Solomon 8:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Solomon mar uan 1,000 silvan dagɨaba ini. Ezɨ gumazir azenimɨn ingariba, me mar uan 200 silvan dagɨaba ini. Ezɨ kɨ bizir kabagh nɨghnɨzir puvatɨ, kɨ uabɨ, nan wainɨn azenim iti. Kɨ uabɨ wainɨn azenir kamɨn gari.

Solomon 8:12 ပူးပေါင်းရင်းမြစ်များ

Solomon 1:6

Guizbangɨra, nan mɨkarzim pɨki, ezɨ ia kamaghɨn nɨghnɨghan markɨ, kɨ ti pura ingangarir amizir kɨnim. Puvatɨ. Aruem na gapongezɨ, nan mɨkarzim kamaghɨn oto. Nan tuebaba nan atara na gamizɨ, kɨ ghua wainɨn azenibar gari. Kamaghɨn amizɨ, kɨ deragha uan mɨkarzim geghuvir puvatɨ.

1 Tesalonika 2:19

Eghtɨ en Ekiam Iesus uamateghamin dughiam, bizir tizim e damightɨ e an damazimɨn bar akuegh a mɨzuam ikɨ tugh gavgavigham? E bizir tizim inigh mangɨ an akagh suam e ingangarir aghuim gami? E ghaze, iarara. E ia baghavɨra bar akuegham.

2 Korin 5:15

Gumazir kam kamaghɨn ifonge, e gumazamizir angamɨra itiba uarira uari bagh ikian kogham. E gumazir e bagha ovegha ua dɨkavizim baghvɨra ikiam. Kamakɨn, a bar moghɨra e bagha ovenge.

1 Korin 6:20

God ivezir bar ekiamɨn ia givese. Kamaghɨn, ia uan inivafɨziba isɨ, God danɨng an ziam fɨ.

Aposel 20:28

Ia uari uari bagh ganɨva, egh uaghan Godɨn gumazamizibar gan. Godɨn Duam Godɨn gumazir nɨghnɨzir gavgaviba iti, a bar dar ganasa ia mɨsefe. Ia gumaziba gari gumazibar mɨn ikɨ, ia Kraisɨn adarazir gan. God uabɨ uan Otarimɨn ghuzimɨn me givese.

Aghuzir Akaba 4:23

Ezɨ nɨghnɨzir aghuir nɨn ikɨrɨmɨrim akakazim, a nɨn nɨghnɨzimɨn otifi. Kamaghɨn amizɨ nɨ zurara uan nɨghnɨzim deraghvɨram an gan.

Aghuzir Akaba 27:18

Gumazim uan tememɨn ovɨzim amɨsɨ, a deraghvɨra temer kamɨn gan. Eghtɨ gumazim uan gumazir dapanim deraghavɨram a geghuvtɨ a deraghvɨra ikɨtɨ, gumazir an garim an ziam fam.

Solomon 2:3

Nan roroar gumazir kɨ bar ifongezim, a gumazir igiar igharazibar tongɨn ikia, mati temer dagher aghuiba itim, a ruarimɨn ikia temer igharazibar tongɨn ti. Aruer ekiamɨn dughiam kɨ an dughuazimɨn aven ikiasa bar ifonge. Temer kamɨn ovɨziba bar deragha nan akatorimɨn bar isɨngi.

Solomon 8:11

Atrivim Solomonɨn wainɨn azenim Balhamonɨn nguibamɨn iti. Gumaziba azenir kamɨn ingarsɨ, me vaghvagh 1,000 silvan dagɨaba isɨ Atrivim Solomon danɨng.

Solomon 8:13

O amizir kɨ ifongezim, nɨ azenimɨn aven ikɨ mɨkɨmtɨ, kɨ nɨn tiarim baragham. Nan namakaba uaghan nɨn tiarim baraghasa.