Solomon 6:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ O kɨ ifongezir amizim, nɨn ganganim bar dera, mati Tirsan nguibar ekiam, ko Jerusalemɨn nguibar ekiam. Nɨn ganganim nan damazimɨn, nɨ amizir bar dirim, mati gumazir mam gari, mɨdorozir gumaziba uan ababanir inir avɨzibar suigha izi, ezɨ kɨ dɨgavir kuram gamigha mɨkɨman asa.

Solomon 6:4 ပူးပေါင်းရင်းမြစ်များ

Solomon 6:10

Muna tinara nan gari? An guam mati amɨnim tirazɨ, aruer ekiam isiragha dafo. An guam bar angarigha, mati iakɨnir aruem isira. An ganganim nan damazimɨn bar amizir dirim, mati gumazir mam garima, mɨdorozir gumaziba uan ababanir inir avɨzibar suigha izi, ezɨ kɨ dɨgavir kuram gamigha mɨkɨman asa.

Onger Akaba 48:2

Saionɨn Mɨghsɨar kam, an ganganim bar deragha bar pɨn mar iti. A notɨn amadaghan iti, ezɨ atrivir ekiamɨn nguibam an iti. Ezɨ nguazimɨn gumazamiziba mɨghsɨar kam bagha bar ifonge.

1 Atriviba 14:17

Ezɨ Jeroboamɨn amuim akar kaba baregha dɨkavigha uamategha Tirsan nguibar ekiamɨn zui. A ghua uan dɨpenimɨn aven zuima, an otarim areme.

Akar Mogomem 21:2

Ezɨ Nguibar God Baghavɨra Itim, a Jerusalemɨn igiam, kɨ an gari. Kɨ an garima, a Godɨn damazimɨn ikegha Godɨn Nguibam ategha izaghiri. A uabɨ akɨrigha, kurukazir bar aghuim gami, mati amizim uan pamɨn ikiasa kuruke.

Solomon 4:7

Nan amizir kɨ bar ifongezim, nɨn ganganim bar dera. Nɨn mɨkarzim duar kuritam an itir puvatɨ.

Solomon 2:14

Nɨ uan dɨpenimɨn aven ikia, mati kuarazir bunbam saghon itir mɨghsɨamɨn dagɨar torir muziarimɨn modoghav iti. Nɨ azenan izɨtɨ, kɨ nɨn guar dirimɨn ganɨva, egh nɨn tiarir isɨngtɨzim baragham.

Onger Akaba 50:2

God Saionɨn nguibamɨn ikia uan Dɨpenimɨn iti. Nguibar kam a bar deragha ganganir aghuim gami, Godɨn angazangarim Saionɨn otiva a gisiragha nguazir kam bar an ghu.

Efesus 5:27

A kamaghsua, a sios damightɨ an an damazimɨn bar aghungigh, egh bar zueghɨva, arazir kuratam puvatɨgh, duar kuriba ko seghsariba puvatɨghɨva, bizir kurar maba sara uaghan puvatɨgham. Kamaghɨn Krais a bagha uabɨ isa a ganɨngi.

2 Korin 10:4

Inogovir bizir e suighiziba, da nguazimɨn inogovir biziba pu. Bar puvatɨ. Bizir kaba, Godɨn gavgavim dar iti. Eghtɨ e dar suighɨva apanibar dɨvɨnir gavgavim abɨghɨrarɨgham.

Sekaraia 12:3

Dughiar kam otogh gɨvaghtɨ, kɨ Jerusalem damightɨma a dagɨar bar osɨmtɨzimɨn mɨn otogham. Eghtɨ kantriba bar a ko mɨsoghsɨ uari akuvagh, me uari ikuvigham, mati gumazim dagɨar osɨmtɨzir kam fava mɨzazim isi.

Solomon 1:15

Ame! Nɨ amizir bar dirim ezɨ kɨ bar nɨ gifonge. Ezɨ nɨ uaghan na gifonge, ezɨ nɨn damazim bar dera mati kuarazir bunbamɨn damazim.

Solomon 1:5

O Jerusalemɨn itir amizir igiaba, ia oragh. Nan mɨkarzim pɨki, Ezɨ kɨ ganganir aghuim gami. Nan mɨkarzim pigha, mati Kedarɨn purirpenim. Ezɨ nan ganganim bar dera, mati inir aghuir Solomonɨn dɨpenimɨn guighav itiba.

1 Atriviba 15:21

Ezɨ Atrivim Basa kamaghɨn akam baraki, Sirian mɨdorozir gumaziba iza Israelia mɨsosi, ezɨ a ingangarir Raman nguibar ekiamɨn amim ategha, ua ghua Tirsan nguibar ekiamɨn iti.

Onger Akaba 48:3

God nguibar kamɨn ikia, mɨdorozibar dughiabar uan gumazamizibagh eghuva men akurvazima, me deravɨra iti.