Akar Mogomem 13:7 - Godɨn Akar Aghuim; Akar Dɨkɨrɨzir Gavgavir Igiam

⁷ Ezɨ God an amamangatɨzɨma, a Godɨn gumazamiziba ko mɨdorozim gamua, egha me mɨsuegha me abɨra. God gavgavir ekiam a ganɨngi, ezɨ an anababa bar dar gumazamiziba, ko mɨkarzir igharagha gariba bar, ko vaghvagha nguibabar akabav geir gumazamiziba, ko kantriba bar dar gumazamiziba, a me gativaghamin gavgavim iti.

Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ God an amamangatɨzɨma, a Godɨn gumazamiziba ko mɨdorozim gamua, egha me abɨra. God gavgavir ekiam a ganɨngi, ezɨ an anababa bar dar gumazamiziba, ko mɨkarzir igharagha gariba bar, ko vaghvagha nguibabar akabav geir gumazamiziba, ko kantriba bar dar gumazamiziba, a me gativaghamin gavgavim iti.

Akar Mogomem 13:7 ပူးပေါင်းရင်းမြစ်များ

Akar Mogomem 11:7

Aning Godɨn akamɨn gun mɨgeir ingangarim gɨvaghtɨ mozir torir bar konezimɨn itir asɨzir atiam, a torim ategh anangam. Egh an aning ko mɨsoghɨva, egh aning abɨragh aning mɨsueghtɨ aning aremegham.

Akar Mogomem 12:17

Kamagh amizɨ, kuruzim amizim puvɨram an atara ghua an borir igharaziba ko mɨsoghasa, me Godɨn akabar gɨn zuiba ko Iesusɨn akamɨn gun mɨgeiba.

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: ada mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Akar Mogomem 11:18

Kantrin Igharazibar Gumaziba bar puvɨram atari, ezɨ nɨn anɨngagharim otogha gɨfa. God gumazamizir ovengeziba tuisɨghamin dughiam, otogha gɨfa. Kar dughiar nɨn ingangarir gumazir nɨn akam inigha izeziba, me uan ivezir aghuim iniamim. Gumazamizir nɨn atiatia egha nɨn ziamɨn apengan itiba, gumazamizir ziaba itiba ko ziaba puvatɨziba uakan. Eghtɨ gumazamizir nguazimɨn itir gumazibagh asɨghasɨziba, God uaghan me gasɨghasɨgham.”

Jon Osirizir Akar Aghuim 19:11

Ezɨ Iesus kamaghɨn an akam ikara, “Godɨn pɨn itim, a gavgavim nɨ ganɨngizir puvatɨghai, nɨ na dɨkabɨnamin gavgaviba puvatɨgham. Ezɨ gumazir na isa nɨn agharim gatɨzim, an arazir kuramɨn osɨmtɨzim, a nɨn arazir kuramɨn osɨmtɨzim, bar a gafira.”

Akar Mogomem 10:11

Ezɨ me kamaghɨn na mɨgei, “Nɨ ua God da izezir akamɨn gun mɨkɨm. Akar kamɨn, mɨkarzir igharagha garir avɨriba ko kantrin avɨriba ko nguibabar akar avɨriba ko atrivir avɨriba, bizir me bativamiba nɨ dar me mɨkɨm.”

Akar Mogomem 5:9

Egha me ighiar igiar mam kamaghɨn a gami, “Me nɨ mɨsoghezɨ nɨ areme, egha nɨn ghuzimɨn nɨ gumazamiziba God bagha me givese. Nɨ, anababa bar dar gumazamizir maba, ko nguibabar akaba bar, ko mɨkarzir igharagha gariba bar, ko kantriba bar dar gumazamiziba, men marazi, nɨ me givese. Egha nɨ me gamizɨma me atrivimɨn adarazir otivigha, egha ofa gamir gumazibar mɨn ikia, en God bagha ingari. Egh me atrivimɨn ikɨ, egh nguazimɨn gumazamizibar ganam. Kamaghɨn, God ua bagha nɨn torozɨ, nɨ akɨnafarim inigh egh kandelɨn grisba adegham.”

Luk Osirizir Akar Aghuim 4:6

Egha Satan kamaghɨn Iesus mɨgei, “Bizir kaba nan agharimɨn iti, kamaghɨn amizɨma kɨ tina danɨngsɨ fueghɨva, a danɨngam. Kamaghɨn kɨ nguibar kabar ganamin gavgavim ko, dar bizir aghuiba nɨ danɨngam.