2 Korin 8:12 - Godɨn Akar Aghuim; Akar Dɨkɨrɨzir Gavgavir Igiam

¹² Gumazim bizibar anɨngsɨ bar ifueghtɨ, God da inisɨva bar akuegham. God bizir gumaziba vaghvagha ikiava anɨdibagh nɨghnɨgha, egha bizir me anɨdiba isi. A gumazir biziba puvatɨzibagh nɨghnɨgha egha men araziba tuisɨzir puvatɨ.

Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Gumazitam o amizitam bizibar anɨngsɨ bar ifueghtɨ, God da inisɨ bar akuegham. God bizir gumazamiziba vaghvagha ikiava anɨdibagh nɨghnɨgha, egha bizir me anɨdiba isi. A gumazamizir biziba puvatɨzibagh nɨghnɨgha men araziba tuisɨzir puvatɨ.

2 Korin 8:12 ပူးပေါင်းရင်းမြစ်များ

2 Korin 9:7

Kamagh amizɨ, ia bar vaghvagh deravɨra faragh nɨghnɨgh, egh bizir ia anɨngasa ifongezim faragha a gɨfogh. Gumazitam uan bizitam anɨngsɨ egh osɨman maraghe, egh suam, me bizibara anɨngasa puvɨrama e gaghora e abɨri. Gumazir bar akuegha uan ifongiamɨn gɨn ghua biziba anɨdim, God gumazir kam bar a gifonge.

1 Pita 4:10

God uan apangkuvimɨn bizir guar avɨrir aghuiba vaghvagha ia ganɨdi. Kamaghɨn ia bar vaghvagh Godɨn ingangarir gumazir aghuibar ikɨva, egh ia bizir aghuir God pura ia ganɨngizibar, ia Godɨn gumazamizibar akurvagh.

Luk Osirizir Akar Aghuim 16:10

“Egh tina bizir doziba deraghavɨra dar gari, a uaghan bizir ekiaba deraghvɨra dar ganam. Egha tina deraghavɨra bizir dozibar garir puvatɨ, a uaghan bizir ekiaba deraghavɨra dar ganan kogham.

2 Korin 8:11

Egh ia datɨrɨghɨn ingangarir amir kam, ia gavgavigh anegɨfagh! Ia faragha ingangarir kam damuamin ifongiam iti moghɨn, ia zuamɨra a damigh anegɨfagh. Ia itir bizibar amodoghɨn, ia ingar mangɨ otogh.

2 Korin 8:13

Kɨ ia osɨmtɨzir ekiam atertɨ, igharaz darasi deravɨra ikiasa, kɨ mɨgeir pu. Puvatɨ. Kɨ e arazir magh garibara e vaghvagh uarir amuasa, kɨ ifonge. Ia datɨrɨghɨn dughiar kamɨn bizir avɨriba iti, egha ia biziba otevezir gumazamizibar akuragh. Eghtɨ gɨn ia bizibar oteveghtɨ, me bizir avɨrir me itibar ian akurvagham. Kamaghɨn, ia bar arazir vabara amu, egh ia deravɨra ikiam.

2 Korin 8:19

Ezɨ bizir kamra puvatɨ. Siosba, en gɨn daru egh apangkuvim itir ingangarir kam damuasa, anemɨsevegha ghaze, an en akuragh dagɨabar arɨgham. E kamagh sua, e ingangarir kamɨn e Ekiamɨn ziam fam, eghtɨ uaghan gumazamiziba fogham, en naviba ingangarir kam damuasa dɨkavima e a gami. Bizir kamning bagha, e ingangarir kam gami.

Matyu 25:17

Ezɨ gumazir 2,000 Kina inizim kamaghɨra amua, uaghan 2,000 Kinan mam dagh isɨn uam a ini.

Matyu 25:22

Ezɨ gumazir 2,000 Kina inizim iza kamaghɨn mɨgei, ‘Ekiam, nɨ 2,000 Kina na ganɨngi. Nɨ ge, kɨ dagɨar ingangarim gamua, 2,000 Kinan mam dagh isɨn uam a ini.’