra ghuzimɨn mɨn oto.

Jon Osirizir Akar Aghuim 17:25

“Nɨ Arazir Aghuibara Amir Afeziam, nguazimɨn gumazamiziba nɨ gɨfozir puvatɨ. Ezɨ kɨ nɨ gɨfo. Ezɨ nan adarasi, me fo, nɨ na amadazɨ ezɨ kɨ ize.

Akar Mogomem 6:10

Duar kaba dia kamaghɨn mɨgei, “Gavgaviba bar itir Ekiam, nɨ arazir kuraba bar dar saghon ikia egha bar zue! Ezɨ nɨn akar dɨkɨrɨziba da guizbangɨra otifi! E nɨ mɨzua iti, nɨ zuamɨra nguazimɨn itir gumazamizibar araziba tuisɨghɨva, egh en ghuzimɨn ivezim ikarvagh!”