Solomon 5:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ nguibar ekiamɨn dɨvazim geghuvir gumaziba na batogha, na mɨsogha na mɨkarzim gasɨghasigha, egha kɨ azenan azuir korotiam ini.

Solomon 5:7 ပူးပေါင်းရင်းမြစ်များ

Solomon 3:3

Ezɨ nguibar ekiam geghuvir gumaziba arua iza na bato. Ezɨ kɨ men azara, “Gumazir kɨ ifongezir kam, ia ti an ganiz, o puvatɨ?”

Hibru 12:2

E Iesusra ganam, an en nɨghnɨzir gavgavimɨn mɨngarim, egh an en nɨghnɨzir gavgavim damightɨ, a gɨn deraghvɨram otogham. Iesus fo, a bar deravɨra Godɨn akamɨn gɨn mangɨ egh a gɨn bar deravɨra ikɨva bar akuegh mamaghɨra ikiam. Egha a bizir kam gɨnɨghnɨgha gavgavigha ikia osɨmtɨziba atera ter ighuvimɨn ovenge. Gumazamiziba kamaghɨn nɨghnɨgha ghaze, gumazir ter ighuvimɨn ovengezim, a bar gumazir arazir kurabagh amim, egha aghumsɨzir ekiam isi. Ezɨ Iesus aghumsɨzim gɨnɨghnɨzir puvatɨgha, egha areme. Egha datɨrɨghɨn a Godɨn agharir guvimɨn atrivir dabirabimɨn aperaghav iti.

Filipai 3:6

Kɨ fomɨra bar gavgavigha Godɨn ingangarim damuasa bar ifonge, kamaghɨn kɨ Kraisɨn adarazigh asɨghasɨgha mɨzazim me ganɨdi. Ezɨ gumaziba Moses Osirizir Arazibagh nɨghnɨgha, nan araziba tuisɨgha, me fo, osɨmtɨzitam nan itir puvatɨ.

2 Korin 11:13

Gumazamizir kaba me aposelɨn ifavariba ko ingarir gumazir ifavariba. Me gumazibagh ifar uan araziba otavkɨntɨ gumazamiziba men gan suam, me guizbangɨra Kraisɨn aposelbar iti.

Jon Osirizir Akar Aghuim 16:2

Me ian anogoreghtɨ ia ua God ko mɨgeir dɨpenibar aven ikian kogham. Eghtɨ gɨn dughiam izɨtɨ, gumaziba ia mɨsoghtɨ ia arɨmɨghiram, egh me suam, me Godɨn ingangarir aghuim gami.

Luk Osirizir Akar Aghuim 6:22

Me ian gantɨ ia Gumazamizibar Otarimɨn gɨn mangɨtɨma, men naviba ia bagh bar ikuvigham. Egh me ia batoghɨva pazɨ ia damuva ian ziabagh asɨghasɨgham. Bizir kaba ia bativtɨ ian naviba deragh.

Matyu 23:2

Egha kamaghɨn mɨgei, “Judan Arazibagh fozir gumaziba ko Farisiba, me Mosesɨn danganim inigha Moses Osirizir Araziba ia geghari.

Hosea 6:5

Kamaghɨn amizɨ, kɨ uan akam akunasa, akam inigha izir gumaziba amangi. Eghtɨ me akam ia mɨkɨntɨ, akar kaba ian arazir kuraba tuisɨgh osɨmtɨzir ekiam ia danɨngam. Bizir ia damuasa kɨ ifongezim, ia a baregha a gɨfogha gɨfa. Bizir kam, azenimra ikia kamaghɨn iti:

Aisaia 62:6

O Jerusalem, nɨn dɨvazir mɨtiar gavgavibar pɨn, kɨ apaniba bagha garir gumaziba afe, eghtɨ ganganir gumazir kaba, arueba ko dɨmagaribar uan akabar kumighan kogham. Kɨ kamaghɨn me mɨkeme, “Ia Ikiavɨra Itir Godɨn deir gumazamiziba, ia avughsan markɨ.

Solomon 8:11

Atrivim Solomonɨn wainɨn azenim Balhamonɨn nguibamɨn iti. Gumaziba azenir kamɨn ingarsɨ, me vaghvagh 1,000 silvan dagɨaba isɨ Atrivim Solomon danɨng.

Onger Akaba 141:5

Gumazir aghuim nan apangkuvigh, arazir aghuim damusɨ nan atar fofozim na danɨngtɨ, kamaghɨn a dera. Kamaghɨn, kɨ gumazir kuraba ko namakabar amuan kogham. Kɨ zurara God ko mɨgɨa ghaze, a men arazir kuraba uam ada ikarvagham.

Solomon 5:6

Kɨ uan roroar gumazir kɨ bar ifongezim bagha tiam kui. Kɨ gari, ezɨ puvatɨ, a zuamɨra ua ragha ghugha gɨfa. Ezɨ kɨ an garir puvatɨ. Kɨ an mɨgɨrɨgɨabagh nɨghnɨgha nan navim a bagha bar ikufi. Kɨ a buriagharua, an apizir puvatɨ. Kɨ an deima, a na ikarazir puvatɨ.

Solomon 5:8

O Jerusalemɨn amiziba, kɨ akar gavgavim ia ganɨga ghaze, Ia nan roroar gumazir kɨ bar ifongezir kam, ia a batoghɨva, a mɨkɨm suam, kɨ bar a gifonge. Bizir kam bagha nan agharapaniba nan amɨrazɨ, nan damazimning nan sɨri.