Solomon 7:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Kɨ ghaze, kɨ iruer kamɨn mavanang, egh an dagheba iniam. Kɨ nɨn otemningɨn gari, aning mati wainɨn orozaghar ovɨzir avɨriba itimning. Ezɨ nɨn akamɨn otivir mughuriam, mati ter ovɨzir mughuriar aghuim itim.

Solomon 7:8 ပူးပေါင်းရင်းမြစ်များ

2 Korin 2:14

Ezɨ God, Krais ko porogha en faragha zuima, e an gɨn ghua kalabuziar gumazamizibar mɨn ghua bar akuegha mɨgɨa ghaze, Krais modorozim gafiragha apaniba dɨkabɨragha gɨfa! Ezɨ arazir kamɨn gumazamiziba bar God gɨfoghamin fofozim ini. A mati mughuriar aghuimɨn mɨn otozɨ, amɨnim a bɨrazɨ a tintinibar ghu. Bizir kam bagha kɨ God mɨnabi.

Jeremaia 32:41

Egh kɨ uaghan uan navir averiamɨn aven nɨghnɨzir vamɨra ikiam, kar kɨ me gakuegh deraghvɨra me damuam, egh me ateghtɨ me deraghvɨra nguazir kamɨn ikiam.

Solomon 4:16

O notɨn amɨnim, nɨ osegh dɨkafigh. O sautɨn amɨnim, nɨ dɨkavigh izɨ. Gua dɨkavigh izɨ nan azenim givang, egh danganiba bar dar amutɨ, da azenir kamɨn mughuriar aghuim ikiam. Eghtɨ nan roroar gumazir kɨ bar ifongezim, uan azenimɨn izɨva, egh an ter ovɨzir bar aghuibar amam.

Solomon 2:5

Nan roroam, kɨ bar nɨ gifonge, ezɨ nan damaziba nan sirizɨ, nan agharapaniba bar nan amɨra. Ga uaning, nɨ ter ovɨziba ko wainɨn ovɨzir me apuzizir taba na danightɨ, kɨ dar amegh ua gavgavim iniam.

Solomon 2:3

Nan roroar gumazir kɨ bar ifongezim, a gumazir igiar igharazibar tongɨn ikia, mati temer dagher aghuiba itim, a ruarimɨn ikia temer igharazibar tongɨn ti. Aruer ekiamɨn dughiam kɨ an dughuazimɨn aven ikiasa bar ifonge. Temer kamɨn ovɨziba bar deragha nan akatorimɨn bar isɨngi.

Solomon 1:3

Nɨn mɨkarzim mughuriar bar aghuim iti. Kɨ nɨn ziam baregha bar akonge, mati kɨ sandan aghuim bagha bar akonge. Kamaghɨn, amizir igiaba bar nɨ gifonge.

Solomon 7:7

Nɨn ruarim bar dera, mati iruem voroghɨra tughav iti. Ezɨ nɨn otemning, mati iruer foroziamning.

Joel 1:12

Wainɨn ikarɨziba ko fighɨn temeba bar mɨsɨngi. Ezɨ temer igharazir ovɨzir aghuiba itiba, da uaghan mɨsɨngi. Kamaghɨn amizɨma, gumazamizibar arazir bar akongezim, a bar gɨfa.