Solomon 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Nɨn fɨragharim bar dera, mati tauan ruarir ghurghurim. Nɨn damazimning bar dera, mati dɨpar akarer muziarir Hesbonɨn nguibar ekiamɨn tiar akamɨn boroghɨn itimning. Nɨn atinim bar dera, mati Lebanon geghuvir gumazibar tauan ruarim. Me an ikiava, Damaskusɨn nguibar ekiam geghufi.

Solomon 7:4 ပူးပေါင်းရင်းမြစ်များ

Solomon 4:4

Nɨn fɨragharim bar ruaragha bar dera, mati Atrivim Devitɨn tauan ruarir aghuim. Ezɨ nɨn fɨragharimɨn itir manmaniar aghuiba, mati mɨdorozir gumazir avɨribar oraba taghtagha tauan ruarir kamɨn guighav iti.

Onger Akaba 144:12

E kamaghɨn ifonge, en otarir igiaba aghung mangɨ ekevegh, temebar mɨn gavgavigham. Eghtɨ en guivibar ganganiba bar deragham, mati Atrivimɨn dɨpenir ekiamɨn aven itir dɨpenir akɨnibar itir nedazir bar aghuiba.

Hibru 5:14

Ezɨ dagher gavgaviba, da gumazir aruabar daghem. Ezɨ gumazir kaba, me dughiar avɨribar araziba tuisɨsi, arazir manam dera ezɨ arazir manam ikufi. Egha datɨrɨghɨn me deravɨra fofoghava egha me nɨghnɨzir dɨkɨriaba iti.

Aisaia 54:4

“O Jerusalem, nɨ uam aghumsɨghan kogham. Nɨ osɨmɨva atiatingan markɨ. Gumazamiziba ua dɨbovir akabar nɨ mɨkɨman kogham. Nɨ fomɨra aghumsɨzim ikezir dughiaba gɨnamadagham. Nɨ fomɨra uabɨra ikia, mati amizimɨn pam ovengezɨ, a uabɨra ikia, bar aghumsɨgha oseme. Kamaghɨn amizɨ, nɨ dughiar faragha ghuzir kam uam a gɨnɨghnɨghan kogham.

Solomon 6:5

Nɨ nan ganan kɨ aghua. Nɨ nan gara nan muriam aghorima, kɨ okam nɨghnɨsi. Nɨn dapanarɨzir gɨrakɨrangɨn guraghav itim, pigha ruaragha bar dera, mati memen pɨzir okoruam bar akuegha, uari fa kura Gileatɨn Mɨghsɨamɨn ghuaghiri.

Solomon 4:1

O amizir kɨ ifongezim, nɨn ganganim bar dera. Bar guizbangɨra, nɨ amizir dirim. Nɨ uan guam mongasa nir avɨzim uan dapanim gike. Ezɨ kɨ nɨn damazimningɨn gari, aning kuarazir bunbamɨn damazimningɨn mɨn dɨkɨravɨra gara bar dera. Nɨn dapanir arɨzim gɨrakɨrangɨn guraghav itim, pigha ruaragha bar dera, mati memen pɨzir okoruam bar akuegha, uari fa kura Gileatɨn Mɨghsɨamɨn ghuaghiri.

Solomon 1:10

Kurkazir nɨn dapanir arɨzimɨn guighav itiba, nɨn koviamning gamima, a dafo. Ezɨ nɨn manmaniar aghuiba nɨn fɨrimɨn itima, nɨn fɨrim bar dafo.

Onger Akaba 45:8

Mea ko kasia ko alo, dar mughuriar aghuim, nɨn korotiar ruarimɨn ikia mughuriar aghuim zui. Me elefanɨn ataribar dɨgɨrir igharagha garibar ingarigha, atrivir dɨpenim asigha nɨ bar akueghasa me gitabagh ikiararai.

2 Eghaghaniba 8:6

Egha a uaghan Balatɨn nguibamɨn ingari. Egha a uaghan dagheba itir nguibar ekiaba ko mɨdorozir karisba arɨzir nguibar ekiaba ko, hoziaba arɨzir nguibar ekiaba ko, Jerusalem ko, Lebanon ko, nguazir an ativagha garibar aven, a bizir igharazir a ingarasa ifongeziba, a bar adar ingari.

1 Atriviba 22:39

Atrivim Ahap amizir araziba bar, da akɨnafarir me kamaghɨn dɨborimɨn aven iti, Israelian Atrivibar Eghaghaniba. Akɨnafarir kam, dɨpenir a ingarigha elefanɨn ataribar asɨngiziba ko, an nguibar ekiaba avɨnizir dɨvaziba gavgavim dagh anɨngizir ingangarir amizibagh eghari.

1 Atriviba 10:22

Solomon kurir avɨriba iti, ezɨ kurir kaba da Atrivim Hiramɨn kuriba ko, ongarimɨn arui. Kurir kaba zurara azenir 3pla gɨvaghtɨ, me bizir aghuir kaba ater ua Israelɨn izam. Kar gol, ko silva, ko elefanɨn atariba, ko monkiba, ko kuarazir bar diriba.

1 Atriviba 10:18

Ezɨ Solomon mɨkemezɨ, me atrivir dabirabir ekiar mamɨn ingari. Egha me golɨn aghuim ko, elefanɨn atariba inigha an kurke.

1 Atriviba 9:19

Egha a uaghan dagheba itir nguibar ekiaba ko mɨdorozir karisba arɨzir nguibar ekiaba ko, hoziaba arɨzir nguibar ekiaba ko, Jerusalem ko, Lebanon ko, nguazir an ativagha garibar aven, a bizir igharazir a ingarasa ifongeziba, bar adar ingari.

1 Atriviba 7:2

Solomonɨn ingangarir gumaziba, dɨpenir ekiar mamɨn ingari, egha ziam a garɨgha ghaze, Lebanonɨn Ruarir Pɨzimɨn Dɨpenim. Dɨpenir kamɨn ruarimɨn ababanim, 50 mitan tu, ezɨ an arozimɨn ababanim, 25 mitan tu, ezɨ an tuirivimɨn ababanim, 15 mitan tu. Dɨpenir kamɨn, me temer sidan dɨpenir akɨniba isa 4plan bɨzibar da ase. Egha me dɨpenimɨn tuirivimɨn pɨn, sidan ter ararir ruariba inigha akoribar mɨn dɨpenir akɨnibagh isɨn da arɨki.

2 Samuel 8:6

Ezɨ Devit uan mɨdorozir gumaziba Sirian kantrin tintinibar me arɨki. Ezɨ Sirian gumazamiziba Devitɨn apengan ikiava dagɨaba isa a ganɨdi. Danganir Devit mɨsoghasa zuiba bar, Ikiavɨra Itir God an akurvazima, an apaniba abɨri.

Jenesis 15:2

Ezɨ Abram an akam ikaragha ghaze, “O Ikiavɨra Itir God, nan Ekiam, kɨ uabɨ boriba puvatɨ, nɨ manmaghɨn na damightɨ kɨ ziar ekiam iniam? Kɨ oveghtɨ nan biziba iniamin gumazim an ziam Elieser, a Damaskusian gumazim.

Solomon 4:5

Nɨn otemning mati dian asɨzir aghuarir pumuning, akɨmaribar tongɨn graziba api.