Solomon 8:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Egha kɨ nɨ inigha ga uan amebamɨn dɨpenimɨn ghuzɨ, nɨ deravɨra nan sure gamighai. Ezɨ kɨ, wain ko pauran isɨngtɨzim sara verezim, a isa nɨ ganighai. Egha kɨ uan pomigranetɨn ovɨzibar dɨpaba nɨ ganɨngizɨ, nɨ da ameghai.

Solomon 8:2 ပူးပေါင်းရင်းမြစ်များ

Solomon 3:4

Egha kɨ me ategha ghua maghɨra gumazir kɨ ifongezir kamɨn api. Kɨ a bagha ghua a muki, egha kɨ an ataghɨraghan aghua. Egha kɨ a inigha uan amebamɨn dɨpenimɨn ghu, egha ga amebar na batezimɨn danganir akuimɨn aven ghu.

Solomon 7:12

Egh mɨzaraghara dɨkavigh mangɨ wainɨn ikarɨzir azenibar ganam. Dar atiba ko akɨmariba ti oneghama? Egh uaghan pomigranetɨn ovɨzir aghuiba ber temebar ganam, dar akɨmariba ti onez, o puvatɨ? Ga wainɨn azenir kamɨn ikɨ, egh kɨ uabɨ isɨ nɨ danɨng kamaghɨn nɨn akagham, kɨ bar nɨ gifonge.

Solomon 4:10

Nɨ nan amuim, egha nɨ guizɨn nan dɨghorim, nɨ bar na gifonge, ezɨ kɨ bar akonge. Nɨn ifongiar kam, a bar isɨngi, egha wainɨn isɨngtɨzim gafira. Sandan mughuriar nɨ uabɨ gazuir kam, a pauran mabar mughuriaba bar dagh afira.

Galesia 4:26

Godɨn Akɨnafarim kamaghɨn mɨkeme: “Amizir boriba puvatɨzir kam, nɨn boriba gɨn bar avɨrasemegham. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar, dɨbobonim gafiragham. Kamaghɨn nɨ amizir boriba isir puvatɨzim, nɨ bar akongegh. Nɨ amizir otɨrɨmɨrir mɨzazibagh fozir puvatɨzim, nɨn navim deragh, nɨ bar akuegh, pamtem dɨmɨva araghasɨ.” Ezɨ kamaghɨn Jerusalemɨn igharazim a Godɨn Nguibamɨn iti, Moses Osirizir Araziba a ikiagharɨghɨzir puvatɨzɨma, a datɨrɨghɨn fɨriaghɨrɨ. Ezɨ an en amebamɨn mɨn iti.

2 Timoti 3:15

Egha nɨ fo, dughiar nɨ aghɨrimra itim, nɨ faragha Godɨn Akɨnafaribar fofozim ini. Akɨnafarir kaba da nɨghnɨzir aghuiba nɨ ganɨdima, nɨ nɨghnɨzir gavgavim Krais Iesusɨn ikɨ Godɨn Akurvazim iniam.

Jon Osirizir Akar Aghuim 5:39

“Ia ghaze, akar Godɨn Akɨnafarimɨn itim, a zurara itir ikɨrɨmɨrir aghuarim ia ganɨdi. Kamaghɨn amizɨma ia akar Godɨn Akɨnafarimɨn itibar gara da tuisɨsi. Ezɨ Godɨn Akɨnafarim uaghan nan gun mɨgei!

Solomon 7:9

Nɨ nan torima bar dera, mati wainɨn bar aghuim, nan amizimɨn akatorimɨn amɨraghavɨra emɨri. Nɨ nan tora, mati ga uaning inigha akua wainɨn isɨngtɨzim api.

Aghuzir Akaba 9:2

Egha an asɨzim mɨsuegha dagheba isai, egha wain sara vereverezɨ, a isɨngi. Egha a dagher dakozim akɨrigha gɨfa.

Akar Mogomem 19:10

Ezɨ kɨ an suemningɨn boroghɨn tevimning apɨrigha an ziam fasa. Ezɨ a kamaghɨn na mɨgei, “Nɨ mamaghɨn damuan markɨ! Kɨ, nɨ ko nɨn aveghbuar nɨghnɨzir gavgavim Iesus kunizir akabar itiba, kɨ ia ko e ingangarir vamɨram ami. God uabɨra, nɨ an ziam fɨ.” E fo, akar Iesus kunizimra, a gumazamizibar nɨghnɨziba fema, me Godɨn akam inigha izi.

2 Pita 1:19

Kamaghɨn amizɨ, e nɨghnɨzir gavgavimra Godɨn akam inigha izir gumazibar akabar iti. Ezɨ ia uaghan men akabar suiragh gavgavigh, egh deragham. Godɨn akam inigha izir gumazibar akaba mati lam mɨtatemɨn ikia isi moghɨn, Kraisɨn angazangarim ian navir averiabar aven ikɨ isiam. Arazir kam mati amɨnim itir mɨkovezim overiamɨn isitɨ, mɨtatem mangɨtɨ angazangarim otogham.

Solomon 8:1

Nan amebam ti nɨ bategha, otem nɨ ganɨngizɨ, kamaghɨn deraghai. Kamaghɨn, kɨ tuavir ekiamɨn nɨ batogh, nɨn tortɨ gumazitam pazɨ ga gɨnɨghnɨghan kogham.