Solomon 7:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Egh mɨzaraghara dɨkavigh mangɨ wainɨn ikarɨzir azenibar ganam. Dar atiba ko akɨmariba ti oneghama? Egh uaghan pomigranetɨn ovɨzir aghuiba ber temebar ganam, dar akɨmariba ti onez, o puvatɨ? Ga wainɨn azenir kamɨn ikɨ, egh kɨ uabɨ isɨ nɨ danɨng kamaghɨn nɨn akagham, kɨ bar nɨ gifonge.

Solomon 7:12 ပူးပေါင်းရင်းမြစ်များ

Solomon 6:11

Kɨ izaghirɨgha gɨvagha azenimɨn aven itir temer aghuir ovɨziba itibar tongɨn iti. Kɨ temeba ko dar akɨmarir otivibar ganasa danganir zarimɨn ize. Kɨ wainɨn ikarɨzir mumuriba, ko temer dagher aghuiba itibar akɨmaribar ganasa ize.

Efesus 6:24

Eghtɨ, gumazamizir en Ekiam Krais Iesus gifuegha mamaghɨra itiba, Godɨn apangkuvim bar me ko ikɨ.

2 Korin 13:5

Ia zurara uan nɨghnɨziba ko araziba tuisɨgh, egh uan nɨghnɨzir gavgavim gɨfogham, a gavgaviz, o puvatɨ. Ia bar deraghvɨra uari uan araziba tuisɨgh. Ia ti kamaghɨn fozir puvatɨ, Krais Iesus ian navir averiabar iti? Egh a ia ko ikian koghtɨ, e fo, ia guizɨn nɨghnɨzir gavgavim an itir puvatɨ.

Solomon 7:6

O nan amizir kɨ ifongezim, nɨ amizir bar dirim. Kɨ bar nɨ gifonge, ezɨ nɨn biziba bar na gamima, kɨ bar akonge.

Onger Akaba 122:5

Danganir kam, atrivim kotiaba barazir dɨpenim iti. Kar Atrivim Devitɨn ovavir boriba kotiaba baragha da tuisɨzir danganim.

Hibru 12:15

Ia bar deraghvɨra uari bagh gan, ian tav irɨgh egh ua Godɨn apangkuvir kam ataghɨraghan markɨ. Eghtɨ ian tav ua temer ovɨzir mɨsozimɨn mɨn otogh osɨmtɨziba Kraisɨn adarazir anɨngan markɨ.

Hibru 4:16

Kamaghɨn amizɨma, e atiatingan koghɨva Godɨn atrivir dabirabimɨn boroghɨn mangam, Godɨn apangkuvim a gizɨfa. E a bagh mangɨtɨma God en kuarkuvigh en apangkuvigham. Egh e osɨmtɨzitam ikɨtɨ an apangkuvim en akuragham.

Hibru 2:13

Egha a ua ghaze, “Kɨ datɨrɨghɨn, God damuasa mɨkemezir biziba, kɨ puram a mɨzuam da bagh gan ikɨtɨ God damuasa amir biziba, a mɨkemezɨ moghɨn dar amuam.” Egha ua ghaze, “Ia gan, kɨ borir God na ganɨngiziba me ko iti.”

Akɨnafarir Pol Romɨn Nguibar Ekiamɨn Itir Sios Bagha Osirizim 5:11

Uaghan bizir mam kamakɨn, en Ekiam Krais Iesus e gamizɨ e guizɨn Godɨn namakabara, kamaghɨn e bar akonge.

Aposel 15:36

Dughiar maba gɨvazɨ, gɨn Pol kamaghɨn Barnabas mɨgei, “Ga uamategh nguibar ekiar ga Ekiamɨn akam akuniziba, bar dar mangɨva uan adarazir ganam, me manmaghɨn iti.”

Aisaia 18:5

Guizbangɨra, kantrin kam bar gavgafi, mati wainɨn ikarɨzim deravɨram otogha, an akɨmariba otivigha irezɨ, wainɨn ovɨziba kɨran oveghangɨn aniam. Gumazim anɨngaghegha wainɨn ovɨzir ghuariba itir aguam atuzɨ a irɨzɨ moghɨn, God kantrin kam gasɨghasɨgham.

Solomon 4:16

O notɨn amɨnim, nɨ osegh dɨkafigh. O sautɨn amɨnim, nɨ dɨkavigh izɨ. Gua dɨkavigh izɨ nan azenim givang, egh danganiba bar dar amutɨ, da azenir kamɨn mughuriar aghuim ikiam. Eghtɨ nan roroar gumazir kɨ bar ifongezim, uan azenimɨn izɨva, egh an ter ovɨzir bar aghuibar amam.

Solomon 2:15

Gan wainɨn ikarɨzibar, akɨmariba otifi. E fo, afiar atiar muziariba aruava tintinibar wainɨn azenibagh asɨghasɨghasava ami. Kamaghɨn amizɨ, nɨ afiar atiar muziarir kabar suikigh, eghtɨ da gan azenimɨn aven izegh gan wainɨn ikarɨzibagh asɨghasighan kogham.

Solomon 2:13

Ezɨ fighɨn temeba be. Ezɨ ruarimɨn beniba akɨmariba otifi, ezɨ dar akɨmariba mughuriar aghuiba zui. O nan amizir kɨ bar ifongezim, nan amizir dirim, nɨ dɨkavigh azenan izɨ, egh ga arɨ mangam.”

Fofozir Gumazim 9:10

Egh nɨ ingangaritam damusɨ, bar uan gavgavim sara a damu. Nɨ fo, Oveaghuezibar Nguibar nɨ mangamim, nɨ ingangarir tam ko nɨghnɨzitam damuan kogham. Danganir kamɨn, nɨ nɨghnɨzir aghuitam ko fofozir aghuitam inian kogham.

Aghuzir Akaba 8:17

Ezɨ gumazamizir manaba gavgavigha na buri, me nan ganam. Ezɨ gumazamizir manaba na gifonge, kɨ uaghan bar me gifuegham.

Onger Akaba 73:25

O God, tina ua nɨn Nguibamɨn ikɨ deragh nan ganam? Nɨ bar uabɨra, ua gumaziba puvatɨ. Kɨ bar nɨ gifonge. Kɨ nguazir kamɨn ua bizitam gifongezir puvatɨ.

Onger Akaba 43:4

O God, nɨ nan God, nɨrara nan navim gamima a derazɨ kɨ bar akonge. Kɨ nɨn ofa gamir dakozimɨn mangɨ, egh uan gita mɨsogh nɨn ziar ekiam fam.

Ua Me Ini 25:22

Eghtɨ kɨ danganir arazir kuraba gɨn amadir kamɨn, enselɨn bar gavgavimningɨn nedazimningɨn tongɨn Boksiamɨn asuam gisɨn nɨ bativam. Egh kɨ uan Akar Gavgaviba nɨ danɨngam. Eghtɨ nɨ nan Akar Gavgaviba Israelia danɨngam.”

Solomon 4:13

Nɨ mati azenir aghuim, temer bar aghuiba an iti. Temer maba dagher aghuiba iti, ezɨ maba mughuriar aghuim zuir boreba iti. Maba me dar sandan aghuibar dar ingari, egha maba, daghebagh amima, da isɨngi. Temer kaba, dar ovɨziba bar isɨngigha, nguazir kamɨn ter ovɨziba bar dagh afira. Dar eboriba bar isɨngigha, nguazir kamɨn ter eboriba bar dagh afira.

Solomon 7:11

O nan roroar gumazir kɨ bar ifongezim, nɨ na ko izɨ. Ga dɨmagarimɨn ruarimɨn mangɨ, egh nguibar dozibar ikɨ dakuam.