Solomon 5:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ An agharimning bar dera. Egh uan dafarimningɨn kurka ringɨn ivezir pɨn koziba aghui. An navir asɨzim bar ghurghurigha, bar dafo. Ezɨ an letiam me dagɨar bluplan ivezir pɨn kozibar anesɨngizɨ, a uan ivariam gike.

Solomon 5:14 ပူးပေါင်းရင်းမြစ်များ

Ua Me Ini 24:10

Egha me Israelian Godɨn gari. Ezɨ an dagarimningɨn apengan bluplan bizir ekiam ikia dagɨar azuarimɨn mɨn gara, egha overiam taghtazi moghɨn angazangari.

Aisaia 54:11

Ikiavɨra Itir God ghaze, “O Jerusalemɨn nguibam, noki, gumazitam nɨn apangkuvizir puvatɨ, egha osɨmtɨzir avɨriba nɨ garɨgha nɨ apɨrizɨ nɨ irɨ. Eghtɨ kɨ dagɨar bar aghuiba inigh ua nɨn ingarightɨ, nɨ nguibar bar aghuim otogham. Kɨ dagɨar aghuir ivezim bar pɨn koziba inigh nguazimɨn dar afegh, adagh isɨn nɨ afagham. Egh dɨvazir gavgavim nɨ gighuigh an ingarigh, egh kɨ dagɨar igharagha gara taghtazir aghuiba inigh, dɨvazimɨn tiar akabar ingarigh, uaghan dɨvazimɨn mɨn, dɨpenir bar pɨn itibar ingarigham.

Esekiel 1:16

Ezɨ wilɨn kaba magh gari, da vaghvagha dagɨar iangurir pɨn kozibar mɨn taghtasi. Egha uaghan da vaghvagha dar aven wilɨn igharazir mam ua vaghvagha wilɨn kabar aven dagh ighuvagha iti.

Aisaia 52:13

Ikiavɨra Itir God kamaghɨn mɨgei, “Ia oragh, bizir nan ingangarir gumazim amiziba, da bar moghɨra deraghvɨram otivigham. Eghtɨ gumazamiziba ziar ekiam a danɨngɨva, an ziam bar a pɨrafam.

Aisaia 9:7

Eghtɨ atrivir kam, Atrivim Devitɨn danganim inigh, Devitɨn atrivir dabirabim daperagh gumazamizibar ganam. Eghtɨ a gumazamizibagh ativagh men ganamin gavgavir kam, an ekɨv mangɨvɨra ikiam. Kamaghɨn mɨdoroziba ua puvatɨghtɨ, gumazamiziba navir amɨrizimɨn ikia, deraghvɨra dapiagh ikɨ mamaghɨra ikiam. Atrivir kam, guizɨn arazimɨn gɨn ghua biziba deragha da tuisɨgha, Godɨn arazir aghuibara amuasavɨra iti. A kamaghɨn damutɨ, an atrivir ingangarim datɨrɨghɨn ikegh gavgavigh mangɨvɨra ikiam. Ikiavɨra Itir Godɨn Gavgaviba Bar Itim, uan gumazamiziba guizbangɨra bar me gifonge, kamaghɨn amizɨ, a bizir kam damightɨ an otogham.

Solomon 7:2

Nɨn overapanim, mati itarir mam, me wainɨn dɨpam ko pauran isɨngtɨzim verezɨ, an a gizɨfa. Nɨn navim bar dera, mati witɨn pozir mam, me akɨmarir aghuaribar an kuruke.

Onger Akaba 99:4

Atrivir gavgavim, nɨ arazir aghuiba bagha ifonge. Nɨ arazir aghuimra Israelia e gamizɨ e an gɨn zui. Nɨ e gamizɨ, e kotɨn aven deragha gumazamizibar araziba tuisɨsi.

Ua Me Ini 15:6

Ikiavɨra Itir God, nɨn agharir guvim bar gavgavir ekiam iti, nɨ uan apaniba dɨkaragha bar me mɨrmɨri.

Jopɨn Akɨnafarim 28:16

Nɨ kantri Ofirɨn golɨn bar aghuiba ko dagɨar iveziba bar pɨn koziba, da isɨ aning givezeghan kogham.

Daniel 10:6

Egha an mɨkarzim dagɨar angazangarim itimɨn mɨn taghtasi. Ezɨ an guam mati onɨmarim taghtasi. Ezɨ an damazimning avimɨn mɨn dafogha isi. Ezɨ an aghariba ko sueba da brasɨn mɨn ghurghurizɨ, an tiarim mati gumazir avɨriba mɨgei.