Solomon 6:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Atrivim amuir avɨriba iti. 60plan kwinba, ko 80plan amuir doziba. Egha amizir igiar avɨrir maba uaghan iti, ezɨ gumazitam men dɨbobonim gɨfozir puvatɨ.

Solomon 6:8 ပူးပေါင်းရင်းမြစ်များ

Onger Akaba 45:14

Korotiar an aruzir kam dirir bar avɨriba iti, ezɨ me an akua atrivim bagha zui. A zuima an namakar amizir igiaba, me uaghan an akua zui.

1 Atriviba 11:3

Solomon amuir 700pla ikia, amuir dozir 300pla iti. Ezɨ amizir kaba an nɨghnɨzim gɨrazɨ, an akɨrim ragha Ikiavɨra Itir God gasara.

Onger Akaba 45:9

Atrivibar guivir maba, me nɨn ziaba itir amizibar tongɨn ikia nɨn dɨpenimɨn aven iti. Ezɨ amizir igiar nɨn amuimɨn otoghamim, a nɨn agharir guvimɨn tughav iti. A Ofirɨn kantrin golɨn asɨngizir korotiar aghuim arugha tughav iti.

1 Atriviba 11:1

Solomon kantrin igharazibar amizir avɨrim gifonge. A faragha Isipian atrivimɨn guivimɨn ikia, egha uaghan kantri Moapɨn amizibar ikia, egha kantri Amonɨn amiziba ko, kantri Idomɨn amiziba, ko Saidonɨn nguibar ekiamɨn amiziba, ko Hitian amizibar iti.

Akar Mogomem 7:9

Egha kɨ gɨn ua garima, gumazamizir avɨrim uari akuvagha iti. Gumazitam men avɨrim mengan iburagham. Gumazamizir kaba, me kantriba bar ko anababa bar ko mɨkarzir igharagha gariba bar ko nguibabar akaba bar dar gumazamiziba, men marazira izegha iti. Egha me atrivir dabirabim ko Sipsipɨn Nguzimɨn guamɨn tuivighav iti. Me korotiar ghurghurir ruariba aghuigha, uan agharibar okavir aghuabar suiki.

2 Eghaghaniba 11:21

Rehoboam 18plan amuiba iti, egha uaghan 60plan amuir doziba iti. Ezɨ an amuir kaba, 28plan otariba ko 60plan guiviba bate. Rehoboam amuir avɨribar iti, egha a guizbangɨra Maka bar a gifonge.

Solomon 1:3

Nɨn mɨkarzim mughuriar bar aghuim iti. Kɨ nɨn ziam baregha bar akonge, mati kɨ sandan aghuim bagha bar akonge. Kamaghɨn, amizir igiaba bar nɨ gifonge.