Akar Mogomem 14:5 - Godɨn Akar Aghuim; Akar Dɨkɨrɨzir Gavgavir Igiam5 Men akatoribar ifavaritam otozir puvatɨ. Ezɨ gumazitam akatam me gasir puvatɨ. အခန်းကိုကြည့်ပါ။Godɨn Eghaghanim: Akar Gavgavir Dɨkɨrɨzir Ghurim ko Igiam5 Men akatoribar ifavaritam otozir puvatɨ. Ezɨ gumazamizir igharaziba akatam me gasir puvatɨ. အခန်းကိုကြည့်ပါ။ |
Godɨn Akɨnafarim ghaze, “Ekiam gumazir arazir aghuibagh amibar garava, egha men azangsɨziba barasi. Egha gumazir arazir kurabagh amiba, Ekiam me gifongezir puvatɨ. Kamaghɨn tina ikɨrɨmɨrir aghuim iniva, dughiar aghuibar gansɨva, egh akar kurabav kɨman koghɨva, ifavarir akaba atakigh. An arazir kuraba ategh, arazir aghuibar amu; egh gumazir igharaziba navir amɨrɨzimɨn me ko ikɨsɨ, gavgavigh mamaghɨra ikɨ.”
Ezɨ Kraisɨn ghuzim asizibar ghuzim bar a gafira! Krais arazir kuratamɨn osɨmtɨzitam an itir pu. Bar puvatɨ. Godɨn Duar zurazurara itimɨn gavgavimɨn, a ofan mɨn uabɨ isa God ganɨngi. Kamaghɨn amizɨ, an ghuzim en nivafɨzibarama amizɨ da zuezir pu. Puvatɨ. A en navir averiamɨn aven itir arazir kuraba a gɨvazɨma, e kamaghɨn fo, e Godɨn damazimɨn bar zuegha iti. Kamaghɨn amizɨ, e ua arazir ghurir angamra itir puvatɨzir kabar gɨn mangan kogham, egh e Godɨn zurara angamra itimɨn ingangarim damuam.