Solomon 7:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Nɨn ruarim bar dera, mati iruem voroghɨra tughav iti. Ezɨ nɨn otemning, mati iruer foroziamning.

Solomon 7:7 ပူးပေါင်းရင်းမြစ်များ

Solomon 4:5

Nɨn otemning mati dian asɨzir aghuarir pumuning, akɨmaribar tongɨn graziba api.

Efesus 4:13

Eghtɨ ingangarir kam mamaghɨra ikɨ mangɨtɨ en nɨghnɨzir gavgavim bar gavgavightɨ bizir kam e damutɨ e bar moghɨra navir vamɨra ikiamin arazim inigh, egh Godɨn Otarim guizbangɨra bar a gɨfogham. Kamaghɨn damightɨ e Kraisɨn gɨn zuir darorir kamɨn aven, e tugh gavgavigh aghung mangɨ, gumazir aruabar avaghɨva e guizbangɨra Kraisɨn mɨn otogham.

Efesus 3:17

Kɨ kamaghɨn Godɨn azangsɨsi, ian nɨghnɨzir gavgavimɨn tuavimɨn Krais zurara ian navir averiabar ikiam. Eghtɨ igharaz darazigh ifongezir arazim, a ian navir averiabar aven ikɨ gavgavigh ia damutɨ, ia tuivigh gavgavigh, mati nguazim temer bibar suirazɨ temem tugha gavgavigha aghui.

Aisaia 66:10

“Ia Jerusalem gifongezir darasi, ia a ko bar akongegh. Ia gumazamizir a bagh azia itiba, ia datɨrɨghɨn a bagh bar akongegh.

Solomon 1:13

Nan roroar kɨ bar ifongezim, a mati pauran anezir mughuriar aghuim itim, nan evarim gisɨn irɨghav ikiava akui.

Onger Akaba 92:12

Gumazir Godɨn damazimɨn deraziba, me deragh otivigham. Me mati iruem dagher aghuiba bata, egha uaghan Lebanonɨn kantrin itir sidan temer ekiabar mɨn aghungi.

Solomon 8:8

En buaramizim suvighavɨra iti ezɨ an otemning tɨgharɨ. An amizir ekiamɨn otoghtɨ, gumazitam an ikɨsɨ damutɨ, e manmaghɨn a bagh damuam?

Solomon 7:8

Kɨ ghaze, kɨ iruer kamɨn mavanang, egh an dagheba iniam. Kɨ nɨn otemningɨn gari, aning mati wainɨn orozaghar ovɨzir avɨriba itimning. Ezɨ nɨn akamɨn otivir mughuriam, mati ter ovɨzir mughuriar aghuim itim.

Solomon 7:3

Nɨn otemning bar dera, mati asɨzir dian atiar aghuarir pumuning.

Jeremaia 10:5

Ezɨ marvir guar kaba biziba dar puvatɨ, da nedazir kɨniba. Kuaraziba izɨ gumazibar azenibar zuravariba ko daghebar amɨsɨ, dar gan atiatingasa me dar ingarigha da ase. Men marvir guar kaba mɨgeir puvatɨ. Egha da aruir puvatɨzɨ, gumaziba da ateragha arui. Me ian tav gasɨghasighan kogham, kamaghɨn ia dar atiatingan markɨ. Me uaghan bizir aghuitam damightɨ an otoghan kogham.”

Solomon 7:6

O nan amizir kɨ ifongezim, nɨ amizir bar dirim. Kɨ bar nɨ gifonge, ezɨ nɨn biziba bar na gamima, kɨ bar akonge.

Solomon 1:15

Ame! Nɨ amizir bar dirim ezɨ kɨ bar nɨ gifonge. Ezɨ nɨ uaghan na gifonge, ezɨ nɨn damazim bar dera mati kuarazir bunbamɨn damazim.