Solomon 8:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Nɨ uan navir averiamɨn aven, narara ifongegh, egh uam amizitam gifueghan markɨ. Nɨ amizir igharazitam uan dafarimɨn an suighan markɨ. Kɨrara, nɨ nan dafarimɨn suigh. Nan ifongiam nɨ bagha bar gavgafi, mati Ovevem nɨ iniasa gavgafi. Kamaghɨra, nan ifongiam nɨ bagha puvɨra dɨkafi, mati avim isia pamten dɨkafi.

Solomon 8:6 ပူးပေါင်းရင်းမြစ်များ

Akar Mogomem 12:11

Kraisɨn adarasi, dughiar gumazamiziba me mɨsozima me ariaghirim, dughiar kamɨn me uan mɨkarzibagh nɨghnɨzir pu. Bar puvatɨ. Me ghaze, pura bizim. Kamaghɨn amizɨ, me Sipsipɨn Nguzimɨn ghuzim ko guizɨn akar me gun mɨgeimɨn, me Satanɨn mɨsuegha anebɨra.

Aisaia 49:16

“Kɨ nɨ gɨn amadaghan kogham. Nɨ gan! Kɨ nɨn nedazimɨn ingarigha nɨn ziam uan dafarimningɨn an osira, aneghorezɨ a iti. Egha kɨ zuraram an gara nɨ gɨnɨghnɨsi.

Hagai 2:23

Ikiavɨra Itir Godɨn Gavgaviba Bar Itim ghaze, O Serubabel, nan ingangarir gumazim, Sealtielɨn otarim, dughiar kam otoghtɨ, kɨ nɨ inightɨ nɨ guizbangɨra nan ziamɨn gumazamizibagh ativagh men ganam. Kɨ nɨrara amɨsefe, ezɨ nɨ mati nan atrivimɨn ziar ekiam ko, gavgaviba akaghamin ringɨn nan dafarimɨn itimɨn mɨn ikia, gumazamiziba geghuvamin gavgavim iti. Kɨ Ikiavɨra Itir Godɨn Gavgaviba Bar Itim nan mɨgɨrɨgɨaba kamaghɨra tu.’ ”

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.

Jeremaia 22:24

“Kɨ Ikiavɨra Itir God, kɨ zurara ikia mamaghɨra iti, ezɨ nɨ Jehoiakin, Judan atrivim kɨ guizbangɨra nɨ mɨgei. Nɨ nan atrivimɨn ziar ekiam ko gavgaviba akakaghamin ringɨn mɨn nan dafarir guvimɨn ikiam, kɨ bar nɨ gifueghan koghɨva, nɨ batuegham.

Aghuzir Akaba 6:34

E fo, gumazim, gumazir igharazimɨn amuim koma akui, an osɨmtɨzir ekiam gami. Kamaghɨra, amizir kamɨn pam bar puvɨra anɨngaghegh bar pazavɨra gumazir kam damigh ivezir kuram a danɨngɨva, egh an apangkuvighan kogham. Bar puvatɨgham.

Onger Akaba 84:2

Nan navir averiamɨn, kɨ nɨn dɨpenimɨn, dughiabar zurara gumaziba uari akuvi naghɨn aven ikiasa. Nan ifongiam kamakɨn, kɨ bar nɨn Dɨpenim gifonge. Nɨ Godɨn angamɨra itim. Kɨ uan mɨkarzim ko nɨghnɨzim sara, nɨ bagh bar akuegh, ighiabar amuam.

Godɨn Araziba 32:21

Me asebar gɨn ghua dar ziaba fava na gamizɨ, nan navim bar ikuvigha men anɨngaghegha men atari. Aser me ziaba fer kaba, da pura godɨn ifavariba, da guizɨn godba puvatɨ. Kamaghɨn, kɨ ikɨzir pura bizibar mɨn ikia bar onganizim, kɨ me isɨ Israelia bagh me ameghtɨ, Israelian naviba bar ikuvigham. Kɨ gumazamizir fofoziba puvatɨziba inightɨma, bizir kam me damightɨ me ataram.

Aposel 21:13

Ezɨ Pol me ikaragha kamaghɨn mɨgei, “Ia tizim bagha aziava nan navim gamima a ikufi? Me na ikɨsɨ, a dera. Kɨ uaghan Ekiam Iesusɨn ziam bagh Jerusalemɨn aven aremegham, a dera.”

Onger Akaba 120:4

God ti afuzir ghumtɨzim inigh ia ginivam. A ti avir bar puvɨra isim inigh ia dapongam.

2 Timoti 2:19

Ezɨ God mati gumazim dɨpenimɨn ingari moghɨn, a uan siosɨn ingarasa dɨpenir akɨnir gavgaviba akunizɨ da tugha ikia gavgafi. Egha dɨpenir akɨnir kabar a kamaghɨn osiri, “Ekiam bar uan gumazamizibagh fo.” Egha ua kamaghɨn osiri, “Gumazamizir Ekiamɨn ziam itiba, me akɨrim ragh bar arazir kurabagh asaragh.”

2 Korin 11:2

God gumazamiziba anarɨram apengan ikiasava a ifonge. Ezɨ kamaghɨra, ia Kraisra gɨn mangasa, kɨ uaghan ifonge. Ia Kraisɨn adarazir mɨrara ikiasa kɨ ia mɨsefe, mati amizir igiar bar zuezim kɨ a inigh mangɨ par a ko poroghamim danɨngam.

Akɨnafarir Pol Romɨn Nguibar Ekiamɨn Itir Sios Bagha Osirizim 12:20

Nɨ Godɨn Akɨnafarim mɨkemezɨ moghɨn damu, “Nɨn apanim, mɨtiriam an aghɨtɨ, nɨ daghem a danɨng. Egh kuarim an pɨrtɨ, nɨ dɨpatam a danɨng. Nɨn arazir aghuir kamɨn a damightɨ, a uan arazir kuram gɨnɨghnɨgh bar aghumsɨgham.”

Aposel 20:24

“Ezɨ kɨ uan mɨkarzir angamɨra itim gɨnɨghnɨzi, a pura bizim. Ekiam Iesus ingangarir mam na ganɨngi. Ezɨ ingangarir kam kamakɨn, kɨ bizitam iniasa ivemari. Mati gumazim uan ivemarim a gɨvasava ami, kamaghɨra kɨ uaghan uan ingangarim agɨvasa bar ifonge. Ingangarir kam kamakɨn, God uan apangkuvim gumazamiziba bar men akakaghasa. Ezɨ kɨ bizir kabar akam akuri.

Sekaraia 3:9

Kɨ Ikiavɨra Itir Godɨn Gavgaviba Bar Itim, kɨ dagɨar aghuir mam inigha Josuan boroghɨn anetɨ. Dagɨar kam, a 7plan damaziba iti. Eghtɨ dagɨar kam gisɨn, kɨ akatam osirigham. Egh kɨ dughiar vamɨran, nguazir kamɨn arazir kurabar osɨmtɨzim gɨn amangam.

Aghuzir Akaba 25:22

Nɨn arazir aghuir kamɨn a damightɨ, a uan arazir kuram gɨnɨghnɨgh bar aghumsɨgham. Eghtɨ Ikiavɨra Itir God, nɨn arazir kam bagh bar deraghvɨram nɨ damuam.

Dɨboboniba 25:11

“Eleasarɨn otarim Finias, an Aronɨn ovavir borim, a guizbangɨra Israelia asebar ziaba fan a bar aghua. A bar gavgavigha ghaze, me nan ziamra fam. Ezɨ Finias amizir arazir kam bangɨn, kɨ ua Israelian gumazamiziba bagha navim isir puvatɨ. Egha kɨ uan anɨngagharimɨn me gasɨghasɨghan aghua.

Onger Akaba 63:1

O God, nɨ nan God, kɨ nɨn ganasa nɨ baghavɨra mɨzua iti. Kɨ mati, dɨpaba puvatɨzir danganimɨn ikia dɨpam bagha ariaghiri moghɨn, nan duam nɨ ko ikiasa ifongezɨ, kɨ bar uabɨ isa nɨ ganɨngi.

1 Eghaghaniba 11:18

Ezɨ mɨdorozir gumazir gavgavir 3plan kaba, me kamaghɨn oregha ghua, Filistiaba itir danganimɨn me ko mɨsogha me abigha ghu. Egha Betlehemɨn nguibam avɨnizir dɨvazimɨn itiar akamɨn boroghɨn ghua dɨpam tuigha Devit bagha a inigha uamategha ize. Ezɨ Devit dɨpar kam amezir puvatɨ, a dɨpam ofan mɨn a isa Ikiavɨra Itir God ganɨga, nguzimɨn a inge.